Viral News: ಡಿವೋರ್ಸ್‌ ಕೇಸ್‌ ಪಡೆದ ವಕೀಲನ ಜೊತೆ ಏಕಾಂತದಲ್ಲಿದ್ದಾಗ ಸಿಕ್ಕಿಬಿದ್ದ ಪತ್ನಿ; ವಿಡಿಯೋ ಮಾಡಿದ ಪತಿ!

ಉತ್ತರ ಪ್ರದೇಶದ ಕೊತ್ವಾಲಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದ್ದು, ಪೊಲೀಸರ ಸಹಾಯದಿಂದ ಮನೆಗೆ ಬಂದ ಮಹಿಳೆಯ ಪತಿಯಾಗಿದ್ದವ ವಿಡಿಯೋ ರೆಕಾರ್ಡ್ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾನೆ.

ಕಾನ್ಪುರ ಮೂಲದ ಮಹಿಳೆ ವಕೀಲನೊಬ್ಬನ ಜೊತೆ ವಿವಾಹೇತರ ಸಂಬಂಧ ಹೊಂದಿದ್ದರು. ಪೊಲೀಸ್ ಕಾನ್ಸ್‌ಟೇಬಲ್ ಆಗಿದ್ದ ಈಕೆ ಸರ್ಕಾರಿ ಕ್ವಾಟ್ರಸ್‌ನಲ್ಲಿ ವಾಸವಾಗಿದ್ದರು. ಅದೇ ನಿವಾಸದಲ್ಲಿ ವಕೀಲನ ಜೊತೆ ಏಕಾಂತದಲ್ಲಿದ್ದಾಗ ವಿಡಿಯೋ ಮಾಡಲಾಗಿದೆ.

ಮೂಲಗಳ ಪ್ರಕಾರ ಕಾನ್ಸ್ಟೇಬಲ್‌ ಮಹಿಳೆ ಕೇಂದ್ರೀಯ ಮೀಸಲು ಪೊಲೀಸ್ ಪಡೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಇನ್ನೊಬ್ಬ ಕಾನ್ಸ್​ಟೇಬಲ್ ಅನ್ನು ಕೆಲ ವರ್ಷಗಳ ಹಿಂದೆ ಮದುವೆಯಾಗಿದ್ದರು.

ಆದರೆ ಇತ್ತೀಚೆಗೆ ಇಬ್ಬರ ಮಧ್ಯೆ ಮನಸ್ಥಾಪಗೊಂಡು ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು. ಅವರ ವಿಚ್ಚೇದನ ಪ್ರಕರಣ ನ್ಯಾಯಾಲಯದಲ್ಲಿ ವಿಚಾರಣೆಗೆ ಇನ್ನು ಬರಬೇಕಿದೆ. ಈ ಮಧ್ಯೆ ಮಹಿಳೆ ಮತ್ತು ಆಕೆಯ ವಿಚ್ಛೇದನ ಪ್ರಕರಣ ನಡೆಸುತ್ತಿರುವ ವಕೀಲ ಆತ್ಮೀಯತೆಯಲ್ಲಿದ್ದರು.

ತನ್ನ ಮತ್ತು ಗಂಡನ ವಿಚ್ಛೇದನ ಪ್ರಕರಣ ನಡೆಸುತ್ತಿರುವ ವಕೀಲನ ಜೊತೆ ಮಹಿಳೆ ಲೈಂಗಿಕ ಸಂಬಂಧ ಹೊಂದಿರುವ ಬಗ್ಗೆ ಅನುಮಾನಗೊಂಡಿದ್ದ ಪತಿ ಅವರಿಬ್ಬರು ಮನೆಯಲ್ಲಿ ಏಕಾಂತದಲ್ಲಿದ್ದಾಗ ಪೊಲೀಸರ ಜೊತೆ ಬಂದು ವಿಡಿಯೋ ಮಾಡಿದ್ದಾನೆ.

ಇನ್ನು ಪತಿ ವಿಡಿಯೋ ಮಾಡುವಾಗ ವಕೀಲ ಮನೆಯಿಂದ ಹೊರಡುವವನಿದ್ದ. ಮಹಿಳೆ ಆಗತಾನೆ ಬಟ್ಟೆ ಧರಿಸಿ ಹೊರಗೆ ಬಂದಿದ್ದು ವಿಡಿಯೋ ಮಾಡುತ್ತಿರುವದನ್ನು ಗಮನಿಸಿದ ಆಕೆ ‘ನಿಮ್ಮ ಫೋಟೋಗ್ರಫಿ ಮುಗೀತಾ’ ಎಂದು ವ್ಯಂಗ್ಯವಾಗಿ ಕೇಳಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಕೊತ್ವಾಲಿ ಇನ್ಸ್‌ಪೆಕ್ಟರ್ ಸೂರ್ಯಬಾಲಿ ಪಾಂಡೆ, ಸದ್ಯಕ್ಕೆ ಯಾರ ವಿರುದ್ಧವೂ ಪ್ರಕರಣ ದಾಖಲಿಸಿಲ್ಲ. ಆದರೆ ಪೊಲೀಸ್ ಇಲಾಖೆಗೆ ಕಳಂಕ ತಂದಿರುವ ಮಹಿಳಾ ಪೇದೆ ವಿರುದ್ಧ ಶಿಸ್ತು ಕ್ರಮಕ್ಕೆ ಶಿಫಾರಸು ಮಾಡಿ ಪತ್ರ ಬರೆಯಲಾಗಿದೆ ಎಂದು ಹೇಳಿದ್ದಾರೆ.