IAF: ವೇಗವಾಗಿ ಆಮ್ಲಜನಕ ಪೂರೈಕೆಗೆ ಕೈ ಜೋಡಿಸಿದ ವಾಯುಪಡೆ; ವಿಮಾನದ ಮೂಲಕ ಆಕ್ಸಿಜನ್ ಟ್ಯಾಂಕರ್​ಗಳ ಸಾಗಾಟ!

ಭಾರತದಲ್ಲಿ ದಿನದಿಂದ ದಿನಕ್ಕೆ ಕೊರೋನಾ ಸೋಂಕಿತರ ಸಂಖ್ಯೆ ಗಗನಕ್ಕೇರುತ್ತಿದೆ. ಐಸಿಯು, ಬೆಡ್​ಗಳಿಲ್ಲದೆ ಅನೇಕ ಸೋಂಕಿತರು ಸಾವನ್ನಪ್ಪಿರುವ ಘಟನೆಯೂ ನಡೆದಿದೆ. ಹೀಗಾಗಿ, ಅಗತ್ಯವಿರುವ ಕೊರೋನಾ ಸೋಂಕಿತರಿಗೆ ಸೂಕ್ತ ಸಮಯದಲ್ಲಿ ಆಕ್ಸಿಜನ್ ವ್ಯವಸ್ಥೆ ಒದಗಿಸುವ ಸಲುವಾಗಿ ಸರ್ಕಾರ ಅನೇಕ ಕ್ರಮಗಳನ್ನು ಕೈಗೊಳ್ಳುತ್ತಿದೆ.

ಆಕ್ಸಿಜನ್ ಅಗತ್ಯವಿರುವ ಪ್ರದೇಶಗಳಿಗೆ ಅದನ್ನು ತ್ವರಿತವಾಗಿ ತಲುಪಿಸಲು ಭಾರತೀಯ ವಾಯುಪಡೆ ಕೈ ಜೋಡಿಸಿದೆ.

ಇದರ ಜೊತೆಗೆ ರೈಲಿನ ಮೂಲಕವೂ ಆಕ್ಸಿಜನ್ ಟ್ಯಾಂಕರ್ ಅನ್ನು ಸಾಗಾಟ ಮಾಡಲು ಸರ್ಕಾರ ಅನುಮತಿ ನೀಡಿದೆ. ಈ ಮೂಲಕ ಆಕ್ಸಿಜನ್ ಪೂರೈಕೆಯ ಸಾಮರ್ಥ್ಯವನ್ನು ಹೆಚ್ಚಿಸಲು ಸರ್ಕಾರ ಮುಂದಾಗಿದೆ.

ಭಾರತೀಯ ಸೇನಾಪಡೆಯ ಐಎಲ್-76 ವಿಮಾನ ಆಕ್ಸಿಜನ್ ಟ್ಯಾಂಕರ್ ಅನ್ನು ಏರ್​ಲಿಫ್ಟ್​ ಮಾಡಿ, ಆಕ್ಸಿಜನ್ ಅಗತ್ಯವಿರುವ ರೀಫಿಲ್ ಸ್ಟೇಷನ್​ಗಳಿಗೆ ತಲುಪಿಸುತ್ತಿದೆ.

ಭಾರತದಾದ್ಯಂತ ಆಕ್ಸಿಜನ್ ರೀಫಿಲ್ ಸ್ಟೇಷನ್​ಗಳಿಗೆ ಐಎಎಫ್​ನ ವಿಮಾನ ಆಕ್ಸಿಜನ್ ಟ್ಯಾಂಕರ್ ಅನ್ನು ಏರ್​ಲಿಫ್ಟ್​ ಮಾಡುತ್ತಿದೆ.

ವಿಮಾನದಲ್ಲಿ ಆಕ್ಸಿಜನ್ ಟ್ಯಾಂಕರ್ ಅನ್ನು ಏರ್​ಲಿಫ್ಟ್​ ಮಾಡುತ್ತಿರುವ ವಿಡಿಯೋಗಳು ವೈರಲ್ ಆಗಿವೆ.

ಈ ಮೂಲಕ ಭಾರತದಾದ್ಯಂತ ಕೊರೋನಾ ರೋಗಿಗಳಿಗೆ ಆಕ್ಸಿಜನ್ ಪೂರೈಕೆ ಬೇಗ ಸಿಗುವಂತೆ ಮಾಡಲು ಭಾರತೀಯ ವಾಯುಪಡೆ ಮುಂದಾಗಿದೆ.