Post Wedding ಫೋಟೋಶೂಟ್ ವೇಳೆ ನದಿಗೆ ಬಿದ್ದ ಜೋಡಿ.. ನವವಿವಾಹಿತನ ದುರಂತ ಅಂತ್ಯ!

ಪೋಸ್ಟ್ ವೆಡ್ಡಿಂಗ್ ಫೋಟೋಶೂಟ್ ವೇಳೆ ಭಾರಿ ದುರಂತ ನಡೆದಿದೆ. ಫೋಟೋಶೂಟ್ ಸಮಯದಲ್ಲಿ ನದಿಯಲ್ಲಿ ಮುಳುಗಿ ಮದುಮಗ ಮೃತಪಟ್ಟಿದ್ದು, ಮದುಮಗಳು ಆಸ್ಪತ್ರೆಗೆ ದಾಖಲಾಗಿದ್ದಾಳೆ.

ಕೇರಳದ ಕೋಝಿಕ್ಕೋಡ್ ಸಮೀಪದ ಕುಟ್ಟಿಯಾಡಿಯಲ್ಲಿ ಮದುವೆಯ ನಂತರದ ಫೋಟೋ ಶೂಟ್ ವೇಳೆ ನವವಿವಾಹಿತ ನದಿಯಲ್ಲಿ ಮುಳುಗಿ ಸಾವನ್ನಪ್ಪಿದ ಘಟನೆ ನಡೆದಿದೆ. (ಸಾಂದರ್ಭಿಕ ಚಿತ್ರ)

ಕಡಿಯಂಗಡ ಮೂಲದ ರೆಜಿಲ್ ಮತ್ತು ಅವರ ಪತ್ನಿ ಕಾರ್ತಿಕಾ ಫೋಟೋಗೆ ಪೋಸ್ ನೀಡುತ್ತಿದ್ದಾಗ ಕುಟ್ಟಿಯಾಡಿ ನದಿಯಲ್ಲಿ ಬಲವಾದ ಪ್ರವಾಹಕ್ಕೆ ಸಿಲುಕಿದ್ದಾರೆ.

ಮುಳುಗುತ್ತಿದ್ದ ದಂಪತಿಯ ಕೂಗು ಕೇಳಿದ ಸ್ಥಳೀಯರು ನದಿಗೆ ಹಾರಿ ಇಬ್ಬರನ್ನೂ ಹೊರ ತಂದಿದ್ದಾರೆ. ನಂತರ ಅವರನ್ನು ಹತ್ತಿರದ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ರೆಜಿಲ್​​ ಜೀವ ಉಳಿಸಲು ಸಾಧ್ಯವಾಗಲಿಲ್ಲ. (ಸಾಂದರ್ಭಿಕ ಚಿತ್ರ)

ಮಹಿಳೆಯನ್ನು ಮಲಬಾರ್ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿದ್ದು, ಆಕೆಯ ಸ್ಥಿತಿ ಚಿಂತಾಜನಕವಾಗಿದೆ ಎನ್ನಲಾಗಿದೆ. (ಸಾಂದರ್ಭಿಕ ಚಿತ್ರ)

ಮಾರ್ಚ್ 14 ರಂದು ವಿವಾಹವಾದ ದಂಪತಿ ಮದುವೆಯ ನಂತರದ ಫೋಟೋ ಶೂಟ್ಗಾಗಿ ನದಿಗೆ ಬಂದಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಮದುವೆಗೆ ಸಂಬಂಧಿಸಿದ ವೀಡಿಯೊವನ್ನು ಪೂರ್ಣಗೊಳಿಸಲು ದಂಪತಿ ಬಂದಾಗ ಅಪಘಾತ ಸಂಭವಿಸಿದೆ. ಸುರಕ್ಷಿತ ಕ್ರಮಗಳನ್ನು ನಿರ್ಲಕ್ಷಿಸಿ ಫೋಟೋಶೂಟ್ ಗೆ ಮುಂದಾಗಿದ್ದೇ ದುರಂತಕ್ಕೆ ಕಾರಣ ಎನ್ನಲಾಗ್ತಿದೆ. (ಸಾಂದರ್ಭಿಕ ಚಿತ್ರ)