Bald Head: ಬೋಳು ತಲೆಯವರಿಗೆ ಅವಕಾಶವಿಲ್ಲ ಎಂದು ಕೆಲಸದಿಂದ ವಜಾ, ಸಂಸ್ಥೆಯಿಂದ 71 ಲಕ್ಷ ಪರಿಹಾರ ಪಡೆದ ಉದ್ಯೋಗಿ!

61 ವರ್ಷದ ವ್ಯಕ್ತಿಯನ್ನು ಬೋಳು ತಲೆಯ ಕಾರಣ ನೀಡಿ ಕೆಲಸದಿಂದ ತೆಗೆದು ಹಾಕಿದ ವಿಚಿತ್ರ ಘಟನೆ ಇಂಗ್ಲೆಂಡ್​ನಲ್ಲಿ ವರದಿಯಾಗಿದೆ. ಕೆಲಸದ ಸ್ಥಳದಲ್ಲಿ ತಾರತಮ್ಯ ಮಾಡಿತನ್ನನ್ನು ತೆಗೆದು ಹಾಕಿರುವುದಕ್ಕೆ ನ್ಯಾಯಾಲಯ ಮೊರೆ ಹೋಗಿದ್ದ ಸಂತ್ರಸ್ತ ಬರೋಬ್ಬರಿ 71 ಲಕ್ಷ ರೂಪಾಯಿ (71,000 ಯುರೋ) ಪರಿಹಾರ ಪಡೆದುಕೊಂಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಮಾರ್ಕ್​ ಜೋನ್ಸ್​ ಎಂಬುವವರನ್ನು ಅವರ ಮ್ಯಾನೇಜರ್​, ಸ್ವತಃ ಬೋಳುತಲೆಯ ಮಧ್ಯ ವಯಸ್ಕ ಫಿಲಿಫ್​ ಹೆಸ್ಕತ್​ ಎಂಬಾತ ಒತ್ತಾಯ ಪೂರ್ವಕವಾಗಿ ಕೆಲಸದಿಂದ ಬಿಡಿಸಿದ್ದಾರೆ. ಆತ ತನ್ನ ತಂಡದಲ್ಲಿ ಬೋಳು ತಲೆಯ ವ್ಯಕ್ತಿ ಇರಕೂಡದು ಎಂದು ಕೆಲಸದಿಂದ ಒತ್ತಾಯಪೂರ್ವಕವಾಗಿ ರಾಜೀನಾಮೆ ಪಡೆದಿದ್ದ ಎನ್ನಲಾಗದೆ. (ಸಾಂದರ್ಭಿಕ ಚಿತ್ರ)

ಜೋನ್ಸ್ , ಲೀಡ್ಸ್​ ಮೂಲದ ಟ್ಯಾಂಗೋ ನೆಟ್​ವರ್ಕ್​ ಕಂಪನಿಯಲ್ಲಿ ವರ್ಷಕ್ಕೆ 60,000 ಯೂರೋ ವೇತನ ಪ್ಯಾಕೇಜ್ ಹೊಂದಿದ್ದ ಸೇಲ್ಸ್ ಡೈರೆಕ್ಟರ್​ ಅಗಿ ಕೆಲಸ ಮಾಡುತ್ತಿದ್ದರು. ಆದರೆ ಆತನ ಬಾಸ್​ ತನ್ನಂತೆ ಬೋಳುತಲೆಯ ಮತ್ತೊಬ್ಬ ವ್ಯಕ್ತಿ ತಂಡದಲ್ಲಿ ಇರುವುದ ಇಷ್ಟವಿಲ್ಲ ಎಂದು ಜೋನ್ಸ್​ರನ್ನು ಕೆಲಸದಿಂದ ಬಿಡಿಸಿದ್ದರೆಂದು ಕೋರ್ಟ್​ ಮುಂದೆ ಆರೋಪಿಸಿದ್ದರು. (ಸಾಂದರ್ಭಿಕ ಚಿತ್ರ)

ಜೋನ್ಸ್ ಕೆಲಸ ಮಾಡುತ್ತಿದ್ದ ಸಂಸ್ಥೆಯಲ್ಲಿ ಇನ್ನೂ ಪೂರ್ಣ ಪ್ರಮಾಣದ ಉದ್ಯೋಗದ ಹಕ್ಕನ್ನು ಹೊಂದಿರಲಿಲ್ಲ. ಹಾಗಾಗಿ ಈ ರೀತಿಯ ಅನ್ಯಾಯದ ಮಾರ್ಗದಲ್ಲಿ ಕೆಲಸದಿಂದ ವಜಾಗೊಳಿಸಲಾಗಿದೆ. ಇನ್ನು ಎರಡು ವರ್ಷ ಅದೇಶ ಸಂಸ್ಥೆಯಲ್ಲಿ ಕೆಲಸ ಮಾಡಿದ್ದರೆ ಅವರು ಇಂತಹ ಅನ್ಯಾಯದ ವಜಾಗೊಳಿಸುವಿಕೆಯ ವಿರುದ್ಧ ಹೋರಾಡುವ ಹಕ್ಕನ್ನು ಪಡೆಯುತ್ತಿದ್ದರು. ಆ ಹಕ್ಕಗಳನ್ನು ಅವರ ಪಡೆಯದಿರುವ ಕಾರಣ ಸುಲಭವಾಗಿ ಕೆಲಸದಿಂದ ಬಿಡಿಸಲಾಗಿತ್ತು. (ಸಾಂದರ್ಭಿಕ ಚಿತ್ರ)

