Marriage: ನಿಶ್ಚಿತಾರ್ಥ ಅಕ್ಕನೊಂದಿಗೆ, ತಾಳಿ ಕಟ್ಟಿದ್ದು ತಂಗಿಗೆ! ಮದುವೆ ಮಂಟಪದಲ್ಲೇ ಎಲ್ಲಾ ಉಲ್ಟಾಪಲ್ಟಾ!

ಮದುವೆ ಮಂಟಪದಲ್ಲಿ ತಾಳಿ ಕಟ್ಟುವ ಮುನ್ನವೇ ಮದುವೆ ನಿಂತಿರುವ ಹಲವು ಘಟನೆಗಳನ್ನು ನೋಡಿದ್ದೇವೆ. ಆದರೆ ಇಲ್ಲೊಬ್ಬ ವರ ಹಾರ ಬದಲಾಯಿಸಿಕೊಂಡ ವಧು ಬಿಟ್ಟು ಬೇರೊಬ್ಬ ವಧುವಿಗೆ ತಾಳಿ ಕಟ್ಟಿದ ಘಟನೆ ಬಿಹಾರದ ಸರನ್​ ಜಿಲ್ಲೆಯಲ್ಲಿ ನಡೆದಿದೆ.

ಛಾಪ್ರಾ ನಗರದ ಬಿಂತೋಲಿ ನಿವಾಸಿ ಜಗಮೋಹನ್ ಮಹತೋ ಅವರ ಪುತ್ರ ರಾಜೇಶ್ ಕುಮಾರ್ ಎಂಬಾತನ ಮದುವೆ ಭಭೌಲಿ ಗ್ರಾಮದ ವಧು ರಿಂಕು ಕುಮಾರಿಯೊಡನೆ ನಿಗಧಿಯಾಗಿತ್ತು. ಅದ್ದೂರಿ ಮೆರವಣಿಗೆ ಮೂಲಕ ವರನ ಕಡೆಯವರು ವಧುವಿನ ಗ್ರಾಮ ತಲುಪಿದ್ದರು.

ರಾತ್ರಿ ಮದುವೆಯ ವಿಧಿ-ವಿಧಾನಗಳು ನಗು-ಸಂತೋಷದೊಂದಿಗೆ ನೆರವೇರಿದೆ. ನೂರಾರು ಜನರ ಸಮ್ಮುಖದಲ್ಲಿ ಜಯಮಾಲಾ ಪ್ರಕ್ರಿಯೆಯೂ ಪೂರ್ಣಗೊಂಡಿದೆ. ಆದರೆ ಇನ್ನೇನು ಹಾರ ಬದಲಾಯಿಸಿಕೊಂಡು ತಾಳಿ ಕಟ್ಟಬೇಕು ಎನ್ನುವಷ್ಟರಲ್ಲಿ ವರ ಈ ವೇಳೆ ಮದುವೆ ಆಗಲು ನಿರಾಕರಿಸಿದ್ದಾನೆ.(ಸಾಂದರ್ಭಿಕ ಚಿತ್ರ)

ಇದಕ್ಕೆಲ್ಲಾ ಕಾರಣ ವಧು ರಿಂಕು ಕುಮಾರಿ ಸಹೋದರಿ ಎನ್ನುವುದು ಎಲ್ಲರಿಗೂ ಅಚ್ಚರಿ ರಂದಿದೆ. ಪುತುಲ್ ಕುಮಾರಿ ಎಂಬಾಕೆ ವರನನ್ನು ಪ್ರೀತಿಸುತ್ತಿದ್ದು, ಒಂದು ವೇಳೆ ತನ್ನ ಬದಲು ಸಹೋದರಿಯನ್ನು ವಿವಾಹವಾದರೆ ಬಿಲ್ಡಿಂಗ್​ನಿಂದ ಬಿದ್ದು ಸಾಯುವುದಾಗಿ ವರನಿಗೆ ಕರೆ ಮಾಡಿ ಹೇಳಿದ್ದಾಳೆ. ಇದನ್ನು ಕೆಳಿದ ವರ ಕೂಡಲೇ ಮದುವೆ ನಿಲ್ಲಿಸಿದ್ದು, ಸ್ಥಳದಿಂದ ತೆರಳಿದ್ದಾನೆ.

ಇದ್ದಕ್ಕಿದ್ದಂತೆ ವರ ಮದುವೆ ಬೇಡ ಎಂದು ತನ್ನ ಕುಟುಂಬ ಮತ್ತು ವಧುವಿನ ಕುಟುಂಬಕ್ಕೆ ಹೇಳಿದ್ದಾನೆ. ವರನ ವಿಚಿತ್ರ ವರ್ತನೆಯನ್ನು ಕೋಪಗೊಂಡಿದ್ದಾರೆ. ಮಾತಿಗೆ ಮಾತು ಬೆಳೆದು ವಿಷಯವು ಹೊಡೆದಾಟಕ್ಕೆ ತಲುಪಿದೆ.

ನಂತರ ವರ ರಾಜೇಶ್ ಕುಮಾರ್​ ತಾನೂ ವಧು ಸಹೋದರಿ ಪುತುಲ್ ಕುಮಾರಿಯನ್ನು ಪ್ರೀರಿಸುತ್ತಿದ್ದಾಗಿ ಹೇಳಿದ್ದಾನೆ. ಆದರೆ ತನ್ನ ಸಹೋದರಿಯ ಜೊತೆಯೇ ಮದುವೆ ನಿಶ್ಚಯವಾಗಿದ್ದರಿಂದ ಪುತುಲ್ ಕುಮಾರಿ ವಿಚಲಿತಗೊಂಡಿದ್ದಾಳೆ. ಕೊನೆಗೆ ಬೇರೆ ದಾರಿ ಕಾಣದೇ ಆತ್ಮಹತ್ಯೆ ಬೆದರಿಕೆ ಹಾಕಿ ಮದುವೆ ನಿಲ್ಲಿಸಿದ್ದಾಳೆ.

ಈ ವಿಚಾರ ಹೇಳಿದ ಮೇಲೆ ಜಗಳ ಮತ್ತಷ್ಟು ಹೆಚ್ಚಾಗಿದೆ. ಎರಡೂ ಕುಟುಂಬದವರ ನಡುವೆ ಹೊಡೆದಾಟ ಶುರುವಾಗಿದೆ. ಇದನ್ನೆಲ್ಲಾ ಸಂಬಂಧಿಕರು ಕೂಡಲೇ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಬೆಳಗಿನ ಜಾವ 4 ಗಂಟೆಲ್ಲಿ ಸ್ಥಳಕ್ಕೆ ಬಂದು ಎರಡೂ ಕಡೆಯ ಮುಖಂಡರ ಜೊತೆ ಮಾನಾಡಿ ಪರಿಸ್ಥಿತಿ ತಿಳಿಗೊಳಿಸಿದ್ದಾರೆ. ಕೊನೆಗೆ ಎರಡೂ ಕಡೆಯವರೂ ರಾಜೇಶ್​ ಹಾಗೂ ಪುತುಲ್ ಕುಮಾರಿಗೆ ವಿವಾಹ ಮಾಡಲು ನಿರ್ಧರಿಸಿದ್ದಾರೆ. ಇದಕ್ಕೆ ವಧು ಕೂಡ ಒಪ್ಪಿಗೆ ಸೂಚಿಸಿದ್ದಾರೆ. ಕೊನೆ ಅದೇ ಮಂಟಪದಲ್ಲಿ ವಿವಾಹ ಮಾಡಿ ಕಳುಹಿಸಲಾಗಿದೆ.