Plane Crash: ನಿಯಂತ್ರಣ ಕಳೆದುಕೊಂಡು ಮನೆಯ ಮೇಲೆ ಉರುಳಿಬಿದ್ದ ಲಘು ವಿಮಾನ! ವಿಡಿಯೋ ವೈರಲ್‌!

ಇಲ್ಲಿನ ಧನ್ಬಾದ್‌ ಪ್ರದೇಶದ ಬಿರ್ಸಾ ಮುಂಡಾ ಪಾರ್ಕ್‌ ಬಳಿ ಈ ದುರ್ಘಟನೆ ಸಂಭವಿಸಿದ್ದು, ಲಘು ವಿಮಾನ ನಿಯಂತ್ರಣ ತಪ್ಪಿ ಮನೆಯ ಮೇಲೆ ಬಿದ್ದ ಪರಿಣಾಮ ಮನೆಯಲ್ಲಿ ಇದ್ದ ಬಾಲಕ ಸೇರಿ ಇಬ್ಬರು ಗಾಯಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

ನಿಲೇಶ್ ಕುಮಾರ್ ಎಂಬವರ ಮನೆ ಮೇಲೆ ಈ ಖಾಸಗಿ ಲಘು ವಿಮಾನ ನಿಯಂತ್ರಣ ತಪ್ಪಿ ಬಿದ್ದಿದ್ದು, ಈ ಸಂದರ್ಭದಲ್ಲಿ ಅವರ ಇಬ್ಬರು ಮಕ್ಕಳು ಆಟವಾಡುತ್ತಿದ್ದರು. ಆದರೆ ಪವಾಡ ಸದೃಶವೆಂಬಂತೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಬಾರ್ವಡ್ಡಾ ಏರ್‌ ಸ್ಟ್ರಿಪ್‌ನಿಂದ ಸಂಜೆ 4.50 ರ ಸುಮಾರಿಗೆ ವಿಮಾನ ಟೇಕಾಫ್ ಆದ ನಂತರ ಜಾಯ್‌ರೈಡ್ ಗ್ಲೈಡರ್ ವಿಮಾನ ಟೇಕಾಫ್ ಆದ ಕೂಡಲೇ ಕಟ್ಟಡದ ಮೇಲೆ ಬಿದ್ದಿದೆ.

ಇನ್ನು ನಿಲೇಶ್ ಕುಮಾರ್ ಎಂಬವರ ಮಕ್ಕಳು ಮಾತ್ರವಲ್ಲದೇ, ಹೆಲಿಕಾಪ್ಟರ್‌ನಲ್ಲಿದ್ದ ಪೈಲಟ್ ಮತ್ತು ಬಾಲಕ ಸೇರಿ ಇಬ್ಬರು ಗಾಯಗೊಂಡಿದ್ದಾರೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.

14 ವರ್ಷದ ಬಾಲಕ ಕುಶ್ ಸಿಂಗ್ ಎಂಬಾತ ಪಾಟ್ನಾದಿಂದ ಧನ್ಬಾದ್‌ನಲ್ಲಿ ಇರುವ ತನ್ನ ಚಿಕ್ಕಪ್ಪ ಪವನ್ ಸಿಂಗ್ ಮನೆಗೆ ಬಂದಿದ್ದ. ಈ ಸಂದರ್ಭದಲ್ಲಿ ಖಾಸಗಿ ಏಜೆನ್ಸಿಯನ್ನು ಸಂಪರ್ಕಿಸಿ, ಲಘು ವಿಮಾನದಲ್ಲಿ ಜಾಲಿ ರೈಡ್ ತೆರಳಿದ್ದ ವೇಳೆ ಈ ದುರ್ಘಟನೆ ಸಂಭವಿಸಿದೆ.

ಸದ್ಯ ಗಾಯಗೊಂಡಿರುವ ಪೈಲಟ್ ಮತ್ತು ಕುಶ್ ಸಿಂಗ್‌ನನ್ನು ಜಾರ್ಖಂಡ್ ನ ಅಸರ್ಫಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಇಬ್ಬರ ಸ್ಥಿತಿಯೂ ಚಿಂತಾಜನಕವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.

ಸದ್ಯ ಪೊಲೀಸರು ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆಯನ್ನು ಆರಂಭಿಸಿದ್ದಾರೆ. ಈ ಖಾಸಗಿ ಲಘು ವಿಮಾನ ನಿಯಂತ್ರಣ ತಪ್ಪಿ ಬೀಳಲು ಕಾರಣ ಏನು ಎಂಬುದರ ಬಗ್ಗೆ ಕೂಲಂಕುಶವಾಗಿ ತನಿಖೆ ನಡೆಸುತ್ತಿದ್ದಾರೆ.