ಸಂಸ್ಥೆಯಲ್ಲಿ ಹೆಚ್ಚು ಯುವ ಮತ್ತು ಚೈತನ್ಯಯುತ ಯುವಕರನ್ನು ನಿಮ್ಮ ಬದಲಿಗೆ ತರುವ ಮೂಲಕ ಸಂಸ್ಥೆಯಲ್ಲಿ ಬದಲಾವಣೆ ತರಬೇಕು ಎಂಬುದು ಅವರ ಉದ್ದೇಶವಾಗಿದ್ದರೆ ನನಗೆ ಕೆಲಸ ಬಿಡಲು ಬೇಸರವಿರಲಿಲ್ಲ, ಆದರೆ ಅವರು ನೀಡಿದ ಬೋಳುತಲೆ ಕಾರಣ ನನ್ನಲ್ಲಿ ನೋವು ತಂದಿದೆ ಎಂದು ಜೋನ್ಸ್​ ಕೋರ್ಟ್ ಮೆಟ್ಟಿಲೇರಿದ್ದರು. (ಸಾಂದರ್ಭಿಕ ಚಿತ್ರ)

ಜೋನ್ಸ್ ಅವರು ತಮ್ಮ ರಾಜೀನಾಮೆ ಪತ್ರದಲ್ಲಿ " ನನ್ನನ್ನು ಕೆಲಸದಿಂದ ಬಿಡಿಸಲು ನೀಡಿರುವ ಕಾರಣದ ವರದಿಯಲ್ಲಿ, ಅಸ್ಪಷ್ಟ ಕೌಶಲ್ಯತೆ ಮತ್ತು ಸುಳ್ಳಿನ ವರದಿ ಬಗ್ಗೆ ನನಗೆ ತುಂಬಾ ಬೇಸರವಾಗಿದೆ . ಇದು ನನ್ನನ್ನು ಕೆಟ್ಟದಾಗಿ ಕಾಣುವಂತೆ ಮಾಡಿದೆ" ಎಂದು ತಮ್ಮ ನೋವನ್ನು ವ್ಯಕ್ತಪಡಿಸಿದ್ದರು. (ಸಾಂದರ್ಭಿಕ ಚಿತ್ರ)

ವಿಚಾರಣೆ ನಡೆಸಿದ ಕೋರ್ಟ್, ಬೋಳು ತಲೆ ಆಗಿರುವುದು ಅಥವಾ ಆಗದಿರುವುದು ಕೆಲಸದಿಂದ ವಜಾಗೊಳಿಸಲು ನೀಡುವ ಅಧಾರವಲ್ಲ. ಮಿಸ್ಟರ್ ಜೋನ್ಸ್ ಅನ್ನು ಸಂಸ್ಥೆಯಿಂದ ವಜಾಗೊಳಿಸಲು ನಿರ್ಧರಿಸಲು ಮತ್ತು ಅವರ ಸಾಮರ್ಥ್ಯ ಪ್ರಕ್ರಿಯೆಯನ್ನು ಕಾರ್ಯಗತಗೊಳಿಸಲು ಟ್ಯಾಂಗೋ ಕಂಪನಿ ಯಾವುದೇ ನಿರ್ಧಿಷ್ಟ ಆಧಾರವನ್ನು ನೀಡಿಲ್ಲ ಎಂದು ತೀರ್ಪು ನೀಡಿರುವ ಕೋರ್ಟ್​, ಅನ್ಯಾಯ ಮಾರ್ಗದಲ್ಲಿ ಜೋನ್ಸ್​ರನ್ನು ಕೆಲಸದಿಂದ ತೆಗೆದಿರುವುದಕ್ಕೆ 71 ಸಾವಿರ ಯೂರೋ( ಸುಮಾರು 71 ಲಕ್ಷ ರೂ) ಪರಿಹಾರ ನೀಡಬೇಕೆಂದು ಆದೇಶ ನೀಡಿದೆ. (ಸಾಂದರ್ಭಿಕ ಚಿತ್ರ)