Triple Talaq: ತೃತೀಯ ಲಿಂಗಿಗೆ ಮನಸೋತ 6 ಮಕ್ಕಳ ತಂದೆ! 30 ವರ್ಷ ಸಂಸಾರ ನಡೆಸಿದ್ದ ಪತ್ನಿಯನ್ನು ಮನೆಯಿಂದ ಹೊರ ಹಾಕಿದ ಪತಿ!

ಪೂರ್ವ ದೆಹಲಿಯ ಭಜನ್‌ಪುರ ತ್ರಿವಳಿ ತಲಾಖ್​ನ ಆಘಾತಕಾರಿ ಪ್ರಕರಣ ಬೆಳಕಿಗೆ ಬಂದಿದೆ. ಇಲ್ಲಿನ ವ್ಯಕ್ತಿಯೊಬ್ಬ ಮದುವೆಯಾಗಿ 30 ರಿಂದ 32 ವರ್ಷಗಳ ಸಂಸಾರ ನಡೆಸಿ, ಇದೀಗ ಪತ್ನಿಯನ್ನು ಮನೆಯಿಂದ ಹೊರ ಹಾಕಿ ತಲಾಖ್ ಘೋಷಿಸಿದ್ದಾನೆ. (ಸಾಂದರ್ಭಿಕ ಚಿತ್ರ)

30 ವರ್ಷಗಳ ಕಾಲ ಸಂಸಾರ ನಡೆಸಿದ್ದ ಈ ದಂಪತಿಗೆ ಒಟ್ಟು 6 ಮಕ್ಕಳಿದ್ದಾರೆ. ಇದೀಗ ತೃತೀಯ ಲಿಂಗಿಯೊಂದಿಗೆ ಪ್ರೀತಿಯಾಗಿ ಪತ್ನಿಯನ್ನು ಮನೆಯಿಂದ ಹೊರ ಹಾಕಿದ್ದಾನೆ. ಈ ಸಂಬಂಧ ದೆಹಲಿ ಪೊಲೀಸರು ಮುಸ್ಲಿಂ ಮಹಿಳಾ ಸಂರಕ್ಷಣಾ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ದೆಹಲಿ ಪೊಲೀಸರ ಪ್ರಕಾರ,  ಈ ಹಿಂದೆ ಜೂನ್ 30, 2022 ರಂದು, ಭಜನ್‌ಪುರ ಪೊಲೀಸ್ ಠಾಣೆಯಲ್ಲಿ ಕೌಟುಂಬಿಕ ಹಿಂಸಾಚಾರದ ದೂರು ನೀಡಲಾಗಿತ್ತು. ಭಜನ್‌ಪುರ ನಿವಾಸಿಯಾಗಿರುವ ಸಂತ್ರಸ್ತೆ ಪತಿ ವಿರುದ್ಧ ದೂರು ನೀಡಿದ್ದಳು. (ಸಾಂದರ್ಭಿಕ ಚಿತ್ರ)

30 ವರ್ಷ ಸಂಸಾರ ನಡೆಸಿದ್ದ ದಂಪತಿಗೆ ನಾಲ್ಕು ಗಂಡು ಮತ್ತು 2 ಹೆಣ್ಣು ಮಕ್ಕಳಿದ್ದಾರೆ. ಆದರೆ ಆರೋಪಿ ಸಂತ್ರಸ್ತೆಗೆ ತ್ರಿವಳಿ ತಲಾಖ್ ನೀಡಿ, ತೃತೀಯ ಲಿಂಗಿಯನ್ನು ಮದುವೆಯಾಗಿದ್ದಾನೆ ಎಂದು ಸಂತ್ರಸ್ತೆ ಆರೋಪಿಸಿದ್ದಾಳೆ. ಆದರೆ ಪ್ರಸ್ತುತ ಮಾಹಿತಿಯ ಪ್ರಕಾರ ಆತ ತೃತೀಯ ಲಿಂಗಿ ಕೈಹಿಡಿದ ಕೆಲವು ದಿನಗಳ ನಂತರ ಸಮೂದಾಯದ ಒತ್ತಡಕ್ಕೆ ಮಣಿದು ತೃತೀಯ ಲಿಂಗಿಯಿಂದ ದೂರಾಗಿದ್ದಾನೆ ಎಂದು ತಿಳಿದುಬಂದಿದೆ. (ಸಾಂದರ್ಭಿಕ ಚಿತ್ರ)

ಇದೀಗ ಮತ್ತೆ ಬೇರೊಬ್ಬ ಮಹಿಳೆಯನ್ನು ವಿವಾಹವಾಗಿರುವ ಪತಿ ಕರ್ದಂಪುರಿಯಲ್ಲಿ ನೆಲೆಸಿದ್ದಾನೆ. ಆದರೂ ಮಕ್ಕಳನ್ನು ಕರೆದುಕೊಂಡು ತನ್ನ ಮನೆ ಬಿಟ್ಟು ಹೋಗುವಂತೆ ನನ್ನ ಮೇಲೆ ಒತ್ತಡ ಹೇರುತ್ತಿದ್ದಾನೆ ಎಂದು ದೂರಿನಲ್ಲಿ ಮಹಿಳೆ ತಿಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಒಂದು ವೇಳೆ ಮನೆ ಖಾಲಿ ಮಾಡದಿದ್ದರೆ ಗಂಭೀರ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಬೆದರಿಕೆ ಹಾಕುತ್ತಿದ್ದಾನೆ. ನನಗೆ ತಲಾಖ್ ಹೇಳಿ, ನಿಂದಿಸಿ ಮನೆಯಿಂದ ಹೊರ ಹಾಕಿದ್ದಾನೆ ಎಂದು ಸಂತ್ರಸ್ತೆ ಆರೋಪಿಸಿದ್ದಾಳೆ. (ಸಾಂದರ್ಭಿಕ ಚಿತ್ರ)

ಸಂತ್ರಸ್ತೆ ನೀಡಿರುವ ದೂರಿನ ಮೇರೆಗೆ ಭಜನ್​ಪುರ ಪೊಲೀಸ್ ಠಾಣೆಯಲ್ಲಿ ಮುಸ್ಲಿಂ ಮಹಿಳೆಯರ ವಿವಾಹ ಹಕ್ಕುಗಳ ಸಂರಕ್ಷಣಾ ಕಾಯ್ದೆಯ ಕಲಂ 4 ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಈ ಬಗ್ಗೆ ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)