Vande Bharat Express: ವಂದೇ ಮೆಟ್ರೋ, ವಂದೇ ಭಾರತ್ ಸ್ಲೀಪರ್​ ರೈಲು ಪ್ರಾರಂಭ! ಕೇಂದ್ರ ಸಚಿವರಿಂದ ಮಹತ್ವದ ಮಾಹಿತಿ

ಭಾರತೀಯ ರೈಲ್ವೆ ಇತ್ತೀಚೆಗೆ ಪರಿಚಯಿಸಿದ ವಂದೇ ಭಾರತ್ ರೈಲುಗಳಲ್ಲಿ ಸಾಮಾನ್ಯ ಮತ್ತು ಎಕ್ಸಿಕ್ಯುಟಿವ್​ ಸೀಟ್​ಗಳನ್ನು ಮಾತ್ರ ಹೊಂದಿವೆ. ಇದುವರೆಗೂ ಸ್ಲೀಪರ್ ಬರ್ತ್‌ಗಳಿಲ್ಲ. ಆದರೆ ಪ್ರಯಾಣಿಕರಿಂದ ವಂದೇ ಭಾರತ್​ ಟ್ರೇನ್​ನಲ್ಲೂ ಸ್ಲೀಪರ್ ಬರ್ತ್ ವ್ಯವಸ್ಥೆ ಮಾಡಬೇಕು ಎಂದು ಮನವಿ ಮಾಡುತ್ತಿರುವುದಿರಂದ ರೈಲ್ವೆ ಇಲಾಖೆ ಆ ನಿಟ್ಟಿನಲ್ಲಿ ಪ್ರಯತ್ನ ಆರಂಭಿಸಿದೆ.

ಮುಂದಿನ ಫೆಬ್ರವರಿ-ಮಾರ್ಚ್ ವೇಳೆಗೆ 3 ಮಾದರಿಯ ವಂದೇ ಭಾರತ್ ರೈಲುಗಳನ್ನು ತರುವುದಾಗಿ ಕೇಂದ್ರ ಸರ್ಕಾರ ಹೇಳಿದೆ. ವಂದೇ ಮೆಟ್ರೋ, ವಂದೇ ಚೇರ್ ಕಾರ್, ವಂದೇ ಸ್ಲೀಪರ್ ರೈಲುಗಳು ಜಾರಿಗೆ ಬರಲಿವೆ.

100 ಕಿ.ಮೀ.ವರೆಗಿನ ಪ್ರಯಾಣಕ್ಕೆ ವಂದೇ ಮೆಟ್ರೋ ರೈಲು, 100ರಿಂದ 550 ಕಿ.ಮೀ.ವರೆಗಿನ ಪ್ರಯಾಣಕ್ಕೆ ವಂದೇ ಚೇರ್ ಕಾರ್ ರೈಲು, 550 ಕಿ.ಮೀ.ಗಿಂತ ಹೆಚ್ಚಿನ ಪ್ರಯಾಣಕ್ಕೆ ವಂದೇ ಸ್ಲೀಪರ್ ರೈಲುಗಳು ಬರಲಿವೆ.

ಈ ಮೂರು ಬಗೆಯ ರೈಲುಗಳು ಮುಂದಿನ ವರ್ಷ ಫೆಬ್ರವರಿ-ಮಾರ್ಚ್ ವೇಳೆಗೆ ಸಿದ್ಧವಾಗಲಿದೆ ಎಂದು ಕೇಂದ್ರ ರೈಲ್ವೆ ಇಲಾಖೆ ಹೇಳಿದೆ. ಸಚಿವ ಅಶ್ವಿನಿ ವೈಷ್ಣವ್ ಹೇಳಿದರು.

ಕೇಂದ್ರ ಸರ್ಕಾರವು ಹೆಚ್ಚಿನ ಸಂಖ್ಯೆಯಲ್ಲಿ ವಂದೇ ಭಾರತ್ ರೈಲುಗಳನ್ನು ತಯಾರಿಸುತ್ತಿದೆ. ಪ್ರಸ್ತುತ ಪ್ರತಿ 8 ಅಥವಾ 9 ದಿನಗಳಿಗೊಮ್ಮೆ ಹೊಸ ವಂದೇ ಭಾರತ್ ಎಕ್ಸ್‌ಪ್ರೆಸ್ ಸಿದ್ಧಪಡಿಸಲಾಗುತ್ತಿದೆ. ಈ ಉತ್ಪಾದನೆಯನ್ನು ಮತ್ತಷ್ಟು ಹೆಚ್ಚಿಸಲು ಎರಡು ಕಾರ್ಖಾನೆಗಳ ನಿರ್ಮಾಣ ನಡೆಯುತ್ತಿದೆ.

ಈ ರೈಲುಗಳ ವೇಗವನ್ನು ಹೆಚ್ಚಿಸಲು ಕೇಂದ್ರವೂ ಪ್ರಯತ್ನಿಸುತ್ತಿದೆ. ಅದು ಆಗಬೇಕಾದರೆ ಈಗಿರುವ ಹಳಿಗಳ ಬದಲಿಗೆ ಹೊಸ ಹಳಿಗಳನ್ನು ಅಳವಡಿಸಬೇಕು. ಈಗಿರುವ ರೈಲು ಗಂಟೆಗೆ 70 ರಿಂದ 80 ಕಿಲೋಮೀಟರ್ ವೇಗವನ್ನು ತಡೆದುಕೊಳ್ಳಬಲ್ಲರು. ಪ್ರತಿ ಗಂಟೆಗೆ 160 ಕಿ.ಮೀ ವೇಗವನ್ನು ತಡೆದುಕೊಳ್ಳುವಂತೆ ಹೊಸ ಟ್ರ್ಯಾಕ್‌ಗಳನ್ನು ಮಾಡಲಾಗುತ್ತಿದೆ. ಇನ್ನೂ ಮೂರು ವರ್ಷಗಳ ನಂತರ ಅವು ಲಭ್ಯವಾಗಲಿವೆ.

ಶೀಘ್ರದಲ್ಲೇ ಪ್ರಯಾಣಿಕರಿಗೆ ಈ ರೈಲುಗಳಲ್ಲಿ 4G ಮತ್ತು 5G ಸೇವೆ ಸಿಗುವಂತೆ ಮಾಡಲು ಪ್ರಯತ್ನಿಸುತ್ತಿದ್ದೇವೆ ಎಂದು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದ್ದಾರೆ. ಉತ್ತರಾಖಂಡದ ಡೆಹ್ರಾಡೂನ್‌ನಿಂದ ದೆಹಲಿಯ ಆನಂದ್ ವಿಹಾರ್‌ಗೆ ಸಂಚರಿಸುವ ವಂದೇ ಭಾರತ್ ರೈಲಿಗೆ ಚಾಲನೆ ನೀಡಿದ ನಂತರ ಪಿಟಿಐ ಜೊತೆ ಮಾತನಾಡಿದ ಅವರು, ಈ ವರ್ಷದ ಜೂನ್ ಮಧ್ಯದ ವೇಳೆಗೆ ಎಲ್ಲಾ ರಾಜ್ಯಗಳಲ್ಲಿ ವಂದೇ ಭಾರತ್ ರೈಲು ಲಭ್ಯವಾಗಲಿದೆ ಎಂದು ಹೇಳಿದರು.