Chicken Biryani: ಚಿಕನ್​ ಬಿರಿಯಾನಿಯಲ್ಲಿ ಜೀವಂತ ಜಿರಳೆ! ಗ್ರಾಹಕನಿಗೆ ಹಣ ವಾಪಸ್ ನೀಡದ ರೆಸ್ಟೋರೆಂಟ್​ಗೆ ಬಿತ್ತು 100 ಪಟ್ಟು ದಂಡ!

ಹೈದರಾಬಾದ್ ಬಿರಿಯಾನಿ ನಾನ್​ವೆಜ್ ಪ್ರಿಯರಿಗೆ ಅಚ್ಚುಮೆಚ್ಚಿನ ತಾಣ. ಇಲ್ಲಿನ ವಿಶೇಷ ದಮ್ ಬಿರಿಯಾನಿ ನಗರದ ಯಾವುದೇ ರಸ್ತೆ ಬದಿಯ ಹೋಟೆಲ್​ಗಳಿಂದ ಹಿಡಿದು ನಗರದ ಮೂಲೆ ಮೂಲೆಗಳಲ್ಲಿ ಇರುವ ದೊಡ್ಡ ರೆಸ್ಟೋರೆಂಟ್​ಗಳಲ್ಲಿ ಸಿಗುತ್ತದೆ. ಇತ್ತೀಚೆಗೆ ಅರುಣ್ ಎಂಬ ವ್ಯಕ್ತಿ ಸ್ಥಳೀಯವಾಗಿ ಪ್ರಸಿದ್ಧವಾಗಿದ್ದ ರೆಸ್ಟೋರೆಂಟ್‌ನಿಂದ ಚಿಕನ್ ಬಿರಿಯಾನಿ ಆರ್ಡರ್​ ಮಾಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ತಾನೂ ಕೆಲಸ ಮಾಡುವ ಸ್ಥಳಕ್ಕೆ ಒಂದು ಪ್ಲೇಟ್ ಬಿರಿಯಾನಿ ಆರ್ಡರ್ ಪಾರ್ಸಲ್ ತೆಗೆದುಕೊಂಡು ಹೋಗಿದ್ದ ಆತನಿಕೆ, ಅದರನ್ನು ತೆಗೆದಾಗ ಅಘಾತವಾಗಿದೆ. ಬಿರಿಯಾನಿ ಪಾಕೆಟ್​ನಿಂದ ಜೀವಂತವಾದ ಜಿರಳೆ ಹೊರ ಬಂದಿದೆ. ಬಿರಿಯಾನಿಯಲ್ಲಿ ಜಿರಳೆಯನ್ನು ಕಂಡ ಕೂಡಲೇ ರೆಸ್ಟೋರೆಂಟ್​ನ ಮ್ಯಾನೇಜರ್​ಗೆ ಕರೆ ಮಾಡಿ ದೂರು ನೀಡಿದ್ದಾರೆ. ನಂತರ ಗ್ರಾಹಕರ ಆಯೋಗಕ್ಕೂ ದೂರು ನೀಡಿದ್ದಾರೆ. ಈ ಕುರಿತು ತನಿಖೆ ನಡೆಸಿದ ರಾಜ್ಯ ಗ್ರಾಹಕ ಆಯೋಗವು ಗ್ರಾಹಕನಿಗೆ 20,000 ರೂಗಳನ್ನು ಪರಿಹಾರವಾಗಿ ನೀಡುವಂತೆ ಆದೇಶಿಸಿದೆ. (ಸಾಂದರ್ಭಿಕ ಚಿತ್ರ)

