Chicken Shop: ಚಿಕನ್‌ ಪ್ರಾಣಿಯೇ? ಕಸಾಯಿಖಾನೆಯಲ್ಲಿ ಕೋಳಿಯ ವಧೆ ಮಾಡಬೇಕು ಎಂದಿದ್ದಕ್ಕೆ ಗುಜರಾತ್ ಹೈಕೋರ್ಟ್ ಹೇಳಿದ್ದೇನು?

ಹೌದು.. ಈ ಬಾರಿ ಕೋಳಿ ಮೊದಲಾ? ಮೊಟ್ಟೆ ಮೊದಲಾ ಅನ್ನೋ ಪ್ರಶ್ನೆ ಪ್ರಸ್ತಾಪ ಆಗಿರೋದು, ಹಳ್ಳಿ ಕಟ್ಟೆಯಲ್ಲೋ, ಅಥವಾ ಮಕ್ಕಳ ಆಟದ ಗ್ರೌಂಡ್‌ನಲ್ಲೋ ಅಥವಾ ಯುವಕರ ತಲೆ ಹರಟೆಯ ವೇದಿಕೆಯಲ್ಲೋ ಅಲ್ಲ., ಬದಲಾಗಿ ಜನರಿಗೆ ನ್ಯಾಯವನ್ನು ಒದಗಿಸುವ ಕೋರ್ಟ್‌ ಆವರಣದಲ್ಲಿ.

ಹೌದು.. ಪ್ರತಿನಿತ್ಯ ಹತ್ತಾರು ಗಂಭೀರ ಸಮಸ್ಯೆಯ ಪ್ರಕರಣಗಳನ್ನು ಇತ್ಯರ್ಥ ಪಡಿಸುವ ಕೋರ್ಟ್‌ ಆವರಣದಲ್ಲಿ ಕೋಳಿ ಮೊದಲಾ? ಮೊಟ್ಟೆ ಮೊದಲಾ ಅನ್ನೋ ಪ್ರಶ್ನೆ ಉದ್ಭವವಾಗಿದೆ. ಅಷ್ಟಕ್ಕೂ ಈ ಪ್ರಶ್ನೆಯ ಬಗ್ಗೆ ಚರ್ಚೆ ಆಗಿರೋದು ಗುಜರಾತ್‌ನ ಹೈಕೋರ್ಟ್‌ನಲ್ಲಿ.

ಕಸಾಯಿಖಾನೆಗಳಿಗೆ ಕೊಂಡೊಯ್ಯುವ ಬದಲು ಕೋಳಿ ಅಂಗಡಿಗಳಲ್ಲೇ ಕೋಳಿಗಳನ್ನು ವಧೆ ಮಾಡುವುದನ್ನು ವಿರೋಧಿಸಿ ಸಲ್ಲಿಸಲಾಗಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯೊಂದರ ಕುರಿತು ಗುಜರಾತ್ ಹೈಕೋರ್ಟ್‌ನಲ್ಲಿ ವಿಚಾರಣೆ ನಡೆಯಿತು.

ಈ ವೇಳೆ ಹೈಕೋರ್ಟ್‌ನಲ್ಲಿ ಕೋಳಿ ಮೊದಲಾ? ಮೊಟ್ಟೆ ಮೊದಲಾ ಅನ್ನೋ ಬಗ್ಗೆ ಕೆಲವು ಹೊತ್ತುಗಳ ಕಾಲ ಸ್ವಾರಸ್ಯಕರ ಚರ್ಚೆ ಮುಂದುವರೆಯಿತು.

ಕೋಳಿ ವ್ಯಾಪಾರಿಗಳು ಮತ್ತು ಕೋಳಿ ಅಂಗಡಿ ಮಾಲೀಕರು ತಮ್ಮ ಅರ್ಜಿಗಳನ್ನು ಹೈಕೋರ್ಟ್ ಆಲಿಸಿ ತಮ್ಮ ಅಂಗಡಿಗಳನ್ನು ತೆರೆಯಲು ಅವಕಾಶ ನೀಡುತ್ತದೆ ಎಂದು ತಮ್ಮ ಬೆರಳುಗಳನ್ನು ಅಡ್ಡಗಟ್ಟಿದ್ದಾರೆ.

ಬಳಿಕ ವಿಚಾರಣೆ ಮುಂದುವರಿಸಿದ ನ್ಯಾಯಾಲಯವು ನಿಯಮಗಳನ್ನು ಉಲ್ಲಂಘಿಸಿ ಸ್ವಚ್ಛತಾ ಮಾನದಂಡಗಳನ್ನು ಅನುಸರಿಸದ ಮಾಂಸದ ಅಂಗಡಿ ಮತ್ತು ಕೋಳಿ ಅಂಗಡಿಗಳನ್ನು ಮುಚ್ಚುವಂತೆ ಆದೇಶ ನೀಡಿತು.

ಎನ್‌ಜಿಓಗಳಾದ ಅನಿಮಲ್ ವೆಲ್ಫೇರ್ ಫೌಂಡೇಶನ್ ಮತ್ತು ಅಹಿಂಸಾ ಮಹಾ ಸಂಘ ಮುಖ್ಯವಾಗಿ ಸೂರತ್ ಮುನ್ಸಿಪಲ್ ಕಾರ್ಪೊರೇಷನ್ ಕೋಳಿ ಸೇರಿದಂತೆ ಪ್ರಾಣಿಗಳನ್ನು ಕಸಾಯಿಖಾನೆಗಳಲ್ಲೇ ಕೊಲ್ಲಬೇಕು. ಅಂಗಡಿಗಳಲ್ಲಿ ಅಲ್ಲ. ಇದಕ್ಕೆ ಕಟ್ಟುನಿಟ್ಟಿನ ಕಾನೂನು ಕ್ರಮ ತರಬೇಕು ಎಂದು ಆಗ್ರಹಿಸಿ ಹೈಕೋರ್ಟ್ ಮೆಟ್ಟಿಲೇರಿದ್ದವು.