Husband and Wife: ಹೆಂಡ್ತಿ ಜೊತೆ ಫಸ್ಟ್ ನೈಟ್ ಮಾಡಿಕೊಳ್ಳದ ವರ! 25 ಲಕ್ಷ ಹಣ, ಕಾರು, ಚಿನ್ನ ಕೊಟ್ಟರೂ ವರದಕ್ಷಿಣೆ ಕಿರುಕುಳ!

ಪ್ರಪಂಚ ಆಧುನಿಕವಾಗಿ ಎಷ್ಟೇ ಬೆಳೆದರೂ ಕೆಲವು ಅನಿಷ್ಠ ಪದ್ದತಿ, ಅಸಮಾನತೆ ಕಡಿಮೆಯಾಗಿಲ್ಲ. ಉತ್ತರ ಪ್ರದೇಶ ಕೌಶಾಂಬಿ ಜಿಲ್ಲೆಯಲ್ಲಿ ಇತ್ತೀಚೆಗೆ ಮದುವೆಯಾಗಿದ್ದ ವ್ಯಕ್ತಿಯೊಬ್ಬ ವರದಕ್ಷಿಣೆಗಾಗಿ ಮದುವೆಯಾದ ಮೊದಲ ರಾತ್ರಿಯಿಂದಲೇ ವರದಕ್ಷಿಣೆಗಾಗಿ ಪತ್ನಿಗೆ ಕಿರುಕುಳ ನೀಡಲಾರಂಭಿಸಿದ ಘಟನೆ ಉತ್ತರ ಪ್ರದೇಶದ ಕೌಶಾಂಬಿ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ.

ಮದುವೆಯಾದ ಮೊದಲ ರಾತ್ರಿಯಾಯಲ್ಲೇ ವಧುವಿಗೆ ವರದಕ್ಷಿಣೆಯಾಗಿ 25 ಲಕ್ಷ ರೂಪಾಯಿ ಬೇಡಿಕೆ ಇಟ್ಟಿದ್ದಾನೆ. ಈಗಾಗಲೇ ಲಕ್ಷ ಲಕ್ಷ ಹಣ, ಕಾರು, ಚಿನ್ನಾಭರಣ ಕೊಟ್ಟರೂ ವರದಕ್ಷಿಣೆ ಆಸೆಗೆ ಪತಿ ತನ್ನ ಕುಟುಂಬದೊಂದಿಗೆ ಸೇರಿ ಪತ್ನಿಗೆ ಕಿರುಕುಳ ನೀಡಿದ್ದಾನೆ ಎಂದು ಹೇಳಲಾಗಿದೆ.

ಸಂತ್ರಸ್ತೆ ಬೇರುವ ಗ್ರಾಮದ ನಿವಾಸಿ ಎಂದು ತಿಳಿದುಬಂದಿದ್ದು, ಆಕೆಯನ್ನು ಫೆಬ್ರವರಿ 16, 2022 ರಂದು ಹಿಂದೂ ಸಂಪ್ರದಾಯಗಳ ಪ್ರಕಾರ ಶಿವಾಂಶ್ ತ್ರಿಪಾಠಿ ಎಂಬಾತನೊಂದಿಗೆ ವಿವಾಹ ಮಾಡಲಾಗುತ್ತು. ಆಕೆಯ ತಂದೆ ಅಳಿಯನಿಗೆ 25 ಲಕ್ಷ ರೂಪಾಯಿ ನಗದು ಮತ್ತು ಸ್ವಿಫ್ಟ್ ಕಾರನ್ನು ವರದಕ್ಷಿಣೆಯಾಗಿ ನೀಡಿದ್ದರು.

ಅಷ್ಟೇ ಅಲ್ಲದೆ ಮದುವೆಯಲ್ಲಿ ತಮ್ಮ ಮಗಳಿಗೂ ಎಂಟು ಲಕ್ಷ ರೂಪಾಯಿ ಮೌಲ್ಯದ ಚಿನ್ನಾಭರಣ ಹಾಗೂ ಇತರೆ ವಸ್ತುಗಳನ್ನು ಕೊಟ್ಟು ಕಳುಹಿಸಲಾಗಿತ್ತು. ಆದ್ರೆ ದುರಾಸೆಯ ವರನ ಕುಟುಂಬಸ್ಥರು ಸೊಸೆ ಮನೆಗೆ ಬಂದಾಗ ಇನ್ನೂ 25 ಲಕ್ಷ ರೂಪಾಯಿ ತರುವಂತೆ ಪೀಡಿಸತೊಡಗಿದ್ದಾರೆ. ತನ್ನ ಅಮ್ಮನ ಜೊತೆ ಸೇರಿದ ಪತಿ ಕೂಡ ಸಂತ್ರಸ್ತೆಗೆ ಮೊದಲ ರಾತ್ರಿಯಿಂದಲೇ ಹಣ ತರುವಂತೆ ಬೇಡಿಕೆ ಇಟ್ಟಿದ್ದಾನೆ. ಅಲ್ಲದೆ ಪತಿ ತನ್ನಿಂದ ಮದುವೆಯಾದ ದಿನದಿಂದಲೂ ದೂರ ವಾಸಿಸುತ್ತಿದ್ದಾನೆ ಎಂದು ಸಂತ್ರಸ್ತೆ ಹೇಳಿದ್ದಾರೆ.

ವರ ಮೊದಲ ರಾತ್ರಿಯಲ್ಲಿ ಸಂತ್ರಸ್ತೆಯನ್ನು ದೂರ ಇಟ್ಟಿದ್ದಲ್ಲದೆ, ನನ್ನೊಂದಿಗೆ ಸಂಬಂಧ ಬೆಳೆಸಲು ನಿನಗೆ ಅರ್ಹತೆ ಇಲ್ಲ ಎಂದು ಹಿಯಾಳಿಸಿದ್ದಾನೆ. ಅಷ್ಟೇ ಅಲ್ಲದೆ ಆತ ತನ್ನ ಸೋದರ ಮಾವನ ಜೊತೆ ಮಲಗುವಂತೆ ಪತ್ನಿಗೆ ಒತ್ತಡ ಹೇರಿದ್ದಾನೆ. ಪತ್ನಿ ವಿರೋಧಿಸಿದಾಗ ಆಕೆಗೆ ಥಳಿಸಿದ್ದಾನೆ.

ಪತಿ, ಆತನ ಕುಟುಂಬಸ್ಥರಿಂದ ಸಾಕಷ್ಟು ಕಿರುಕುಳವನ್ನು ಅನುಭವಿಸಿದ ನಂತರ ಬೇಸತ್ತು ತನ್ನ ಕುಟುಂಬಸ್ಥರು ಸಂಬಂಧಿಕರಿಗೆ ತಿಳಿಸಿದ್ದಾರೆ. ಅದರ ನಂತರ ಹಲವು ಬಾರಿ ಪಂಚಾಯಿತಿ ನಡೆಸಲಾಗಿದೆ. ಕೊನೆ ಸಂತ್ರಸ್ತೆ ಕುಟುಂಸ್ಥರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಮಹಿಳೆ ಕೊಟ್ಟ ದೂರಿನ ಮೇರೆಗೆ ಪೊಲೀಸರು ಪತಿ ಶಿವಾಂಶ್ ತ್ರಿಪಾಠಿ, ಅತ್ತೆ ಮಮತಾ ತ್ರಿಪಾಠಿ ಸೇರಿದಂತೆ 6 ಮಂದಿ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.