IPLನಿಂದ ಬದಲಾಯಿತು ಅದೃಷ್ಟ, ₹ 2 ಕೋಟಿ ಗೆದ್ದು ರಾತ್ರೋ ರಾತ್ರಿ ಕೋಟ್ಯಾಧಿಪತಿಯಾದ ವಾಚ್​ಮ್ಯಾನ್​ ಮಗ!

ಕಳೆದ ವಾರ ಕೇವಲ 49 ರೂಪಾಯಿ ಹೂಡಿಕೆ ಮಾಡುವ ಮೂಲಕ ಆನ್‌ಲೈನ್ ಫ್ಯಾಂಟಿಸಿ ಗೇಮ್​ನಲ್ಲಿ ಚಾಲಕನೊಬ್ಬ 1.5 ಕೋಟಿ ರೂಪಾಯಿ ಗೆದ್ದಿದ್ದ. ಇದೀಗ ಹತ್ತು ದಿನಗಳು ಕಳೆಯುವ ಮುನ್ನವೇ ಮತ್ತೊಬ್ಬ ವ್ಯಕ್ತಿ 2 ಕೋಟಿ ರೂಪಾಯಿ ಗೆದ್ದಿದ್ದಾರೆ.

ಬಿಹಾರದ  ವಾರಿಸ್​ಗರದ ಮುಕೇಶ್ ಪಾಸ್ವಾನ್ ಎಂಬಾತ ಡ್ರೀಮ್​ 11ನಲ್ಲಿ 2 ಕೋಟಿ ರೂಪಾಯಿ ಗೆಲ್ಲುವ ಮೂಲಕ ರಾತ್ರೋರಾತ್ರಿ ಕೋಟ್ಯಾಧಿಪತಿಯಾಗಿದ್ದಾರೆ.

ಯೂಟ್ಯೂಬ್‌ನಲ್ಲಿ ಡ್ರೀಮ್ 11 ವಿಜೇತರ ಬಗ್ಗೆ ಮುಕೇಶ್ ವೀಕ್ಷಿಸಿ ತಾವೂ ಕೂಡ ಆಡಲು ಶುರು ಮಾಡಿದ್ದರು. ಅದರೆ ಮೂರು ನಾಲ್ಕು ವರ್ಷಗಳಿಂದ ಆಡಿದರೂ ಗೆಲ್ಲಲು ಸಾಧ್ಯವಾಗಿರಲಿಲ್ಲ. ಹಾಗಾಗಿ ಕೆಲವು ದಿನಗಳಿಂದ ಆಡುವುದನ್ನ ಬಿಟ್ಟಿದ್ದರು

ವಾಚ್ ಮ್ಯಾನ್​ ಮಗನಾಗಿರುವ ಮುಕೇಶ್ ಪಾಸ್ವಾನ್ 2017ರಲ್ಲೇ ಡ್ರೀಮ್ 11ನಲ್ಲಿ ತಂಡವನ್ನು ಮಾಡಲು ಶುರು ಮಾಡಿದ್ದರು, ಆದರೆ ಬಹಳ ದಿನ ಹಣ ಗೆಲ್ಲಲು ಸಾಧ್ಯವಾಗದ ಕಾರಣ ಆಡುವುದನ್ನೇ ಬಿಟ್ಟಿದ್ದರು.

ಆದರೆ ಇತ್ತೀಚೆಗೆ ಯೂಟ್ಯೂಬ್‌ನಲ್ಲಿ ಜನರು ಕೋಟಿಗಟ್ಟಲೆ ಗೆದ್ದ ವೀಡಿಯೋಗಳನ್ನು ನೋಡಿದಾಗ ಅವರಿಗೆ ಮತ್ತೆ ಆಟ ಆಡುವ ಆಸೆಯಾಗಿದೆ. ಹಾಗೆ ಆಡುತ್ತಲೇ 2021ರಲ್ಲಿ 5 ಲಕ್ಷ ರೂಪಾಯಿ ಗೆದ್ದಿದ್ದರಂತೆ. ಆ ಬಳಿಕ ಇನ್ನಷ್ಟು ಧೈರ್ಯ ತಂದುಕೊಂಡು ಆಟ ಮುಂದುವರಿಸಿದ್ದಾರೆ.

ಮುಕೇಶ್ 2022 ರಲ್ಲೂ 2 ಲಕ್ಷ ರೂಪಾಯಿ ಗೆದ್ದಿದ್ದಾರೆ. ಇದೀಗ 2 ಕೋಟಿ ರೂಪಾಯಿ ಗೆದ್ದಿರುವುದು ತುಂಬಾ ಖುಷಿ ತಂದಿದೆ ಎಂದು ಸಂಭ್ರಮ ಹಂಚಿಕೊಂಡಿದ್ದಾರೆ.

ಆದರೆ ಇದೆಲ್ಲವೂ ನಾಣ್ಯದ ಒಂದು ಮುಖ ಮಾತ್ರ. ವಾಸ್ತವವಾಗಿ ಆನ್‌ಲೈನ್ ಗೇಮಿಂಗ್ ಮತ್ತು ಬೆಟ್ಟಿಂಗ್ ಒಳ್ಳೆಯದಲ್ಲ ಎನ್ನುವುದು ಹಲವರ ಅಭಿಪ್ರಾಯವಾಗಿದೆ. ಈಗಾಗಲೇ ಹಲವು ಮಂದಿ ಇಂತಹ ಆನ್​ಲೈನ್​ ಗೇಮ್​ಗಳಿಂದ ಸಾವಿರಾರು, ಲಕ್ಷ, ಕೋಟಿ ಕಳೆದುಕೊಂಡವರಿದ್ದಾರೆ. ಇದರಿಂದಲೇ ಸಾಲದ ಸುಳಿಗೆ ಸಿಲುಕಿ ಜೀವವನ್ನು ಬಿಟ್ಟಿದ್ದಾರೆ. ಹೀಗಾಗಿ ಇವುಗಳಿಂದ ದೂರವಿರುವುದು ಒಳಿತು ಎನ್ನುತ್ತಾರೆ ಹಣ ಕಳೆದುಕೊಂಡ ಸಂತ್ರಸ್ತರು.

Disclaimer: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಾಗಿರುವ ಮಾಹಿತಿ. ನ್ಯೂಸ್ 18 ಮಾಧ್ಯಮ ಯಾವುದೇ ಬೆಟ್ಟಿಂಗ್ ಮತ್ತು ಆನ್‌ಲೈನ್ ಗೇಮಿಂಗ್ ಅನ್ನು ಬೆಂಬಲಿಸುವುದಿಲ್ಲ ಎಂಬುದು ನಿಮ್ಮ ಗಮನಕ್ಕಿರಲಿ.