Namibian Cheetah: ಭಾರತದಲ್ಲಿ ಜನಿಸಿರುವ ನಮೀಬಿಯಾ ಚೀತಾ ಮರಿಗಳಿಗೆ ನೀವೂ ಹೆಸರಿಡಬಹುದು! ಸರ್ಕಾರದಿಂದಲೇ ಅದ್ಭುತ ಅವಕಾಶ

ಪ್ರಾಜೆಕ್ಟ್​ ಚೀತಾ ಯೋಜನೆಯಡಿ ನಮೀಬಿಯಾದಿಂದ ಭಾರತಕ್ಕೆ ತರಲಾಗಿದ್ದ ಚೀತಾಗಳಲ್ಲಿ ಒಂದು ಚೀತಾ ನಾಲ್ಕು ಮರಿಗಗಳಿಗೆ ಜನ್ಮ ನೀಡಿದೆ.

ಎಲ್ಲಾ ನಾಲ್ಕು ಮರಿಗಳು ಆರೋಗ್ಯವಾಗಿವೆ. ಅಮೃತಕಾಲದಲ್ಲಿ ಭಾರತದ ವನ್ಯಜೀವಿ ಸಂರಕ್ಷಣಾ ಇತಿಹಾಸದಲ್ಲೇ ಇದೊಂದು ಮಹತ್ವದ ಘಟನೆ ಎಂದು ಕೇಂದ್ರ ಪರಿಸರ ಸಚಿವ ಭೂಪೇಂದ್ರ ಯಾದವ್​ ಚೀತಾ ಮರಿಗೆ ಜನ್ಮ ನೀಡಿರುವ ವಿಚಾರವನ್ನು ಕಳೆದ ವಾರ ಪ್ರಕಟಿಸಿದ್ದರು.

ಈ  ಚೀತಾವನ್ನು ಕಳೆದ ವರ್ಷ ಸೆಪ್ಟೆಂಬರ್​ 17ರಂದು ನಮೀಬಿಯಾದಿಂದ ಕುನೋ ರಾಷ್ಟ್ರೀಯ ಉದ್ಯಾನಕ್ಕೆ ಸ್ಥಳಾಂತರ ಮಾಡಲಾಗಿತ್ತು. ಅದರಲ್ಲಿ ಸಾಶಾ ಎಂಬ ಒಂದು ಚೀತಾ ಆನಾರೋಗ್ಯದಿಂದ ಮೃತಪಟ್ಟಿತ್ತು. ಇದೀಗ ಸಿಯಾಯಾ ಎಂಬ ಚೀತಾ ನಾಲ್ಕು ಮರಿಗಳಿಗೆ ಜನ್ಮ ನೀಡಿದ್ದು, ಸಾಶಾ ಅಗಲಿಕೆಯ ನೋವನ್ನು ಮರೆಸಿದೆ.

1952 ರಲ್ಲಿ ದೇಶದಲ್ಲಿ ಈ ಚೀತಾಗಳು ಅಳಿವಿನಂಚಿನಲ್ಲಿವೆ ಎಂದು ಘೋಷಿಸಲ್ಪಟ್ಟಿತ್ತು. ಇದೀಗ 70 ವರ್ಷಗಳ ನಂತರ ಭಾರತದಲ್ಲಿ ಜನಿಸಿದ ಮೊದಲ ಚಿರತೆ ಮರಿಗಳಾಗಿವೆ.

ಕಳೆದ ಮನ್​ ಕಿ ಬಾತ್​ ಎಪಿಸೋಡ್​ನಲ್ಲಿ ಪ್ರಧಾನಿ ಮೋದಿ ಹೊಸ ಅತಿಥಿಗಳಿಗೆ ನಾಮಕರಣ ಮಾಡಲಾಗುವುದು ಎಂದು ಘೋಷಿಸಿದ್ದರು. ಇದರ ಬೆನ್ನಲ್ಲೆ ಕೇಂದ್ರ ಸರ್ಕಾರದ ಚೀತಾ ಮರಿಗಳಿಗೆ ಒಳ್ಳೆಯ ಹೆಸರುಗಳನ್ನು ಸೂಚಿಸಲು ನಾಗರಿಕರನ್ನು ಕೋರಿದೆ.

ಈ ವಿಶೇಷ ಸಂದರ್ಭವನ್ನು ಗುರುತಿಸಲು, ಹೊಸದಾಗಿ ಹುಟ್ಟಿದ ಈ ಮರಿಗಳಿಗೆ ಒಳ್ಳೆಯ ಹೆಸರುಗಳನ್ನು ಸೂಚಿಸಲು MyGov  ದೇಶದ ಎಲ್ಲಾ ನಾಗರಿಕರಿಗೆ ಆಹ್ವಾನ ನೀಡಿದೆ. ಹಾಗೆಯೇ ಕೆಲವು ಷರತ್ತುಗಳನ್ನು ನೀಡಿದ್ದು, ಅವುಗಳನ್ನು  

ಇದಕ್ಕಾಗಿ ಸರ್ಕಾರದಿಂದ ಒಂದು ಪೋರ್ಟಲ್ ಸಿದ್ಧಪಡಿಸಲಾಗಿದೆ. ಅದರಲ್ಲಿ ಲಾಗಿನ್ ಆಗಿ ನಿಮ್ಮ ಸಲಹೆಗಳನ್ನು ನೀಡಬಹುದು. ಅಷ್ಟೇ ಅಲ್ಲ, ಯಾರ ಹೆಸರು ಸೂಕ್ತವಾಗುತ್ತದೆಯೋ ಅವರಿಗೆ ಮೊದಲು ಈ ಚೀತಾಗಳನ್ನು ನೋಡುವ ಅವಕಾಶ ಸಿಗುತ್ತದೆ. ಏಪ್ರಿಲ್ 1 ರಿಂದ ಏಪ್ರಿಲ್ 30 ರವರೆಗೆ ನಿಮ್ಮ ಸಲಹೆಯನ್ನು ನೀಡಬಹುದು.