Dating App Fraud: ಡೇಟಿಂಗ್ ಆ್ಯಪ್‌ ಬಳಸೋರೆ ಎಚ್ಚರ! ಸ್ವಲ್ಪ ಯಾಮಾರಿದರೂ ಕೈಗೆ ಚೊಂಬು ಸಿಗೋದು ಗ್ಯಾರಂಟಿ!

ಹೌದು.. ಡೇಟಿಂಗ್ ಆ್ಯಪ್‌ ಹೆಸರಿನಲ್ಲಿ ಯುವತಿಯೊಬ್ಬಳಿಗೆ ಲಕ್ಷಾಂತರ ರೂಪಾಯಿ ವಂಚನೆ ಮಾಡಿರುವ ಘಟನೆ ಹುಬ್ಬಳ್ಳಿಯ ನಡೆದಿದೆ.

ಟೆಂಡರ್‌ ಡೇಟಿಂಗ್ ಆ್ಯಪ್‌ ಹೆಸರಲ್ಲಿ ಯುವತಿಗೆ ಹಣ ದೋಖಾ ಮಾಡಲಾಗಿದ್ದು, ವಂಚಕರ ಮಾತು ನಂಬಿದ ಯುವತಿ ಬರೋಬ್ಬರಿ 30.50 ಲಕ್ಷ ರೂಪಾಯಿ ಕಳೆದುಕೊಂಡಿರುವುದಾಗಿ ತಿಳಿದು ಬಂದಿದೆ.

ತಾವು ಸೀಡ್ಸ್ ಕಂಪನಿಯೊಂದರ ಶೇರುದಾರರಿದ್ದೇವೆ, ಸೀಡ್ ಕಂಪನಿಯಲ್ಲಿ ಹೂಡಿಕೆ ಮಾಡಿ ಶೇ.30 ರಷ್ಟು ಲಾಭ ಪಡೆಯಿರಿ ಎಂದು ಯುವತಿಯನ್ನು ವಂಚಕರು ನಂಬಿಸಿದ್ದಾರೆ.

ಆರಂಭದಲ್ಲಿ ತಮ್ಮನ್ನು ತಾವು ತಾವು ಸೀಡ್ಸ್ ಕಂಪನಿಯೊಂದರ ಶೇರುದಾರರಿದ್ದೇವೆ ಎಂದು ಪರಿಚಯಿಸಿಕೊಂಡ ವಂಚಕರು, ಆಕೆಗೆ ಲಾಭ ಗಳಿಸುವ ಪ್ಲಾನ್ ವಿವರಿಸಿ ನಂಬಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಆ ನಂತರ ಯುವತಿಯಿಂದ ಹಂತ ಹಂತವಾಗಿ ಲಕ್ಷಾಂತರ ರೂಪಾಯಿ ವರ್ಗಾವಣೆ ಮಾಡಿಕೊಂಡಿದ್ದು, ಆಕೆಯಿಂದ 30.50 ಲಕ್ಷ ರೂಪಾಯಿ ವರ್ಗಾಯಿಸಿಕೊಂಡ ಬಳಿಕ ಸ್ವತಃ ಯುವತಿಗೆ ಸಂಶಯ ಬಂದು ವಂಚನೆಯ ಜಾಲಕ್ಕೆ ಸಿಲುಕಿರುವುದು ಅರಿವಾಗಿದೆ.

ಈ ಸಂಬಂಧ ಯುವತಿ ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ದೆಹಲಿಯ ಕಲ್ಪನಾ, ನೇಹಾ ಗುಪ್ತಾ ಮತ್ತು ಮನೋಜ್ ತಿವಾರಿ ಎಂಬ ಮೂವರ ವಿರುದ್ದ ಪ್ರಕರಣದ ದಾಖಲಿಸಲಾಗಿದೆ.

ಸದ್ಯ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಯುವತಿ ನೀಡಿದ ದೂರಿನನ್ವಯ ವಂಚಕರ ಬಂಧನಕ್ಕೆ ಬಲೆ ಬೀಸಿದ್ದಾರೆ.