Police: ಲವರ್​ ಜೊತೆ ಹೋಟೆಲ್​ಗೆ ಎಂಟ್ರಿ ಕೊಟ್ಟ ಇನ್ಸ್​​ಪೆಕ್ಟರ್​ ; ರೆಡ್​ಹ್ಯಾಂಡ್​ ಆಗಿ ಸಿಕ್ಕಿಬಿದ್ದ ಗಂಡನಿಗೆ ಹೆಂಡತಿಯಿಂದ ಕಪಾಳಮೋಕ್ಷ

ಕಾನ್ಪುರದ ಗ್ವಾಲ್ಟೋಲಿ ಪೊಲೀಸ್​ ಠಾಣೆಯ ಇನ್ಸ್​ಪೆಕ್ಟರ್​ ಅರುಣ್​ ಕುಮಾರ್​ ಹೆಂಡತಿ ಎದುರು ಪ್ರೇಯಸಿ ಕೈಗೆ ರೆಡ್​ ಹ್ಯಾಂಡ್ ಆಗಿ ಸಿಕ್ಕಿಬಿದಿದ್ದಾರೆ. ಮದುವೆಯಾಗಿ ಚಂದದ ಸಂಸಾರ ಹೊಂದಿದ್ದ ಅರುಣ್​ ಕುಮಾರ್​ ಮತ್ತೊಂದು ಹುಡುಗಿ ಜೊತೆಗೆ ಸಂಬಂಧವನ್ನು ಹೊಂದಿದ್ದರು. ಆದರೆ, ಈ ವಿಚಾರವನ್ನು ಮನೆಯಲ್ಲಿ ಗೊತ್ತಾಗದಂತೆ ಗೌಪ್ಯತೆ ಕಾಪಾಡಿಕೊಂಡಿದ್ದರು. ಆದರೆ, ದುರದೃಷ್ಟವಶಾತ್​ ಈ ವಿಚಾರ ಮುಚ್ಚಿಡಲು ಇನ್ನಿಲ್ಲದಂತೆ ಹೆಂಡತಿ ಕೈಗೆ ಸಿಕ್ಕಿ ಬಿದ್ದಿದ್ದಾರೆ

ಗ್ವಾಲ್ಟೋಲಿಗೆ ಇತ್ತೀಚೆಗೆ ವರ್ಗಾವಣೆಯಾದ ಅರುಣ್​ ಕುಮಾರ್​​ಗೆ ತನ್ನ ಈ ಸಂಬಂಧ ಕುಟುಂಬಕ್ಕೆ ತಿಳಿಯುವುದಿಲ್ಲ ಎಂಬ ನಂಬಿಕೆಗೆ ಕಾರಣ ಆತನ ಕುಟುಂಬ ಬೇರೆ ಊರಿನಲ್ಲಿದ್ದಿದ್ದು. ಹೆಂಡತಿ ಫುರುಕಬಾದ್​ನಲ್ಲಿ ನೆಲೆಸಿದ್ದರು. ಈ ಹಿನ್ನಲೆ ಆತ ಪ್ರೇಯಸಿ ಜೊತೆ ನಿಶ್ಚಿಂತೆಯಿಂದ ಇದ್ದರು. ಆದರೆ, ಆತನ ದುರಾದೃಷ್ಟವಶ ಹೆಂಡತಿ ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಲು ಫುರುಕಬಾದ್​ನಿಂದ ಗ್ವಾಲ್ಟೋಲಿಗೆ ಆಗಮಿಸಿದ್ದಾರೆ. ಆದರೆ, ಈ ವಿಚಾರ ಅರುಣ್​ಗೆ ತಿಳಿದಿರಲಿಲ್ಲ.

ಯಾವಾಗ ಗಂಡನನ್ನು ಹೆಂಡತಿ ಬೇರೆ ಹುಡುಗಿ ಜೊತೆ ನೋಡಿದಳು ತಕ್ಷಣವೇ ತನ್ನ ವರಸೆ ತೋರಿಸಿದ್ದಾಳೆ. ಹೋಟೆಲ್​ನಲ್ಲಿಯೇ ಗಂಡ ಹೆಂಡತಿ ಕೈ ಕೈ ಮಿಲಾಯಿಸಿದ್ದಾರೆ. ಅಲ್ಲದೇ, ಈ ಸಂಬಂಧ ಹೆಂಡತಿ ಮೇಲಾಧಿಕಾರಿಗಳಿಗೆ ಕೂಡ ದೂರು ನೀಡಿದ್ದಾರೆ.

ತಕ್ಷಣಕ್ಕೆ ಅಲ್ಲೇ ಇದ್ದ ಪೊಲೀಸ್​ ಕಮಿಷನರ್ ಸಮಸ್ಯೆ ಬಗೆಹರಿಸಲು ಮುಂದಾಗಿದ್ದಾರೆ. ಅಲ್ಲದೇ ಇನ್ಸ್​ಪೆಕ್ಟರ್​ ಅರುಣ್​ ಕುಮಾರ್​ನನ್ನು ಅಧಿಕಾರದಿಂದ ವಜಾ ಮಾಡಿದ್ದಾರೆ. ನಾಚಿಕೆಗೇಡಿನ ಸಂಗತಿ ಎಂದರೆ ಪೊಲೀಸರು ಮಹಿಳಾ ಸಬಲೀಕರಣ ಕುರಿತು ಆಯೋಜಿಸಿದ್ದ ಕಾರ್ಯಕ್ರಮದಲ್ಲೇ ಈ ಎಲ್ಲಾ ಘಟನೆ ನಡೆದಿದೆ,

ಘಟನೆ ಕುರಿತು ದೂರು ದಾಖಲಿಸಿಕೊಂಡಿರುವ ಕಾನ್ಪುರ ಪೊಲೀಸರು ತನಿಖೆಗೆ ಮುಂದಾಗಿದ್ದಾರೆ.