Photos: ಗುಂಡಿನ ಮೊರೆತದ ನಡುವೆಯೂ ಕೇಳುವ ಬಿಕ್ಕಳಿಕೆ! ಉಕ್ರೇನ್‌ನ ಹೃದಯ ಹಿಂಡುವ ಕ್ಷಣಗಳಿವು…

ಈತನ ಹೆಸರು ಅಲೆಕ್ಸಾಂಡರ್, ಉಕ್ರೇನ್ನ ಪ್ರಜೆ. ಅವರ ಕುಟುಂಬವು ಫೆಬ್ರವರಿ 24ರ ಬೆಳಿಗ್ಗೆ ಕೀವ್ನ ಮೆಟ್ರೋ ನಿಲ್ದಾಣದಲ್ಲಿ ಆಶ್ರಯ ಪಡೆಯುತ್ತಿದೆ. ಈ ವೇಳೆ ಆತ ತನ್ನ ಮಗನಿಗೆ ಧೈರ್ಯ ತುಂಬುತ್ತಾನೆ. (ಕೃಪೆ: Internet)

ಉಕ್ರೇನ್‌ನ ರಾಜಧಾನಿ ಕೈವ್ನಲ್ಲಿ ಬಾಂಬ್ಗಳ ಮಳೆಯಾಗುತ್ತಿರುವಂತೆ ಜನರೆಲ್ಲ ದಿಕ್ಕಾಪಾಲಾಗಿ ಹೋಗಲು ತೊಡಗಿದ್ದಾರೆ. ಕೆಲವರು ಗಡಿವರೆಗೆ ಸಾಗಿ, ಅಲ್ಲಿಂದ ತಮ್ಮ ದೇಶಕ್ಕೆ ವಾಪಸ್ಸಾಗುತ್ತಿದ್ದಾರೆ. ಹೀಗೆ ಅಗಲುವಿಕೆಯ ಸಂದರ್ಭದಲ್ಲಿ ಸೆಂಟ್ರಲ್ ಕೀವ್ನಲ್ಲಿ ಪ್ರೇಮಿಗಳು ಒಂದೆರಡು ಕ್ಷಣ ಅಪ್ಪುಗೆಯಲ್ಲಿ ತೊಡಗಿದರು. (ಕೃಪೆ: Internet)

ಈತ ಮೂಲತಃ ಉಕ್ರೇನ್ ದೇಶದ ಪ್ರಜೆ. ಆದರೆ ಅಲ್ಲಿ ಯುದ್ಧ ಆರಂಭವಾಗುತ್ತಿದ್ದಂತೆ ಅನಿವಾರ್ಯವಾಗಿ ದೇಶ ಬಿಟ್ಟು ಬಂದಿದ್ದಾನೆ. ಪಕ್ಕದ ಪೋಲೆಂಡ್ನ ಪ್ರಜೆಮಿಸ್ಲ್ನಲ್ಲಿ ವಸತಿ ಕೇಂದ್ರವನ್ನಾಗಿ ಮಾಡಿದ ರೈಲು ನಿಲ್ದಾಣದಲ್ಲಿ ಇದ್ದಾನೆ. ಈ ವೇಳೆ ತನ್ನ ಮಗಳನ್ನು ಚುಂಬಿಸುತ್ತಾನೆ. ದೇಶ ಬಿಟ್ಟ ಬೇಸರ, ಬದುಕಿ ಬಂದ ಖುಷಿ ಎರಡೂ ಆತನ ಮುಖದಲ್ಲಿದೆ. (ಕೃಪೆ: Internet)

24 ಫೆಬ್ರವರಿ 2022 ರಂದು ಅದೆಷ್ಟೋ ಜನರು ಉಕ್ರೇನ್ ಗಡಿದಾಟಿ ಬೇರೆ ಬೇರೆ ದೇಶಗಳಿಗೆ ಪಲಾಯನ ಮಾಡಿದರು. ಹೀಗೆ ತನ್ನ ಸಂಬಂಧಿಕರೊಂದಿಗೆ ಗಡಿ ದಾಟಿದ ಹುಡುಗನಿಗೆ ಆತನ ತಂದೆಯೊಬ್ಬ ಚುಂಬಿಸಿ, ಬೀಳ್ಕೊಡುತ್ತಿದ್ದಾನೆ. (ಕೃಪೆ: Internet)

