Giridih Jain Temple: 500 ಕೋಟಿ ಹಣ, 10 ವರ್ಷದಿಂದ ಕೆಲಸ! ಇನ್ನೂ ಮುಗಿದಿಲ್ಲ ಈ ದೇಗುಲದ ನಿರ್ಮಾಣ!

ಜಾರ್ಖಂಡ್​ನ ಗಿರಿದಿಹ್ ಜಿಲ್ಲೆಯಲ್ಲಿರುವ ಮಧುಬನ್ ಜೈನರಿಗೆ ವಿಶ್ವದ ಅತ್ಯಂತ ಪವಿತ್ರ ಸ್ಥಳವಾಗಿದೆ. ಇದು 29 ತೀರ್ಥಂಕರರ ಪುಣ್ಯಭೂಮಿಯಾಗಿದ್ದು, ಈ ಕಾರಣಕ್ಕಾಗಿ ಇಲ್ಲಿ 29 ದೇವಾಲಯಗಳನ್ನು ನಿರ್ಮಿಸಲಾಗುತ್ತಿದೆ.

ಅರೇ! ಈ ದೇವಾಲಯ ಏಕೆ ಅದ್ಭುತ? ಈಗ ಏಕೆ ಸುದ್ದಿಯಾಗುತ್ತಿದೆ ಅಂದುಕೊಂಡಿರಾ? ಮುಂದೆ ಓದಿ

ಈ ದೇವಾಲಯವನ್ನು ಕಳೆದ 10 ವರ್ಷಗಳಿಂದ ನಿರ್ಮಿಸಲಾಗುತ್ತಿದೆ.

ರಾಜಸ್ಥಾನದ ಮಕ್ರಾನಾ ಮಾರ್ಬಲ್ ಅನ್ನು ಮಾತ್ರ ಬಳಸಿ ದೇಗುಲ ನಿರ್ಮಿಸಲಾಗುತ್ತಿದೆ. ಇದು ತಾಜ್ ಮಹಲ್ ನಿರ್ಮಿಸಲು ಬಳಸಲಾದ ಮಾರ್ಬಲ್​ನಂತೆಯೇ ಇರಲಿದೆ.

ಈ ಸುಂದರವಾದ ಮತ್ತು ಅಂದವಾದ ಕೆಲಸವನ್ನು ಕೈಗೊಳ್ಳಲು ಒಡಿಶಾ ಮತ್ತು ದೇಶದ ಇತರ ರಾಜ್ಯಗಳಿಂದ ಉತ್ತಮ ಕಲಾವಿದರನ್ನು ಕರೆಸಲಾಗಿದೆ.

ಹಿಂದಿನ ಕಾಲದಲ್ಲಿ ವಾಸ್ತುಕಲೆ ಬಳಸಿ ದೇವಾಲಯಗಳನ್ನು ನಿರ್ಮಿಸಿದ ರೀತಿಯಲ್ಲಿಯೇ ಇಲ್ಲಿ ವಾಸ್ತುಶಾಸ್ತ್ರವನ್ನು ಬಳಸಲಾಗುತ್ತಿದೆ. ದೇವಾಲಯದ ಒಳ ಮತ್ತು ಹೊರಭಾಗ ನೋಡಲು ತುಂಬಾ ಸುಂದರವಾಗಿ ಕಾಣುವಂತೆ ರೂಪಿಸಲಾಗುತ್ತಿದೆ.

ಇಲ್ಲಿ 29 ತೀರ್ಥಂಕರರ ಪುಣ್ಯಭೂಮಿ ಇದ್ದು ಅದಕ್ಕಾಗಿಯೇ ಇಲ್ಲಿ 1.25 ಲಕ್ಷ ಚದರ ಅಡಿ ವಿಸ್ತೀರ್ಣದಲ್ಲಿ 29 ದೇವಾಲಯಗಳನ್ನು ನಿರ್ಮಿಸಲಾಗುತ್ತಿದೆ.

ಈ ದೇವಾಲಯವು ಜಾರ್ಖಂಡ್​ ರಾಜ್ಯದ ಹೆಮ್ಮೆ ಮತ್ತು ಪರಂಪರೆಯಾಗಿದೆ. ಸುಮಾರು 500 ಕೋಟಿ ವೆಚ್ಚದಲ್ಲಿ ಈ ದೇವಾಲಯ ನಿರ್ಮಾಣವಾಗುತ್ತಿದೆ. ಈ ದೇವಾಲಯದಲ್ಲಿ ಪುರಾತನ ವಾಸ್ತುಕಲೆಯನ್ನು ಬಳಸಲಾಗುತ್ತಿದೆ ಎಂದು ದೇಗುಲ ನಿರ್ಮಾಣದ ಉಸ್ತುವಾರಿ ಸುರೇಂದ್ರ ಕುಮಾರ್ ತಿಳಿಸಿದ್ದಾರೆ. ಈ ದೇವಾಲಯವನ್ನು ಕಳೆದ 10 ವರ್ಷಗಳಿಂದ ನಿರ್ಮಿಸಲಾಗುತ್ತಿದೆ. ಆದರೆ ಇನ್ನೂ ಕೆಲಸ ಪೂರ್ಣಗೊಂಡಿಲ್ಲ. ಇನ್ನೂ ಹಲವು ವರ್ಷಗಳ ಕೆಲಸದ ನಂತರ ಈ ದೇಗುಲ ನಿರ್ಮಾಣ ಪೂರ್ಣಗೊಳ್ಳಬಹುದು ಎಂದು ಹೇಳಲಾಗಿದೆ.