Murder: ಕ್ರಿಸ್​ಮಸ್​ ಸಮಯದಲ್ಲಿ ಸೆಕ್ಸ್​ ಮಾಡೋದು ಬೇಡ ಎಂದ ಹೆಂಡತಿ, ಕೋಪಗೊಂಡ ಗಂಡ ಆಕೆಯನ್ನ ಕೊಂದೇ ಬಿಟ್ಟ!

ಸೆಕ್ಸ್ ಮಾಡಲು ನಿರಾಕರಿಸಿದ್ದಕ್ಕೆ ಹೆಂಡತಿಯನ್ನು ಚಾಕುವಿನಿಂದ ಇರಿದು ಕೊಂದ ಆಘಾತಕಾರಿ ಘಟನೆಯೊಂದು ಬೆಳಕಿಗೆ ಬಂದಿದೆ. ಕ್ರಿಸ್​ಮಸ್ ಹಬ್ಬದ ಸಮಯದಲ್ಲಿ ಹೆಂಡತಿ ಸೆಕ್ಸ್ ಮಾಡಲು ನಿರಾಕರಿಸಿದ್ದಕ್ಕೆ ಕೋಪಗೊಂಡ ಪತಿ ಆಕೆಯನ್ನು ಬರ್ಬರವಾಗಿ ಕೊಂದಿದ್ದಾನೆ.

ಇಟಲಿಯ ಗ್ರಾಡಾರಾ ನಗರದಲ್ಲಿ ಈ ಘಟನೆ ನಡೆದಿದ್ದು, ಹೆಂಡತಿ ಕ್ರಿಸ್ಮಸ್ ಸಂಭ್ರಮದ ಸಮಯದಲ್ಲಿ ಗಂಡನೊಂದಿಗೆ ಲೈಂಗಿಕ ಸಂಬಂಧ ಹೊಂದಲು ಭರವಸೆ ನೀಡಿದಳು, ಆಕೆಯ ಒಪ್ಪಿಗೆ ನಂತರ ಗಂಡ ವಯಾಗ್ರವನ್ನು ತೆಗೆದುಕೊಂಡನು. ಆದರೆ ಬಳಿಕ ಹೆಂಡತಿ ತನ್ನ ಮನಸ್ಥಿತಿಯನ್ನು ಬದಲಾಯಿಸಿದಳು. ಇದರಿಂದ ಕೋಪಗೊಂಡು ಪತ್ನಿಗೆ ಚೂರಿ ಇರಿದಿದ್ದಾನೆ.

80 ವರ್ಷದ ವಿಟೊ ಕ್ಯಾಂಗಿನಿ ತನ್ನ ಹೆಂಡತಿಯನ್ನು ಕೊಂದ ಆರೋಪಿ. ಆತನ 61 ವರ್ಷದ ಪತ್ನಿ ನಟಾಲಿಯಾ ಕಿರಿಚೋಕ್ ಲೈಂಗಿಕತೆಯನ್ನು ನಿರಾಕರಿಸಿದ್ದಳು. ಇದರಿಂದಾಗಿ ಆತ ಕೋಪಗೊಂಡಿದ್ದಾನೆ. ಹೆಂಡತಿಗೆ ಚಾಕುವಿನಿಂದ 4 ಬಾರಿ ಇರಿದಿದ್ದಾನೆ.

ಆರೋಪಿ ಪತಿ ತನ್ನ ಪತ್ನಿ ನಟಾಲಿಯಾ ಕಿರಿಚೋಕ್ ತನ್ನ ಬಾಸ್ ಜೊತೆ ಅಕ್ರಮ ಸಂಬಂಧ ಹೊಂದಿದ್ದಳು ಎಂದು ಆರೋಪಿಸಿದ್ದಾನೆ. ಸ್ಥಳೀಯ ಮಾಧ್ಯಮಗಳ ಪ್ರಕಾರ, ಹೆಂಡತಿ ಕೊಂದು ಆಕೆಯ ದೇಹವನ್ನು ಅಲ್ಲೇ ಬಿಟ್ಟು ತೆರಳಿದ್ದಾನೆ ಎಂದು ವರದಿ ಮಾಡಿದೆ.

