Model: ಕರೆಂಟ್, ನೀರು ಇಲ್ಲದ ಸ್ಲಂನ ಬಾಲಕಿಗೆ ಒಲಿದ ಅದೃಷ್ಟ, 14 ವರ್ಷದ ಹುಡುಗಿ ಈಗ ಬ್ಯೂಟಿ ಬ್ರಾಂಡ್ ಮಾಡಲ್!

ಬ್ಯೂಟಿ ಬ್ರ್ಯಾಂಡ್​ಗಳಿಗೆ ಕ್ರೀಡಾಪಟುಗಳು, ಸಿನಿಮಾ ತಾರೆಯರನ್ನ ಮಾಡೆಲ್​ಗಳಾಗಿ ಬಳಸಿಕೊಳ್ಳುವುದನ್ನು ನೋಡಿರುತ್ತೇವೆ. ಆದರೆ ಪ್ರತಿಷ್ಠಿತ ಬ್ಯೂಟಿ ಬ್ರಾಂಡ್​ ಸಂಸ್ಥೆ ಸ್ಲಮ್​ನ 14 ವರ್ಷದ ಬಾಲಕಿಯೊಬ್ಬಳನ್ನು ಮಾಡೆಲ್ ಆಗಿ ಅವಕಾಶ ನೀಡಿ ಅಚ್ಚರಿ ಮೂಡಿಸಿದೆ.

ಫಾರೆಸ್ಟ್​ ಎಸೆನ್ಸಿಯಲ್​ ಕಂಪನಿ  'ದ ಯುವತಿ ಕಲೆಕ್ಷನ್' ಎಂಬ ಲಗ್ಸುರಿ ಬ್ರಾಂಡ್‌ಗೆ ದಾರಾವಿ ಸ್ಲಂನಲ್ಲಿ ಬೆಳೆದ 14 ವರ್ಷದ ಬಾಲಕಿಯನ್ನು ತನ್ನ ಬ್ರ್ಯಾಂಡ್​ ಅಂಬಾಸಿಡರ್ ಆಗಿ ಮಾಡಿಕೊಂಡಿದೆ. ಈ ಜಾಹೀರಾತಿನಲ್ಲಿ ಬಾಲಕಿ ಮಿಂಚಿದ್ದಾಳೆ.

ಹಾಲಿವುಡ್ ನಟ ರಾಬರ್ಟ್ ಹಾಫ್‌ಮನ್ ಅವರು 2020 ರಲ್ಲಿ ಮುಂಬೈನಲ್ಲಿ ಮಲೀಶಾಳನ್ನು ಗುರುತಿಸಿದ್ದರು. ಅವರು ಮುಂಬೈನ ದಾರಾವಿಯಲ್ಲಿ ವಿಡಿಯೋ ಚಿತ್ರೀಕರಣ ಮಾಡುವಾಗ ಬಾಲಕಿ ಸಿಕ್ಕಿದ್ದಳು. ಆಗ ರಾಬರ್ಟ್​ ಹುಡುಗಿ ಹೆಸರಿನಲ್ಲಿ ಇನ್​ಸ್ಟಾಗ್ರಾಮ್​ ಖಾತೆ ತೆರೆದ್ದಿದ್ದರು. ಜೊತೆಗೆ ಗೋ ಫಂಡ್ ಮಿ ಪೇಜ್​ ತೆರೆದು ಆಕೆ ಭವಿಷ್ಯಕ್ಕಾಗಿ ದೇಣಿಗೆ​ ಸಂಗ್ರಹ ಮಾಡಿದ್ದರು.

ಇದೀಗ 14 ವರ್ಷ ಮಲೀಶ್ ಖಾರ್ವಾ ಹೆಸರಿನ Instagram ಖಾತೆಯಲ್ಲಿ 2,25,000 ಕ್ಕೂ ಹೆಚ್ಚು ಅನುಯಾಯಿಗಳಿದ್ದಾರೆ. ಬಾಲಕಿ ಆಗಾಗ ತಾವು ಹಾಕುವ ಪೋಸ್ಟ್‌ಗಳಿಗೆ #princessfromtheslum ಎಂಬ ಹ್ಯಾಶ್‌ಟ್ಯಾಗ್‌ನ್ನು ಹಾಕುತ್ತಾರೆ. ಜೊತೆಗೆ ಜನಪ್ರಿಯರಾಗುತ್ತಿದ್ದಂತೆ ಇದೀಗ ಮಾಡೆಲಿಂಗ್ ಕ್ಷೇತ್ರಕ್ಕೂ ಕಾಲಿಟ್ಟಿದ್ದಾರೆ.

