IRCTC: ದುಬೈ ಪ್ರವಾಸ ಬಯಸುವವರಿಗೆ ಗುಡ್​ ನ್ಯೂಸ್, IRCTC ಯಿಂದ ಪ್ಯಾಕೇಜ್ ಘೋಷಣೆ​, ದರ, ಸ್ಥಳಗಳ ವಿವರ ಇಲ್ಲಿದೆ

IRCTC ಈಗಾಗಲೇ ನಮ್ಮ ದೇಶದಲ್ಲಿ ಅನೇಕ ಪ್ರವಾಸ ಪ್ಯಾಕೇಜ್‌ಗಳನ್ನು ತಂದಿದೆ. ಕೆಲವು ದೇಶಗಳಿಗೆ ವಿದೇಶಿ ಪ್ರವಾಸದ ಪ್ಯಾಕೇಜ್‌ಗಳನ್ನು ಸಹ ತರುತ್ತಿದೆ. ಇದೀಗ ಮತ್ತೊಂದು ಭರ್ಜರಿ ಪ್ಯಾಕೇಜ್ ತಂದಿದ್ದಾರೆ. ಈ ಪ್ಯಾಕೇಜ್‌ನಲ್ಲಿ ನೀವು ವಿಶ್ವದ ಅತಿ ಎತ್ತರದ ಕಟ್ಟಡವಾದ ಬುರ್ಜ್ ಖಲೀಫಾವನ್ನು ನೋಡುವುದಕ್ಕೆ ದುಬೈಗೆ ಹೋಗಬಹುದಾಗಿದೆ.

IRCTC ಟೂರ್ ಪ್ಯಾಕೇಜ್‌ನಲ್ಲಿ ಬುರ್ಜ್ ಖಲೀಫಾ ಜೊತೆಗೆ ಮ್ಯೂಸಿಕಲ್ ಫೌಂಟೇನ್ ಶೋ, ಡೆಸರ್ಟ್ ಸಫಾರಿ, ದುಬೈನ ಅನೇಕ ಮಾಲ್‌ಗಳು, ಡವ್ ಕ್ರೂಸ್ ಟೂರ್, ಅಬುಧಾಬಿ ಸಿಟಿ ಟೂರ್, ಫೆರಾರಿ ವರ್ಲ್ಡ್​ಗೂ ಭೇಟಿ ನೀಡುವ ಅವಕಾಶ ಕೂಡ ಸಿಗಲಿದೆ.

IRCTCಯು ದುಬೈ ಪ್ರವಾಸಕ್ಕಾಗಿ ಏರ್ ಟೂರ್ ಪ್ಯಾಕೇಜ್‌ಗಳನ್ನು ಪ್ರಾರಂಭಿಸಿದೆ. ಈ ಪ್ರವಾಸವು ಉತ್ತರ ಪ್ರದೇಶದ ಲಕ್ನೋದಿಂದ ಪ್ರಾರಂಭವಾಗುತ್ತದೆ. ಅಲ್ಲಿಂದ ನೇರ ವಿಮಾನದ ಮೂಲಕ ದುಬೈಗೆ ಕರೆದೊಯ್ಯಲಾಗುತ್ತದೆ.

ಈ ದುಬೈ ಪ್ರವಾಸದ ಅವಧಿಯು 5 ಹಗಲು ಮತ್ತು 4 ರಾತ್ರಿಗಳಾಗಿದೆ. ಪ್ರವಾಸವು ಮಾರ್ಚ್ 11 ರಿಂದ ಮಾರ್ಚ್ 15 ರವರೆಗೆ ಇರುತ್ತದೆ. ಈ ಪ್ಯಾಕೇಜ್‌ನ ವಿಶೇಷತೆಗಳ ಬಗ್ಗೆ ತಿಳಿಯೋಣ.

ಈ IRCTC ಪ್ರವಾಸ ಪ್ಯಾಕೇಜ್ ಮೂರು ಸ್ಟಾರ್ ಹೋಟೆಲ್ ವಸತಿ ಜೊತೆಗೆ ದುಬೈಗೆ ಮತ್ತು ದುಬೈನಿಂದ ರೌಂಡ್ ಟ್ರಿಪ್ ಫ್ಲೈಟ್ ಟಿಕೆಟ್‌ಗಳನ್ನು ಒಳಗೊಂಡಿದೆ. ಇದಲ್ಲದೇ ಬೆಳಗಿನ ಟಿಫಿನ್, ಮಧ್ಯಾಹ್ನ ಮತ್ತು ರಾತ್ರಿಯ ಊಟವನ್ನು ಈ ಪ್ಯಾಕೇಜ್‌ನಲ್ಲಿ ಸೇರಿಸಲಾಗಿದೆ.

ಪ್ರತಿ ವರ್ಷ ಭಾರತದಿಂದ ಹೆಚ್ಚಿನ ಸಂಖ್ಯೆಯ ಜನರು ದುಬೈಗೆ ಭೇಟಿ ನೀಡುತ್ತಾರೆ. ನೀವು ಬುರ್ಜ್ ಖಲೀಫಾವನ್ನು ನೋಡಲು ಬಯಸಿದರೆ, ಮರುಭೂಮಿ ಸಫಾರಿಯನ್ನು ಆನಂದಿಸಬೇಕೆಂದಿದ್ದರೆ, ನೀವು ಈ ಪ್ಯಾಕೇಜ್ ಅನ್ನು ಬುಕ್ ಮಾಡಬಹುದು.

ಈ ಪ್ರವಾಸ ಪ್ಯಾಕೇಜ್​ಅನ್ನು ಇಬ್ಬರು ಅಥವಾ ಮೂರು ಜನರಿಗೆ ಬುಕ್ ಮಾಡುವುದರಿಂದ ಒಬ್ಬರಿಗೆ 85,100 ರೂ.ಇರಲಿದೆ. ಒಂದು ವೇಳೆ ನೀವು ಏಕಾಂಗಿಯಾಗಿ ಪ್ರಯಾಣಿಸಲು ಯೋಜಿಸಿದರೆ ರೂ.1,01,800 ಪಾವತಿಸಬೇಕಾಗುತ್ತದೆ. ಈ ಪ್ಯಾಕೇಜ್ ನಲ್ಲಿ ಮಕ್ಕಳಿಗೆ ರೂ.84,400 ನಿಗದಿಪಡಿಸಲಾಗಿದೆ. IRCTC ಕಚೇರಿಗೆ ಭೇಟಿ ನೀಡುವ ಮೂಲಕ ಅಥವಾ ಅಧಿಕೃತ ವೆಬ್‌ಸೈಟ್ (https://www.irctctourism.com) ಮೂಲಕ ನೀವು ಈ ಪ್ಯಾಕೇಜ್ ಅನ್ನು ಆನ್‌ಲೈನ್‌ನಲ್ಲಿ ಬುಕ್ ಮಾಡಬಹುದು.