ಆರೋಪಿ ವಿಟೊ ಕ್ಯಾಂಗಿನಿ ಪತ್ನಿಯನ್ನು ಕೊಂದು ಮರುದಿನ ಬೆಳಿಗ್ಗೆ ಉಪಾಹಾರವನ್ನು ಸೇವಿಸಿದ್ದಾನೆ, ನಂತರ ನಾಯಿಯನ್ನು ವಾಕ್ ಕರೆದುಕೊಂಡು ಹೋಗಿದ್ದಾನೆ. ಇದಾದ ನಂತರ ಮಧ್ಯಾಹ್ನ ಮತ್ತೆ ತನ್ನ ನಾಯಿಯನ್ನು ವಾಕಿಂಗ್ಗೆ ಕರೆದುಕೊಂಡು ಹೋಗಿದ್ದಾಗ ಪಕ್ಕದ ಮನೆಯವರಿಗೆ ಕೊಲೆಗೈದ ವಿಷಯ ತಿಳಿಸಿದ್ದಾನೆ. ಮಾತ್ರವಲ್ಲದೆ ಪೊಲೀಸರಿಗೆ ಈ ವಿಷಯ ತಿಳಿಸುವಂತೆ ನೆರೆಹೊರೆಯವರನ್ನು ಕೇಳಿದ್ದಾನೆ. ಆದರೆ, ನೆರೆಹೊರೆಯವರು ಘಟನೆಯಲ್ಲಿ ಭಾಗಿಯಾಗಲು ಬಯಸುವುದಿಲ್ಲ ಎಂದು ಆತನ ಬಳಿಯೇ ಪೊಲೀದರಿಗೆ ಕರೆ ಮಾಡುವಂತೆ ಹೇಳಿದ್ದಾರೆ.

ಇಷ್ಟೇಲ್ಲಾ ಆದ ಬಳಿಕ ಪತಿ ತನ್ನ ಪತ್ನಿಯ ಸ್ನೇಹಿತೆಗೆ ಫೋನ್ ಕರೆ ಮಾಡುತ್ತಾನೆ. ಆರೋಪಿ ಪತಿ ಆಕೆಗೆ ಸಂಪೂರ್ಣ ವಿಷಯ ತಿಳಿಸಿ ಪೊಲೀಸರಿಗೆ ಕರೆ ಮಾಡುವಂತೆ ತಿಳಿಸಿದ್ದಾನೆ. ಆದರೆ ಆಕೆ ವಿಟೊ ಕ್ಯಾಂಗಿನಿ ಮಾತನ್ನು ನಂಬಲಿಲ್ಲ.

ಕೊನೆಗೆ ಆರೋಪಿ ವಿಟೊ ಕ್ಯಾಂಗಿನಿ ಹೆಂಡತಿ ಕೆಲಸ ಮಾಡುತ್ತಿದ್ದ ರೆಸ್ಟೋರೆಂಟ್ಗೆ ಕರೆ ಮಾಡಿ, ಮತ್ತೆ ಆಕೆಯನ್ನು ನೀವು ನೋಡುವುದಿಲ್ಲ ಎಂದು ಮಾಲೀಕನಿಗೆ ತಿಳಿಸುತ್ತಾನೆ. ನಂತರ ರೆಸ್ಟೋರೆಂಟ್ ಮಾಲೀಕ ಪೊಲೀಸರಿಗೆ ಕರೆ ಮಾಡುತ್ತಾನೆ. ಮಾಲೀಕ ಮಾಹಿತಿ ಮೇರೆಗೆ ಅಧಿಕಾರಿಗಳು ಶಂಕಿತನ ಮನೆಗೆ ಭೇಟಿ ನೀಡುತ್ತಾರೆ. ಈ ವೇಳೆ ಪತ್ನಿಯ ಶವದೊಂದಿಗೆ ಆರೋಪಿ ವಿಟೊ ಕ್ಯಾಂಗಿನಿ ಇದ್ದನು. ಪೊಲೀಸರು ಆತನನ್ನು ಬಂಧಿಸುತ್ತಾರೆ.