Maldives Trip: ಮಾಲ್ಡೀವ್ಸ್‌ಗೆ ಹೋಗ್ತಿದ್ದೀರಾ? ಹಾಗಾದ್ರೆ ಹುಷಾರ್ ಈ 6 ಕೆಲಸಗಳನ್ನು ಮಾಡಲೇಬೇಡಿ!

ಮಾಲ್ಡೀವ್ಸ್ ಇತ್ತೀಚೆಗೆ ಅನೇಕ ಜನರ ಕನಸಿನ ತಾಣವಾಗಿದೆ. ಪ್ರಪಂಚದಾದ್ಯಂತದ ಜನರು ತಮ್ಮ ಹನಿಮೂನ್ಗೆ ಬೀಚ್ನಲ್ಲಿ ವಿಶ್ರಾಂತಿ ಪಡೆದುಕೊಳ್ಳಲು ಇಲ್ಲಿಗೆ ಬರುತ್ತಾರೆ. ಈ ದೇಶ ವರ್ಷವಿಡೀ ಜನರಿಂದ ತುಂಬಿರುತ್ತದೆ. ಅದರಲ್ಲಿಯೂ ಜುಲೈನಿಂದ ಆಗಸ್ಟ್ವರೆಗೂ ಮಾಲ್ಡೀವ್ಸ್ಗೆ ಭೇಟಿ ನೀಡಲು ಉತ್ತಮ ಸಮಯವೆಂದು ಪರಿಗಣಿಸಲಾಗಿದೆ. ಐಷಾರಾಮಿ ಮತ್ತು ಸುಂದರವಾದ ವಿಲ್ಲಾಗಳು, ಕಡಲತೀರಗಳು, ಸಮುದ್ರ ತೀರದ ಉದ್ದಕ್ಕೂ ಎತ್ತರದ ಮರಗಳು ಈ ಸ್ಥಳವನ್ನು ಹೆಚ್ಚು ಆಕರ್ಷಣಿಯವಾಗಿಸುತ್ತದೆ. ಈ ದೃಶ್ಯವು ಪ್ರತಿ ವರ್ಷ ಮಾಲ್ಡೀವ್ಸ್ ಜನರನ್ನು ಆಕರ್ಷಿಸುತ್ತಿದೆ.

ಆದರೆ, ಅಂತಹ ಅದ್ಭುತ ಸ್ಥಳದಲ್ಲಿ ಜನರ ಚಲನೆಗೆ ಸಂಬಂಧಿಸಿದಂತೆ ಕೆಲವು ನಿಯಮಗಳಿರುಬಹುದು ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ. ಹೌದು, ನೀವು ಅಲ್ಲಿ ಕೆಲವು ನಿಯಮಗಳನ್ನು ಅನುಸರಿಸದಿದ್ದರೆ, ಕಾನೂನನ್ನು ನಿಮ್ಮ ಕೈಗೆ ತೆಗೆದುಕೊಂಡಂತೆ. ನೀವು ತಪ್ಪು ಮಾಡಿದರೆ, ಸ್ಥಳೀಯರು ನಿಮ್ಮನ್ನು ಮೊದಲು ತಡೆಯುತ್ತಾರೆ. ನೀವು ಮಾಲ್ಡೀವ್ಸ್ಗೆ ಭೇಟಿ ನೀಡಲು ಬಯಸಿದರೆ ಇಲ್ಲಿ ಸುತ್ತಾಡುವಾಗ ಮುನ್ನ ಖಂಡಿತವಾಗಿಯೂ ಏನು ಮಾಡಬಾರದು ಎಂಬುದನ್ನು ಮೊದಲು ತಿಳಿದುಕೊಳ್ಳಿ.