ಈಗ, ಆಕೆಯನ್ನು ಫಾರೆಸ್ಟ್ ಎಸೆನ್ಷಿಯಲ್ಸ್‌ನ ಹೊಸ ಅಭಿಯಾನದ 'ದ ಯುವತಿ ಸೆಲೆಕ್ಸನ್​' ತನ್ನ ಬ್ರ್ಯಾಂಡ್​ನ ಅಂಬಾಸಿಟರ್ ಆಗಿ ಮಾಡಿಕೊಂಡಿದೆ. ಏಪ್ರಿಲ್‌ನಲ್ಲಿ, ಬ್ರ್ಯಾಂಡ್ ತನ್ನ Instagram ನಲ್ಲಿ ವೀಡಿಯೊವನ್ನು ಹಂಚಿಕೊಂಡಿತ್ತು. " ಅವಳ ಮುಖವು ಶುದ್ಧ ಸಂತೋಷದಿಂದ ಬೆಳಗುತ್ತಿದೆ, ಅವಳು ಕನಸುಗಳು ಕಣ್ಣೆದುರೆ ನನಸಾಗಿದ ಖಷಿ ಆಕೆಯ ಕಣ್ಣುಗಳಲ್ಲಿ ಕಾಣುತ್ತಿದೆ. ಕನಸುಗಳನ್ನು ನನಸಾಗಿಸಿಕೊಳ್ಳಲು ಮಲೀಶಾ ಅವರ ಕಥೆ ಒಂದು ಸುಂದರವಾದ ಸ್ಪೂರ್ತಿಯಾಗಲಿದೆ " ಎಂದು ಫಾರೆಸ್ಟ್ ಎಸೆನ್ಷಿಯಲ್ಸ್ ತನ್ನ ಶೀರ್ಷಿಕೆಯಲ್ಲಿ ಬರೆದಿದುಕೊಂಡಿತ್ತು.

ಈ ವೀಡಿಯೊ ಕೆಲವೇ ಗಂಟೆಗಳಲ್ಲಿ ಇಂಟರ್ನೆಟ್​ನಲ್ಲಿ ಬಿರುಗಾಳಿಯಂತೆ ಹಬ್ಬಿಕೊಂಡು, ಸುಮಾರು 5 ಮಿಲಿಯನ್ ವೀಕ್ಷಣೆಗಳನ್ನು ಮತ್ತು 406,000 ಕ್ಕೂ ಹೆಚ್ಚು ಲೈಕ್ಸ್​ಗಳನ್ನು ಪಡೆದಿತ್ತು. ಇಂಟರ್ನೆಟ್ ಬಳಕೆದಾರರು ಮಲೀಶಾ ಅವರನ್ನು ಶ್ಲಾಘಿಸಿ, ಆಕೆಯ ಸಾಧನೆಗಾಗಿ ಅಭಿನಂದಿಸಿದ್ದರು.

ಇದು ಮಲಿಶಾ ಖಾರ್ವಾ ಬಾಂದ್ರಾದಲ್ಲಿ ವಿದ್ಯುತ್ ಇಲ್ಲದ ಕೊಳೆಗೇರಿಯಲ್ಲಿ ವಾಸಿಸುತ್ತಾರೆ. ಆಕೆಯ ಮನೆಗೆ ಗೋಡೆ ಇಲ್ಲ. ಟಾರ್ಪಾಲಿನ್ ಕವರ್ ಅಡಿಯಲ್ಲಿ ವಾಸಿಸುತ್ತಾರೆ. ಇನ್ನು ಈ ಮನೆಗೆ ಸ್ನಾನಗೃಹವಿಲ್ಲ. ಇದೀಗ ಆಕೆ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟಿರುವುದು ಆಕೆಯ ಜೀವನವನ್ನು ಬದಲಾಯಿಸುತ್ತಿದೆ.

ಈ ಬಗ್ಗೆ ಮಾತನಾಡಿರುವ ಮಲೀಶಾ, ಫಾರೆಸ್ಟ್ ಎಸೆನ್ಷಿಯಲ್ಸ್‌ನೊಂದಿಗಿನ ತನ್ನ ಅಭಿಯಾನವು ಈ ದಿನದವರೆಗೆ ನಾನು ಪಡೆದ ದೊಡ್ಡ ಕೆಲಸವಾಗಿದೆ. " ನಾನು ಮಾಡೆಲ್ ಆಗಲು ಬಯಸುತ್ತೇನೆ, ಆದರೆ ಅದಕ್ಕಿಂತಲೂ ಶಿಕ್ಷಣಕ್ಕೆ ಮೊದಲ ಆಧ್ಯತೆ ನೀಡುತ್ತೇನೆ" ಎಂದು ಹೇಳಿದ್ದಾರೆ.