ಅರುಣ್ 2021 ರಲ್ಲಿ ರೆಸ್ಟೋರೆಂಟ್​ನಿಂದ ಬಿರಿಯಾನಿ ಪಾರ್ಸೆಲ್ ತೆಗೆದುಕೊಂಡಿದ್ದರು. ಅದನ್ನು ತಮ್ಮ ಕಚೇರಿಗೆ ತೆಗೆದುಕೊಂಡು ಹೋಗಿ ತಿನ್ನಲು ಪಾಕೆಟ್ ತೆಗೆದಿದ್ದಾರೆ. ಆದರೆ ಬಿರಿಯಾನಿ ಪಾಕೆಟ್​ ತೆಗೆಯುತ್ತಿದ್ದಂತೆ ಬಿರಿಯಾನಿ ಒಳಗೆ ಜೀವಂತವಾಗಿ ಓಡಾಡುತ್ತಿರುವುದು ಕಂಡು ಬಂದಿದೆ. ತಕ್ಷಣ ಅರುಣ್​ ವಿಡಿಯೋ ಮಾಡಿ, ರೆಸ್ಟೋರೆಂಟ್​ಗೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ರೆಸ್ಟೋರೆಂಟ್​ ಮ್ಯಾನೇಜರ್​ ಈ ಘಟನೆಗೆ ಕ್ಷಮೆಯಾಚಿಸಿ, ಹೋಟೆಲ್​ನಲ್ಲಿ ಜಿರಳೆಗಳು ನಿಯಂತ್ರಣ ಮಾಡಲು ಸೂಕ್ತ ಕ್ರಮ ತೆಗೆದುಕೊಳ್ಳುತ್ತಿದ್ದೇವೆ. ಆ ರೀತಿ ನಡೆಯಲು ಸಾಧ್ಯವಿಲ್ಲ. ಆದರೆ ಅರುಣ್​ ಆತ ಕ್ಷಮಾಪಣೆಯನ್ನು ಸ್ವೀಕರಿಸಲಿಲ್ಲ. ಏಕೆಂದರೆ ಅರುಣ್​ಗೆ ಈ ಘಟನೆಯಿಂದ ಹಸಿವಿನಿಂದ ದಿನ ಕಳೆಯುವಂತಾಗಿತ್ತು. ಜೊತೆಗೆ ಊಟದಲ್ಲಿ ಜಿರಳೆ ಕಂಡು ವಾಂತಿ ಮಾಡಿಕೊಂಡಿದ್ದರು. (ಸಾಂದರ್ಭಿಕ ಚಿತ್ರ)

ಅಲ್ಲದೆ ಅರುಣ್ ಮ್ಯಾನೇಜರ್​ನೊಂದಿಗೆ ತಾನೂ ಈ ರೆಸ್ಟೋರೆಂಟ್​ನಿಂದ ಯಾವುದೇ ಫುಡ್​ ಆರ್ಡರ್​ ಮಾಡುವುದಿಲ್ಲ ಎಂದು ಹೇಳಿ, ತಾನೂ ಬಿರಿಯಾನಿಗೆ ನೀಡಿದ್ದ 240 ರೂಪಾಯಿಗಳನ್ನು ವಾಪಸ್​ ಮಾಡುವಂತೆ ಕೇಳಿದ್ದಾರೆ. (ಸಾಂದರ್ಭಿಕ ಚಿತ್ರ)