ಮಾಲ್ಡೀವ್ಸ್ ಎಷ್ಟು ಸುಂದರವಾಗಿದೆಯೋ, ಅದೇ ರೀತಿ ಅನೇಕ ವಿಚಾರಗಳಲ್ಲಿ ಸಾಕಷ್ಟು ಕಠಿಣ ಕ್ರಮಗಳು ಇಲ್ಲಿದೆ. ಈ ದೇಶದ ರಸ್ತೆಗಳಲ್ಲಿ ಇಂತಹ ಕೆಲಸಗಳನ್ನು ಮಾಡುವಂತಿಲ್ಲ, ಇದು ಸ್ಥಳೀಯರಿಗೆ ತೊಂದರೆಯಾಗಿದೆ. ರಸ್ತೆಯಲ್ಲಿ ನಡೆಯುವಾಗ ಕೆನ್ನೆಗೆ ಮುತ್ತಿಡುವುದನ್ನೂ ಇಲ್ಲಿ ವಿಲಕ್ಷಣವೆಂದು ಪರಿಗಣಿಸಲಾಗುತ್ತದೆ. ಈ ರೀತಿ ಮಾಡಿ ಸಿಕ್ಕಿಬಿದ್ದರೆ ನಿಮ್ಮ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬಹುದು. ದಂಪತಿಗಳು ಇಲ್ಲಿಗೆ ಹೋಗಲು ಪ್ಲ್ಯಾನ್ ಮಾಡಿದ್ದರೆ, ಅವರಿಗೆ ಕಡಲತೀರದ ಸ್ಥಳ ಬೆಸ್ಟ್ ಎಂದು ಹೇಳಬಹುದು.

ಮದ್ಯ ಸೇವನೆ ನಿಷೇಧ..ಮಾಲ್ಡೀವ್ಸ್ ಮುಸ್ಲಿಂ ರಾಷ್ಟ್ರವಾಗಿರುವುದರಿಂದ ಮದ್ಯ ಸೇವನೆ ನಿಷೇಧಿಸಲಾಗಿದೆ. ಹಂದಿಮಾಂಸ ಕೂಡ ಇಲ್ಲಿ ಸಿಗುವುದು ಅಷ್ಟು ಸುಲಭವಲ್ಲ. ಮಾಲ್ಡೀವ್ಸ್ಗೆ ಪ್ರಯಾಣಿಸುವವರು ಈ ಎರಡು ವಿಚಾರಗಳಿಂದ ದೂರವಿರುವುದು ಉತ್ತಮ. ಬಹುಶಃ ಇದರಿಂದಾಗಿ ಸ್ಥಳೀಯರಿಗೆ ಕಿರಿಕಿರಿಯಾಗಬಹುದು. ಹಾಗಾಗಿ ವಿದೇಶ ಪ್ರವಾಸ ಮಾಡುವಾಗ ಆ ಎಲ್ಲ ವಿಚಾರಗಳಿಂದ ದೂರವಿರುವುದು ಉತ್ತಮ. ಆದರೆ ನೀವು ದ್ವೀಪದಲ್ಲಿ ಹೋಟೆಲ್ ಅಥವಾ ರೆಸಾರ್ಟ್ ಅನ್ನು ಬುಕ್ ಮಾಡಿದ್ದರೆ, ಈ ನಿಯಮಗಳು ಅಲ್ಲಿಗೆ ಅನ್ವಯಿಸುವುದಿಲ್ಲ.

ಬೀಚ್ನಲ್ಲಿ ಶೂ ಧರಿಸಬೇಡಿ..ಮಾಲ್ಡೀವ್ಸ್ಗೆ ಭೇಟಿ ನೀಡಿದಾಗ ಏನು ಮಾಡಬೇಕು? ಏನು ಮಾಡಬಾರದು ಎಂಬ ಗೊಂದಲವಿದ್ದರೆ, ಯಾವುದೇ ಕೆಲಸವನ್ನು ಮಾಡುವ ಮೊದಲು ಸ್ಥಳೀಯರನ್ನು ಕೇಳುವುದು ಉತ್ತಮ. ನಿಮಗೆ ಯಾವುದೇ ತೊಂದರೆ ಆಗುವುದಿಲ್ಲ. ನೀವು ದೇಶದ ಸಂಸ್ಕೃತಿಯ ಬಗ್ಗೆಯೂ ಕಲಿಯುವಿರಿ. ಉದಾಹರಣೆಗೆ, ಇಲ್ಲಿ ಕೆಲವು ಮರಳಿನ ಕಡಲತೀರಗಳು ಪ್ರಾಚೀನವಾಗಿವೆ. ತುಂಬಾ ಸುಂದರವಾಗಿದೆ, ಹಾಗಾಗಿ ನಿಮ್ಮ ಬೂಟುಗಳನ್ನು ತೆಗೆದು ಬರಿಗಾಲಿನಲ್ಲಿ ಸ್ಥಳವನ್ನು ಸುತ್ತಾಡುವುದು ಉತ್ತಮ.

