Bank Merger: ಬ್ಯಾಂಕುಗಳ ವಿಲೀನ; ಗ್ರಾಹಕರು ತಿಳಿಯಲೇ ಬೇಕಾದ ವಿಷಯಗಳು

ಸಾರ್ವಜನಿಕ ವಲಯದ ಬ್ಯಾಂಕ್ಗಳ ವಿಲೀನ ಶೀಘ್ರದಲ್ಲಿಯೇ ನಡೆಯಲಿದ್ದು , ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಓರಿಯಂಟಲ್ ಬ್ಯಾಂಕ್ ಆಫ್ ಕಾಮರ್ಸ್ ಮತ್ತು ಯುನೈಟೆಡ್ ಬ್ಯಾಂಕ್ಅನ್ನು ವಿಲೀನ ಮಾಡಲಾಗಿದೆ. ಕೆನರಾ ಬ್ಯಾಂಕ್ ಮತ್ತು ಸಿಂಡಿಕೇಟ್ ಬ್ಯಾಂಕ್ ಒಂದಾಗಿವೆ ಹಾಗೂ ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ಆಂಧ್ರಾ ಬ್ಯಾಂಕ್ ಮತ್ತು ಕಾರ್ಪೊರೇಷನ್ ಬ್ಯಾಂಕ್ ಗಳು ವಿಲೀನವಾಗಲಿದೆ.

ಬ್ಯಾಂಕ್ ಆಫ್ ಇಂಡಿಯಾ ಮತ್ತು ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ ರಾಷ್ಟ್ರೀಯ ಸಮಕ್ಷಮದಲ್ಲಿ ಮುಂದುವರೆಯಲಿದೆ. ಇಂಡಿಯನ್ ಓವರ್ಸೀಸ್ ಬ್ಯಾಂಕ್, ಯುಸಿಒ ಬ್ಯಾಂಕ್, ಬ್ಯಾಂಕ್ ಆಫ್ ಮಹಾರಾಷ್ಟ್ರ ಮತ್ತು ಪಂಜಾಬ್, ಸಿಂಧ್ ಬ್ಯಾಂಕ್ಗಳು ಪ್ರಾದೇಶಿಕ ಉಪಸ್ಥಿತಿಲ್ಲಿ ಮುಂದುವರೆಯಲಿವೆ.

ಬ್ಯಾಂಕ್ಗಳ ವಿಲೀನ ರಾತ್ರೋ ರಾತ್ರಿ ನಡೆಯುವ ಪ್ರಕ್ರಿಯೆಯಲ್ಲ. ಈ ಪ್ರಕ್ರಿಯೆ ಕನಿಷ್ಠ ಪಕ್ಷ ಒಂದು ತಿಂಗಳಾದರೂ ಸಮಯಬೇಕು. ಬ್ಯಾಂಕ್ಗಳ ವಿಲೀನದಿಂದ ಗ್ರಾಹಕರ ಖಾತೆಗೆ ಯಾವುದೇ ತೊಂದರೆ ಇಲ್ಲ.

ಬ್ಯಾಂಕ್ ವಿಲೀನ ಪ್ರಕ್ರಿಯೆ ಜೊತೆಯಲ್ಲಿ ಬ್ಯಾಂಕ್ಗಳು ಗ್ರಾಹಕರ ಖಾತೆ ವಿಲೀನ ಬಗ್ಗೆ ಕೂಡ ಪ್ರಕ್ರಿಯೆ ಆರಂಭಿಸುತ್ತದೆ. ಈ ಬಗ್ಗೆ ಗ್ರಾಹಕರಿಗೆ ನಿರಂತರವಾಗಿ ಬ್ಯಾಂಕ್ಗಳು ಮಾಹಿತಿ ನೀಡುತ್ತವೆ ಹಾಗೂ ಖಾತೆ ಬದಲಾದವಣೆಯಾದಲ್ಲೂ ಈ ಬಗ್ಗೆ ಅವರಿಗೆ ತಿಳಿಸಲಾಗುತ್ತದೆ.