ಟೇಕ್‌ಅವೇ ಬಾಕ್ಸ್‌ನಲ್ಲಿನ ಆಹಾರವು ತಾಜಾ ಬಿಸಿಯಾಗಿರುತ್ತದೆ ಮತ್ತು ಆ ತಾಪಮಾನದಲ್ಲಿ ಜಿರಳೆ ಜೀವಂತವಾಗಿರಲು ಸಾಧ್ಯವಿಲ್ಲ ಎಂದು ರೆಸ್ಟೋರೆಂಟ್ ಹೇಳಿದ್ದರಿಂದ ಅರುಣ್ ತನ್ನ ಹಣವನ್ನು ಪಡೆಯಲು ಗ್ರಾಹಕರ ವೇದಿಕೆಗೆ ದೂರು ದಾಖಲಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ವಿಚಾರಣೆ ನಡೆಸಿದ ಗ್ರಾಹಕ ರಕ್ಷಣ ಆಯೋಗವು ರೆಸ್ಟೋರೆಂಟ್ ಮಾಲೀಕರನ್ನು ತಪ್ಪಿತಸ್ಥರೆಂದು ಘೋಷಿಸಿತು. " ಹೋಟೆಲ್ ಮಾಲೀಕರು ನೈರ್ಮಲ್ಯ ಮಾನದಂಡಗಳನ್ನು ಅನುಸರಿಸಲು ವಿಫಲರಾಗಿದ್ದಾರೆ. ಜಿರಳೆ ಬಿರಿಯಾನಿಯೊಳಗಿಂದ ತೆವಳುತ್ತಾ ಬಂದಿದ್ದು ವಿಡಿಯೋದಿಂದ ಸ್ಪಷ್ಟವಾಗಿದೆ. ಆರೋಗ್ಯಕರ ಆಹಾರ ನೀಡುವಲ್ಲಿ ಹೋಟೆಲ್ ಮಾಲೀಕರು ನಿರ್ಲಕ್ಷ್ಯ ವಹಿಸಿದ್ದಾರೆ '' ಎಂದು ಆಯೋಗ ಹೇಳಿದ್ದು, ಪಾವತಿಸಿದ ಶುಲ್ಕಕ್ಕೆ ಗುಣಮಟ್ಟದ ಉತ್ಪನ್ನ ಅಥವಾ ಸೇವೆಯನ್ನು ಪಡೆಯುವುದು ಪ್ರತಿಯೊಬ್ಬ ಗ್ರಾಹಕರ ಮೂಲಭೂತ ಹಕ್ಕು ಎಂದು ಹೇಳಿದೆ. (ಸಾಂದರ್ಭಿಕ ಚಿತ್ರ)

ರೆಸ್ಟೋರೆಂಟ್ ತನ್ನ ಗ್ರಾಹಕರಿಗೆ ಆರೋಗ್ಯಕರ ಆಹಾರವನ್ನು ನೀಡುವಲ್ಲಿ ಮೂಲಭೂತ ಸುರಕ್ಷತಾ ಮುನ್ನೆಚ್ಚರಿಕೆಗಳನ್ನು ಅನುಸರಿಸಲು ವಿಫಲವಾಗಿದೆ. ಅಲ್ಲದೆ ಇಂತಹ ಘಟನೆ ಸಂಭವಿಸಿದಾಗಲೆಲ್ಲಾ ಗ್ರಾಹಕರು ನೀಡಿರುವ ಹಣವನ್ನು ಮರುಪಾವತಿಸಬೇಕು ಎಂದು ಆಯೋಗ ಹೇಳಿದೆ. (ಸಾಂದರ್ಭಿಕ ಚಿತ್ರ)

ಅಲ್ಲದೆ ಗ್ರಾಹಕನ ಬಿರಿಯಾನಿ ಮೊತ್ತ ಹಾಗೂ 20 ಸಾವಿರ ದಂಡವನ್ನು 45 ದಿನಗಳಲ್ಲಿ ಪಾವತಿಸುವಂತೆ ಆಯೋಗ ರೆಸ್ಟೋರೆಂಟ್​ಗೆ ಆದೇಶಿಸಿದೆ. ಜೊತೆಗೆಕೋರ್ಟ್​ ವೆಚ್ಚವಾಗಿ ಹೆಚ್ಚುವರಿಯಾಗಿ 10,000 ರೂಪಾಯಿಗಳನ್ನುಗ್ರಾಹಕನಿಗೆ ನೀಡಬೇಕೆಂದು ಗ್ರಾಹಕ ಆಯೋಗ ಆದೇಶಿಸಿದೆ. (ಸಾಂದರ್ಭಿಕ ಚಿತ್ರ)