ಉಕ್ರೇನ್‌ನ ಕೈವ್ ನಗರದಲ್ಲಿ ಸೈರನ್ಗಳು ಮೊಳಗುತ್ತವೆ. ಇದು ರಷ್ಯಾ ಸೇನೆ ನಡೆಸುವ ಹೊಸ ದಾಳಿಗಳನ್ನು ಸೂಚಿಸುತ್ತದೆ. ಆಗ ಭಯಗೊಂಡ ಜನರೆಲ್ಲ ಕಟ್ಟಡದ ನೆಲಮಾಳಿಗೆಯಲ್ಲಿ ಆಶ್ರಯ ಪಡೆಯುತ್ತಾರೆ. (ಕೃಪೆ: Internet)

ರಷ್ಯಾ ದಾಳಿ ಆರಂಭವಾದಾಗಿನಿಂದ ಉಕ್ರೇನ್ ನಿವಾಸಿಗಳ ಬದುಕು ಬೀದಿಗೆ ಬಂದಂತಾಗಿದೆ. ಶುಕ್ರವಾರ 25 ಫೆಬ್ರವರಿ 2022 ರಂದು ಉಕ್ರೇನ್ನ ಕೈವ್ ನಗರದಲ್ಲಿ ರಷ್ಯಾ ಸೇನೆ ಸತತವಾಗಿ ರಾಕೆಟ್ ದಾಳಿ ನಡೆಸಿತು. ಈ ದಾಳಿಯ ನಂತರ ಉಕ್ರೇನ್ನ ನಟಾಲಿ ಸೆವ್ರಿಕೋವಾ ಎಂಬುವರು ತನ್ನ ಮನೆಯ ಪಕ್ಕದಲ್ಲಿ ನಿಂತು ದುಃಖಿಸುತ್ತಿದ್ದಾರೆ. (ಕೃಪೆ: Internet)

24 ಫೆಬ್ರವರಿ 2022 ರಂದು ಪೂರ್ವ ಉಕ್ರೇನ್‌ನ ಚುಗುವಿವ್ ಮೇಲೆ ರಷ್ಯಾ ಸೇನೆ ಬಾಂಬ್ ದಾಳಿ ನಡೆಸಿತು. ಈ ದಾಳಿಯಲ್ಲಿ ಅದೆಷ್ಟೋ ಮಂದಿ ಗಾಯಕ್ಕೆ ಒಳಗಾದರು. ಈ ಪೈಕಿ ಇವರೂ ಒಬ್ಬರು. ಬಾಂಬ್ ದಾಳಿಯ ನಂತರ ಗಾಯಗೊಂಡ ಈ ಮಹಿಳೆ ದಿಕ್ಕು ತೋಚದೇ ಆಸ್ಪತ್ರೆಯ ಹೊರಗೆ ನಿಂತಿದ್ದಾರೆ. (ಕೃಪೆ: Internet)

24 ಫೆಬ್ರವರಿ 2022 ರಂದು ಉಕ್ರೇನ್ ಗಡಿದಾಟಿ, ಓಡಿ ಬಂದಿದ್ದಾಳೆ. ಸದ್ಯ ಪೋಲೆಂಡ್ನ ಮೆಡಿಕಾದಲ್ಲಿ ಆಶ್ರಯ ಪಡೆದಿದ್ದಾಳೆ. ಈಗ ತನ್ನ ದೇಶ ಹಾಗೂ ತನ್ನ ಸ್ಥಿತಿಯನ್ನು ನೆನೆದು ಬಿಕ್ಕಳಿಸುತ್ತಿದ್ದಾಳೆ. (ಕೃಪೆ: Internet)