Rivaba Jadeja: ಜಡೇಜಾ ಪತ್ನಿಗೆ ಭರ್ಜರಿ ಗೆಲುವು, ಕರ್ಣಿ ಸೇನೆಯಿಂದ ರಾಜಕೀಯಕ್ಕೆ ಬಂದ ರಿವಾಬಾ ಜರ್ನಿಯೇ ಒಂದು ಅಚ್ಚರಿ!

ರಿವಾಬಾ ಜಡೇಜಾಗೆ ಭರ್ಜರಿ ಜಯ: ಬಹು ನಿರೀಕ್ಷೆ ಹುಟ್ಟಿಸಿದ್ದ ಖ್ಯಾತ ಕ್ರಿಕೆಟಿಗ ರವೀಂದ್ರ ಜಡೇಜಾ ಅವರ (Ravindra Jadeja Wife) ಪತ್ನಿ ರಿವಾಬಾ ಜಡೇಜಾ (Rivaba Jadeja) ಗುಜರಾತ್ ಚುನಾವಣೆಯಲ್ಲಿ ಭರ್ಜರಿ ಜಯ ದಾಖಲಿಸಿದ್ದಾರೆ. ಬಿಜೆಪಿ ತನ್ನ ಹಾಲಿ ಶಾಸಕ ಧರ್ಮೇಂದ್ರ ಸಿಂಗ್ ಜಡೇಜಾ ಅವರನ್ನು ಕೈಬಿಟ್ಟು ರಿವಾಬಾಗೆ ಮಣೆ ಹಾಕಿತ್ತು.

ರಿವಾಬಾ ಜಡೇಜಾ ಅವರು ಗುಜರಾತ್‌ನಲ್ಲಿ 5 ಸೆಪ್ಟೆಂಬರ್ 1990 ರಂದು ಜನಿಸಿದರು. ಅವರ ತಂದೆ ಹರ್ದೇವ್ ಸಿಂಗ್ ಸೋಲಂಕಿ ಉದ್ಯಮಿ ಮತ್ತು ತಾಯಿ ಪ್ರಫುಲ್ಲ ಸೋಲಂಕಿ ಅವರು ಭಾರತೀಯ ರೈಲ್ವೆಯಲ್ಲಿ ಕೆಲಸ ಮಾಡುತ್ತಿದ್ದರು.

ರಿವಾಬಾ ಜಡೇಜಾ ಶಿಕ್ಷಣ: ರಿವಾಬಾ ಜಡೇಜಾ ಅವರನ್ನು ರಿವಾ ಸೋಲಂಕಿ ಎಂದೂ ಕರೆಯಲಾಗುತ್ತದೆ. ಅವರು ರಾಜ್‌ಕೋಟ್‌ನ ಆತ್ಮೀಯ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಅಂಡ್ ಸೈನ್ಸ್‌ನಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್ ಅಧ್ಯಯನ ಮಾಡಿದ್ದಾರೆ. 2019ರಲ್ಲಿ ಭಾರತೀಯ ಜನತಾ ಪಕ್ಷದ ಸದಸ್ಯರಾಗುವ ಮೊದಲು, ಅವರು ರಜಪೂತ ಸಂಘಟನೆಯಾದ ಕರ್ಣಿ ಸೇನೆಯ ಮಹಿಳಾ ವಿಭಾಗದ ಅಧ್ಯಕ್ಷರಾಗಿದ್ದರು. ರಿವಾಬಾ ಜಡೇಜಾ ಅವರ ಚಿಕ್ಕಪ್ಪ ಹರಿ ಸಿಂಗ್ ಸೋಲಂಕಿ ಗುಜರಾತ್‌ನ ಕಾಂಗ್ರೆಸ್ ನಾಯಕರಾಗಿದ್ದರು.

