Same Gender Marriage : ಸುಪ್ರೀಂ ತೀರ್ಪು ಬರುವ ಮುನ್ನವೇ ಎಂಗೇಜ್​ ಆದ​ ಯುವತಿಯರು! ಹನಿಮೂನ್​ಗೆ ಬಾಲಿಗೆ ಹೋಗ್ತಾರಂತೆ ಈ ಸಲಿಂಗಿ ಜೋಡಿ!

ಸಲಿಂಗ ವಿವಾಹದ ಬಗ್ಗೆ ಸುಪ್ರೀಂ ಕೋರ್ಟ್​ನಲ್ಲಿ ವಿಚಾರಣೆ ನಡೆಯುತ್ತಿದೆ. ಅಂತಿಮ ತೀರ್ಪು ಹೊರಬರುವ ಮುನ್ನವೇ ಇಬ್ಬರು ಯುವತಿಯರು ನಿಶ್ಚಿತಾರ್ಥ ನಡೆದಿದೆ. ಅಸ್ಸಾಂನ ಗುವಾಹಟಿಯಲ್ಲಿ ಈ ಕಾರ್ಯಕ್ರಮ ನಡೆದಿದ್ದು, ಶೀಘ್ರದಲ್ಲೇ ಈ ಜೋಡಿ ದಂಪತಿಯಾಗಲಿದ್ದಾರೆ.

ಮನಿಶಾ ರಾವಾ ಮತ್ತು ಎಲಿಜಾ ವಾಹಿದ್ ಎಂಬುವವರು ರಿಂಗ್​ ಬದಲಿಸಿಕೊಂಡು ಎಂಗೇಜ್​ಮೆಂಟ್​ ಮಾಡಿಕೊಂಡಿದ್ದಾರೆ. ವೃತ್ತಿಯಲ್ಲಿ ಬ್ಯೂಟಿಷಿಯನ್ ಆಗಿರುವ ಮನೀಶಾ ರಭಾ ಅವರು ತಮ್ಮ ಬಹುಕಾಲದ ಗೆಳತಿ, ಕಮ್ರೂಪ್ ಜಿಲ್ಲೆಯ ನಗರ್‌ಬೆರಾ ಎಂಬ ಹಳ್ಳಿಯ ಎಲಿಜಾ ವಾಹಿದ್​ ಎಂಬಾಕೆಯೊಂದಿಗೆ ತಮ್ಮ ಜೀವನವನ್ನು ಪ್ರಾರಂಭಿಸಲು ಸಿದ್ಧರಾಗಿದ್ದಾರೆ.

ದೀರ್ಘಕಾಲದ ಗೆಳತಿಯರಾಗಿರುವ ಇವರಿಬ್ಬರೂ ಮದುವೆಯಾಗುವುದಕ್ಕೆ ನಿರ್ಧರಿಸಿದಾಗ ಎಲಿಜಾ ಕುಟುಂಬಸ್ಥರು ವಿರೋಧ ವ್ಯಕ್ತಪಡಿಸಿದ್ದರು. ಆದರೆ ಕುಟುಂಬಸ್ಥರ ವಿರೋಧದ ನಡುವೆಯೂ ಪರಸ್ಪರರ ಜೀವನ ಸಂಗಾತಿಗಳಾಗುವ ಭರವಸೆಯೊಂದಿಗೆ ಅವರು ಮದುವೆಯಾತ್ತಿದ್ದಾರೆ.

ಈ ವಿವಾಹಕ್ಕೆ ತನ್ನ ಕುಟುಂಬವು ವಿಶೇಷವಾಗಿ ತನ್ನ ತಾಯಿ ಬೇಷರತ್ತಾಗಿ ನನ್ನನ್ನು ಬೆಂಬಲಿಸಿದರು ಎಂದು ಮನೀಶಾ ಹೇಳಿದ್ದಾರೆ, ಆದರೆ ಎಲಿಜಾ ತನ್ನ ಕುಟುಂಬವು ಪ್ರತಿಯೊಂದು ಪರಿಸ್ಥಿತಿಯಲ್ಲಿಯೂ ತನ್ನನ್ನು ಬೆಂಬಲಿಸುತ್ತಿತ್ತು. ಆದರೆ ಆದರೆ ಈ ನನ್ನ ಈ ನಿರ್ಧಾರಕ್ಕೆ ಯಾರೂ ಬೆಂಬಲಿಸಲಿಲ್ಲ ಎಂದು ಹೇಳಿದ್ದಾರೆ.

ಈ ವಿವಾಹಕ್ಕೆ ತನ್ನ ಕುಟುಂಬವು ವಿಶೇಷವಾಗಿ ತನ್ನ ತಾಯಿ ಬೇಷರತ್ತಾಗಿ ನನ್ನನ್ನು ಬೆಂಬಲಿಸಿದರು ಎಂದು ಮನೀಶಾ ಹೇಳಿದ್ದಾರೆ, ಆದರೆ ಎಲಿಜಾ ತನ್ನ ಕುಟುಂಬವು ಪ್ರತಿಯೊಂದು ಪರಿಸ್ಥಿತಿಯಲ್ಲಿಯೂ ತನ್ನನ್ನು ಬೆಂಬಲಿಸುತ್ತಿತ್ತು. ಆದರೆ ಆದರೆ ಈ ನನ್ನ ಈ ನಿರ್ಧಾರಕ್ಕೆ ಯಾರೂ ಬೆಂಬಲಿಸಲಿಲ್ಲ ಎಂದು ಹೇಳಿದ್ದಾರೆ.

ಮುಂದಿನ ಒಂದೂವರೆ ವರ್ಷದೊಳಗೆ ಮದುವೆಯಾಗಲು ಯೋಜಿಸುವುದಾಗಿ ಘೋಷಿಸಿದ್ದಾರೆ. ಮದುವೆಯ ನಂತರ ಹನಿಮೂನ್‌ಗಾಗಿ ಬಾಲಿಗೆ ಹೋಗುವ ಯೋಜನೆ ಇದೆ ಎಂದು ಅವರು ಹಂಚಿಕೊಂಡಿದ್ದಾರೆ.

ವಿಶೇಷ ವಿವಾಹ ಕಾಯ್ದೆ 1954ರ ಅಡಿಯಲ್ಲಿ ಸುಪ್ರೀಂ ಕೋರ್ಟ್ ಇದುವರೆಗೂ 10 ಬಾರಿ ಸಲಿಂಗ ವಿವಾಹಗಳ ವಿಚಾರಣೆ ನಡೆಸಿದೆ. ಮೇ 11ರಂದು ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯ ತೀರ್ಪನ್ನು ಕಾಯ್ದಿರಿಸಿದೆ.