Jamnagar: ಗುಜರಾತ್​ನ ಜಾಮ್​ನಗರದಲ್ಲಿನ ನಾಥೂರಾಂ ಗೋಡ್ಸೆ ಪ್ರತಿಮೆ ಧ್ವಂಸಗೊಳಿಸಿದ ಕಾಂಗ್ರೆಸ್ಸಿಗರು

ಮಹಾತ್ಮ ಗಾಂಧಿಯನ್ನು ಗುಂಡಿಟ್ಟು ಹತ್ಯೆ ಮಾಡಿದ್ದ ನಾಥೂರಾಮ್​ ಗೋಡ್ಸೆಯನ್ನು 1949ರ ನವೆಂಬರ್​ 15ರಂದು ಗಲ್ಲಿಗೆ ಏರಿಸಲಾಗಿತ್ತು. ಈ ದಿನದ ಅಂಗವಾಗಿ ನಿನ್ನೆ ಜಾಮ್​ನಗರನಲ್ಲಿ ಗೋಡ್ಸೆಪ್ರತಿಮೆ ನಿರ್ಮಾಣ ಮಾಡಲಾಗಿತ್ತು.

ಈ ವಿಷಯ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಆಗಮಿಸಿದ ಕಾಂಗ್ರೆಸ್​ ನಾಯಕರು ಪ್ರತಿಮೆ ಧ್ವಂಸ ಗೊಳಿಸಿದ್ದಾರೆ. ಇನ್ನು ಧ್ವಂಸ ಮಾಡುವಾಗ ಸುತ್ತಲೂ ಕೇಸರಿ ಪಟ್ಟಿಯನ್ನು ಅವರು ಹಾಕಿದ್ದರು

ಕಳೆದ ಆಗಸ್ಟ್‌ನಲ್ಲಿ ಜಾಮ್‌ನಗರದಲ್ಲಿ ನಾಥೂರಾಂ ಗೋಡ್ಸೆ ಪ್ರತಿಮೆ ಸ್ಥಾಪಿಸುವುದಾಗಿ ಹಿಂದೂ ಸೇನೆ ತಿಳಿಸಿತು. ಆದರೆ, ಈ ಪ್ರತಿಮೆ ನಿರ್ಮಾಣಕ್ಕೆ ಜಾಗವನ್ನು ನೀಡಲು ಅಧಿಕಾರಿಗಳು ನಿರಾಕರಿಸಿದ್ದರು. ಈ ನಡುವೆಯೂ , ಸಂಘಟನೆಯು ಹನುಮಾನ್ ಆಶ್ರಮದಲ್ಲಿ ಪ್ರತಿಮೆ ನಿರ್ಮಿಸಿ, ನಾಥುರಾಮ್ ಗೋಡ್ಸೆ ಅಮರ್ ರಹೇ ಎಂದು ಘೋಷಿಸಿದ್ದರು.

ಧ್ವಂಸ ಪ್ರಕರಣದ ಬಳಿಕ ಕಿಡಿ ಕಾರಿರುವ ಸಂಘಟನೆ ಗೋಡ್ಸೆ ಗಲ್ಲಿಗೇರಿಸಿದ ಹರಿಯಾಣದ ಅಂಬಾಲಾ ಸೆಂಟ್ರಲ್ ಜೈಲಿನಿಂದ ಮಣ್ಣು ತಂದು ಪ್ರತಿಮೆಯನ್ನು ನಿರ್ಮಿಸುವುದಾಗಿ ಘೋಷಿಸಿದೆ.

ಮಹಾಸಭಾ ಕಾರ್ಯಕರ್ತರು ಕಳೆದ ವಾರ ಗೋಡ್ಸೆ ಮತ್ತು ನಾರಾಯಣ ಆಪ್ಟೆ ಅವರನ್ನು ಗಲ್ಲಿಗೇರಿಸಿದ ಅಂಬಾಲಾ ಜೈಲಿನಿಂದ ಮಣ್ಣನ್ನು ತಂದಿದ್ದು, ಈ ಮಣ್ಣಿನ ಮೂಲಕ ಗೋಡ್ಸೆ ಮತ್ತು ಆಪ್ಟೆ ಅವರ ಪ್ರತಿಮೆಗಳನ್ನು ತಯಾರಿಸಲಾಗುವುದು. ಅವುಗಳನ್ನು ಗ್ವಾಲಿಯರ್‌ನಲ್ಲಿರುವ ಮಹಾಸಭಾದ ಕಚೇರಿಯಲ್ಲಿ ಸ್ಥಾಪಿಸಲಾಗುವುದು ಎಂದು ತಿಳಿಸಿತು.