ರಿವಾಬಾ ಜಡೇಜಾ ಪತಿ: ರಿವಾಬಾ ಜಡೇಜಾ 17 ಏಪ್ರಿಲ್ 2017 ರಂದು ಭಾರತೀಯ ಕ್ರಿಕೆಟಿಗ ರವೀಂದ್ರ ಜಡೇಜಾ ಅವರನ್ನು ವಿವಾಹವಾದರು. ರವೀಂದ್ರ ಜಡೇಜಾ ಅವರನ್ನು ಭೇಟಿ ಮಾಡುವ ಮೊದಲು, ಜಡೇಜಾ ಅವರ ಸಹೋದರಿ ನೈನಾ ಅವರು ಉತ್ತಮ ಸ್ನೇಹಿತರಾಗಿದ್ದರು. ರವೀಂದ್ರ ಜಡೇಜಾ ಮತ್ತು ರಿವಾಬಾ ಜಡೇಜಾ ಖಾಸಗಿ ಸಮಾರಂಭದಲ್ಲಿ ಆಪ್ತರು ಮತ್ತು ಕುಟುಂಬ ಸದಸ್ಯರ ನಡುವೆ ವಿವಾಹವಾದರು.

ರಿವಾಬಾ ಜಡೇಜಾ ಮಗಳು: ರಿವಾಬಾ ಜಡೇಜಾ 2017 ರಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದರು. ರವೀಂದ್ರ ಮತ್ತು ರಿವಾಬಾ ಮಗಳಿಗೆ 'ನಿಧ್ಯಾನಾ' (ನಿಧ್ಯಾನಾ ಜಡೇಜಾ) ಎಂದು ಹೆಸರಿಟ್ಟಿದ್ದಾರೆ. 'ನಿಧ್ಯಾನ' ಎಂಬುದು ಹಿಂದೂ ಹೆಸರು ಮತ್ತು ಭಾರತೀಯ ಮೂಲದಲ್ಲಿ ಇದರ ಅರ್ಥ ಅಂತಃಪ್ರಜ್ಞೆ, ಸಹಜ ಜ್ಞಾನ ಮತ್ತು ಅರ್ಥಗರ್ಭಿತ ತಿಳುವಳಿಕೆ. ರವೀಂದ್ರ ಮತ್ತು ರಿವಾಬಾ ತಮ್ಮ ಮಗಳು ನಿಧ್ಯಾನಾಳನ್ನು ಮಾಧ್ಯಮದ ಪ್ರಚಾರದಿಂದ ದೂರವಿಟ್ಟಿದ್ದಾರೆ. ಜೊತೆಗೆ ಅವರ ಹೆಚ್ಚಿನ ಚಿತ್ರಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳುವುದಿಲ್ಲ.

ರಿವಾಬಾ ಜಡೇಗಾ ಗುಜರಾತ್ ಚುನಾವಣೆ: ಬಿಜೆಪಿ ಅಭ್ಯರ್ಥಿ ರಿವಾಬಾ ಜಡೇಜಾ ಗುಜರಾತ್‌ನ ಜಾಮ್‌ನಗರ ಉತ್ತರ ವಿಧಾನಸಭಾ ಕ್ಷೇತ್ರದಿಂದ ತಮ್ಮ ಸಮೀಪದ ಪ್ರತಿಸ್ಪರ್ಧಿ ಕಾಂಗ್ರೆಸ್‌ನ ಬಿಪೇಂದ್ರಸಿನ್ಹ್ ಚತುರ್‌ಸಿನ್ಹ್ ಜಡೇಜಾ ವಿರುದ್ಧ 40,963 ಭಾರಿ ಅಂತರದಿಂದ ಜಯಗಳಿಸಿದ್ದಾರೆ.

ಜಾಮ್‌ನಗರ ಉತ್ತರ ವಿಧಾನಸಭಾ ಕ್ಷೇತ್ರದಲ್ಲಿ ಒಟ್ಟು ಚಲಾವಣೆಯಾದ ಮತಗಳಲ್ಲಿ ಬಿಜೆಪಿ ಶೇ.65.5ರಷ್ಟು ಮತಗಳನ್ನು ಪಡೆದಿದೆ. ಇನ್ನು ವಿಶೆಷವೆಂದರೆ ರಿವಾಬಾ ಜಡೇಜಾ ಅವರ ಪತಿ ರವೀಂದ್ರ ಜಡೇಜಾ ಅವರ ತಂದೆ ಮತ್ತು ಸಹೋದರಿ ಕಾಂಗ್ರೆಸ್ ಪಕ್ಷಕ್ಕೆ ಸೇರಿದವರು.