Ghosts: ಕೆಲಸಕ್ಕೆ ಅಡ್ಡಿ ಮಾಡುತ್ತಿವೆ ಎಂದು ಎರಡು ದೆವ್ವಗಳ ಮೇಲೆ ಪ್ರಕರಣ ದಾಖಲಿಸಿದ ಪೊಲೀಸರು

ಅಚ್ಚರಿಯಾದರೂ ಹೌದು. ಗುಜರಾತ್​ನ ಪಂಚಮಹಲ್​ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ.

ಇಲ್ಲಿನ ಜಮ್ಭುಗೊದ ಪೊಲೀಸ್​ ಠಾಣೆಯಲ್ಲಿ ವ್ಯಕ್ತಿಯೊಬ್ಬ ಈ ದೂರು ದಾಖಲಿಸಿದ್ದಾನೆ. ಎರಡು ದೆವ್ವಗಳು ತಮ್ಮ ಹಿಂದೆ ಬಿದ್ದಿದ್ದು, ಕೆಲಸ ಮಾಡಲು ಬಿಡುತ್ತಿಲ್ಲ ಎಂದು ಆತ ಆರೋಪಿಸಿದ್ದಾನೆ.

ವ್ಯಕ್ತಿ ಸಂಪೂರ್ಣವಾಗಿ ಹೆದರಿ ಠಾಣೆಗೆ ಆಗಮಿಸಿದ್ದ, ಆತನ ಸ್ಥಿತಿ ಕಂಡ ಏನೋ ಗಂಭೀರತೆ ಇದೆ ಎಂದು ದೂರು ದಾಖಲಿಸಿಕೊಳ್ಳಲಾಗಿದೆ. ಈ ವೇಳೆ ಆತ ದೆವ್ವಗಳು ಕೊಲೆ ಬೆದರಿಕೆ ಹಾಕುತ್ತಿವೆ ಎಂದು ಆರೋಪಿಸಿದ್ದಾನೆ ಎಂದಿದ್ದಾನೆ.

ಗಾಬರಿಗೊಂಡ ವ್ಯಕ್ತಿಯನ್ನು ಸಮಾಧಾನ ಮಾಡಿ ಬಳಿಕ ಆತನ ಕುಟುಂಬಸ್ಥರಿಗೆ ಆತನನ್ನು ಒಪ್ಪಿಸಲಾಗಿದೆ. ಈ ವೇಳೆ ನಡೆದ ಘಟನೆಯನ್ನು ಪೊಲೀಸರು ವಿವರಿಸಿದ್ದಾರೆ.

ವ್ಯಕ್ತಿ ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿದ್ದು, 10 ದಿನಗಳಿಂದ ಮಾತ್ರೆ ತೆಗೆದುಕೊಂಡಿರಲಿಲ್ಲ. ಇದೇ ಹಿನ್ನಲೆ ಈ ರೀತಿ ವರ್ತನೆ ತೋರಿದ್ದಾನೆ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ.

ವ್ಯಕ್ತಿಯ ಮಾನಸಿಕ ಸ್ಥಿತಿ ತಿಳಿದ ಬಳಿಕ ಆತನಿಗೆ ಉತ್ತಮ ಚಿಕಿತ್ಸೆ ಕೊಡಿಸುವಂತೆ ಪೊಲೀಸರು ಕುಟುಂಬಸ್ಥರಿಗೆ ತಿಳಿಸಿ ಬಂದಿದ್ದಾರೆ.