ನಿಮ್ಮ ಬ್ಯಾಂಕ್ ಖಾತೆ ಬೇರೋಂದು ಬ್ಯಾಂಕ್ಜೊತೆ ವಿಲೀನವಾದರೂ ಕೆಲವು ದಿನಗಳ ಮಟ್ಟಿಗೆ ನಿಮ್ಮ ಚೆಕ್ ಬುಕ್ ಹಾಗೂ ಎಟಿಎಂ ಕಾರ್ಡ್ ಬಳಕೆ ಮಾಡಬಹುದು. ಬ್ಯಾಂಕ್ ಖಾತೆ ಬದಲಾದ ಕೂಡಲೇ ಬದಲಾದ ಬ್ಯಾಂಕ್ ಖಾತೆಯಿಂದ ಹೊಸ ಚೆಕ್ಬುಕ್ ಹಾಗೂ ಎಟಿಎಂ ಕಾರ್ಡ್ ಸಿಗಲಿದೆ. ಒಂದು ಬೇಳೆ ನೇರವಾಗಿ ನಿಮ್ಮ ಮನೆಗೆ ಪೋಸ್ಟ್ ಬರದಿದ್ದರೆ ಈ ಬಗ್ಗೆ ಬ್ಯಾಂಕ್ ಅಧಿಕಾರಿಗಳನ್ನು ವಿಚಾರಿಸುವುದು ಒಳಿತು

ಬ್ರಾಂಚ್ ಸೇವೆಯಲ್ಲಿ ಯಾವುದೇ ಬದಲಾವಣೆಗಳು ನಡೆಯುವುದಿಲ್ಲ. ಒಂದು ವೇಳೆ ಈ ರೀತಿ ಬದಲಾವಣೆಯಾದಲ್ಲಿ ಬ್ಯಾಂಕ್ಗಳಿಂದ ಮಾಹಿತಿ ಸಿಗಲಿದೆ

ಬ್ರಾಂಚ್ ಸೇವೆಯಲ್ಲಿ ಯಾವುದೇ ಬದಲಾವಣೆಗಳು ನಡೆಯುವುದಿಲ್ಲ. ಒಂದು ವೇಳೆ ಈ ರೀತಿ ಬದಲಾವಣೆಯಾದಲ್ಲಿ ಬ್ಯಾಂಕ್ಗಳಿಂದ ಮಾಹಿತಿ ಸಿಗಲಿದೆ

ಡಿಜಿಟಲ್ ಬ್ಯಾಂಕಿಂಗ್ನಲ್ಲಿಯೂ ಯಾವುದೇ ಬದಲಾವಣೆಗಳು ಆಗುವುದಿಲ್ಲ. ಬ್ಯಾಂಕ್ ವಿಲೀನವಾದರೂ ನಿಮ್ಮ ಖಾತೆಯಲ್ಲಿರುವ ಹಣ ಸುರಕ್ಷಿತವಾಗಿರಲಿದೆ

ಬ್ಯಾಂಕ್ ಖಾತೆ ನಂಬರ್ ಹಾಗೂ ಐಎಫ್ಎಸ್ಸಿ ಕೋಡ್ನಲ್ಲಿ ಬದಲಾವಣೆಯಾಗಲಿದೆ. ಬ್ಯಾಂಕ್ ಶುಲ್ಕ, ಎಂಟಿಎಂ ಶುಲ್ಕ ಮತ್ತು ಇನ್ನಿತ ಸೇವೆಗಳ ಕುರಿತು ಅರಿಯುವುದು ಒಳಿತು

ಬ್ಯಾಂಕ್ ವಿಲೀನದಿಂದ ನಿಮ್ಮ ಖಾತೆ ಬಗ್ಗೆ ನಿಮಗೆ ಏನೇ ಗೊಂದಲ ಮೂಡಿದರೂ, ನಿಮ್ಮ ಹತ್ತಿರದ ಬ್ರಾಂಚ್ಗೆ ಭೇಟಿ ನೀಡಿ ಈ ಬಗ್ಗೆ ಖಾತ್ರಿ ಪಡಿಸಿಕೊಳ್ಳುವುದು ಉತ್ತಮ