ಬಿಕಿನಿಯನ್ನು ರೆಸಾರ್ಟ್ಗಳಿಗೆ ಸೀಮಿತಗೊಳಿಸಲಾಗಿದೆ. ಮುಸ್ಲಿಂ ರಾಷ್ಟ್ರವಾಗಿರುವುದರಿಂದ ಮಹಿಳೆಯರು ಸಾರ್ವಜನಿಕವಾಗಿ ಬಿಕಿನಿ ಅಥವಾ ಅಂತಹ ಬಟ್ಟೆಗಳನ್ನು ಧರಿಸದಂತೆ ಸೂಚಿಸಲಾಗಿದೆ. ಇದು ದೇಶದ ಸಾಮಾಜಿಕ ಕಟ್ಟುಪಾಡುಗಳನ್ನು ಘಾಸಿಗೊಳಿಸುತ್ತದೆ ಮತ್ತು ಅವರ ಸಂಸ್ಕೃತಿಗೆ ಧಕ್ಕೆ ತುರುವಂತಾಗಿದೆ.

ಸಮುದ್ರ ತೀರದಲ್ಲಿ ಕಸ ಹಾಕಬೇಡಿ. ಸಮುದ್ರ ಜೀವಿಗಳು ಮತ್ತು ಸಸ್ಯಗಳು ಪರಿಸರ ವ್ಯವಸ್ಥೆಯ ಪ್ರಮುಖ ಭಾಗವಾಗಿದೆ. ನೀವು ಅವುಗಳನ್ನು ಚೆನ್ನಾಗಿ ನೋಡಿಕೊಂಡರೆ ಅವು ನಿಮ್ಮ ಪರಿಸರದ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಆದರೆ ಹೆಚ್ಚುತ್ತಿರುವ ಜಾಗತಿಕ ತಾಪಮಾನದ ಸಮಸ್ಯೆಯಿಂದ, ಸಮುದ್ರ ಪ್ರಪಂಚದ ಸಮತೋಲನವೂ ನಾಶವಾಗುತ್ತಿದೆ. ಮಾಲ್ಡೀವ್ಸ್ ಮಾತ್ರವಲ್ಲ, ನೀವು ಯಾವುದೇ ದೇಶಕ್ಕೆ ಭೇಟಿ ನೀಡಿದರೆ, ಸಮುದ್ರ ಮತ್ತು ಅದರ ಸುತ್ತಮುತ್ತಲಿನ ಪ್ರದೇಶಗಳನ್ನು ಕಲುಷಿತಗೊಳಿಸಬೇಡಿ. ಯಾವಾಗಲೂ ಕಸವನ್ನು ಡಸ್ಟ್ಬಿನ್ನಲ್ಲಿ ಹಾಕಿ ಪ್ಲಾಸ್ಟಿಕ್ ಚೀಲಗಳನ್ನು ಸಂಪೂರ್ಣವಾಗಿ ನೀರಿಗೆ ಎಸೆಯುವುದನ್ನು ತಪ್ಪಿಸಿ.

ನೀವು ಅವರ ಸಂಪ್ರದಾಯಗಳನ್ನು ಅನುಸರಿಸಲು ಸಾಧ್ಯವಾಗದಿದ್ದರೆ, ಮಾಲ್ಡೀವ್ಸ್ನಲ್ಲಿರುವ ದ್ವೀಪ ರೆಸಾರ್ಟ್ಗಳಂತಹ ಸ್ಥಳಕ್ಕೆ ಹೋಗಬೇಕಾಗುತ್ತದೆ. ಈ ಎಲ್ಲಾ ಸ್ಥಳಗಳಲ್ಲಿ ಅಂತಹ ಯಾವುದೇ ನಿಯಮ ಅನ್ವಯಿಸುವುದಿಲ್ಲ. ( ಹಕ್ಕು ನಿರಾಕರಣೆ : ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಪರಿಶೀಲಿಸಿಲ್ಲ. ಯಾವುದೇ ಪುರಾವೆಗಳಿಲ್ಲ.)