ಹಣ ತೆಗೆದುಕೊಂಡ್ರೂ ನಾವು ಕೆಲಸ ಮಾಡ್ತೀವಿ: ಪೊಲೀಸಪ್ಪನಿಂದ ಶಾಲೆಯಲ್ಲಿ ಮಕ್ಕಳಿಗೆ ಪ್ರಾಮಾಣಿಕತೆ ಪಾಠ

ರಸ್ತೆಯಲ್ಲಿ ಕೆಲ ಪೊಲೀಸರು ವಾಹನ ಅಡ್ಡಗಟ್ಟಿದ್ರೆ ಅವರಿಗೆ ಕದ್ದು ಮುಚ್ಚಿ ಹಣ ನೀಡಲೇಬೇಕು. ಕಾನೂನುಗಳು ಎಷ್ಟೇ ಬಿಗಿಯಾಗಿದ್ರೂ, ಒಂದಿಷ್ಟು ಜನ ಜನರ ಮುಂದೆ ಕೈಯೊಡ್ಡುವ ಮೂಲಕ ಇಲಾಖೆಯ ಮಾನ ಮರ್ಯಾದೆಯನ್ನು ತೆಗೆಯುತ್ತಿರುತ್ತಾರೆ. ಆದರೆ ಈ ಪೊಲೀಸಪ್ಪ ಹಣ ಪಡೆಯೋದನ್ನು ಹೆಮ್ಮೆಯಿಂದ ಹೇಳಿಕೊಂಡಿದ್ದಾನೆ.

ನೀವು ಎಷ್ಟೋ ಬಾರಿ ಕೆಲ ಪೊಲೀಸರಿಗೆ ಹಣ ನೀಡಿರಬಹುದು, ಹಣ ಕೊಟ್ಟ ಮೇಲೆ ಬೈದುಕೊಂಡಿರ್ತಿರಿ, ಆದ್ರೆ ಹಣ ಪಡೆದ ವಿಷಯವನ್ನು ಮಾತ್ರ ಪೊಲೀಸರು ಹೇಳಿಕೊಳ್ಳಲ್ಲ. ಆದ್ರೆ ಈ ವಿಡಿಯೋದಲ್ಲಿರುವ ಇನ್ ಸ್ಪೆಕ್ಟರ್ ಹಣ ಪಡೆದಿರೋದನ್ನ ಧೈರ್ಯವಾಗಿ ಹೇಳಿದ್ರೆ, ಜೊತೆಯಲ್ಲಿದ್ದ ಪೊಲೀಸರು 32 ಹಲ್ಲುಗಳ ಪ್ರದರ್ಶನ ಮಾಡಿದ್ದಾರೆ.

ಈ ಘಟನೆ ನಡೆದಿರೋದು ಉತ್ತರ ಪ್ರದೇಶದ ಉನ್ನಾವೋದಲ್ಲಿ, ಬಿಘಾಪುರ ಪೊಲೀಸ್ ಠಾಣೆಯ ಇನ್ಸ್ ಪೆಕ್ಟರ್ ಉಮೇಶ್ ತ್ರಿಪಾಠಿ ಮಾತನಾಡಿರುವ ವಿಡಿಯೋ ವೈರಲ್ ಆಗಿದೆ.

ಪೊಲೀಸರು ಹಣ ತೆಗೆದುಕೊಂಡರೆ ಅದನ್ನೂ ಕೆಲಸ ಮಾಡಿ ತೋರಿಸುತ್ತಾರೆ.  ಇನ್ಸ್‌ಪೆಕ್ಟರ್‌ಗಿಂತ ಉತ್ತಮ ಇಲಾಖೆ ಇಲ್ಲ. ಬೇರೆ ಯಾವುದಾದರೂ ಇಲಾಖೆಗೆ ಹೋಗಿ ಹಣ ತೆಗೆದುಕೊಂಡು ಹೋಗು, ಅದು ಕೆಲಸ ಮಾಡುವುದಿಲ್ಲ. ಜನರನ್ನು ನೋಡಿ, ಮಾಸ್ಟರ್ ಸಾಹೇಬರು ಮನೆಯಲ್ಲಿಯೇ ಇದ್ದು ಪಾಠ ಮಾಡುತ್ತಾರೆ. (ಸಾಂದರ್ಭಿಕ ಚಿತ್ರ)

ನೀವೆಲ್ಲ 6 ತಿಂಗಳ ಕಾಲ ಮನೆಯಲ್ಲಿದ್ದು, ರಜಾದಿನಗಳನ್ನು ಕಳೆಯುತ್ತೀರಿ. ಕೊರೊನಾ ಎಲ್ಲೋ ಬಂದರೆ ವರ್ಷಪೂರ್ತಿ ಬರಬೇಡಿ ಎಂದು ನಿಮಗೆ (ಶಾಲೆ ಮಕ್ಕಳು) ಹೇಳುತ್ತಾರೆ ಎಂದು ಪೊಲೀಸಪ್ಪ ಹೇಳಿದ್ದಾನೆ. (ಸಾಂದರ್ಭಿಕ ಚಿತ್ರ)