Revenge Crime: ಕೆಲಸದಿಂದ ಕಿತ್ತು ಹಾಕಿದ ಕೋಪಕ್ಕೆ ಡಾಕ್ಟರ್​ ಮಗನನ್ನು ಅಪಹರಿಸಿ ಹತ್ಯೆ

ಉತ್ತರ ಪ್ರದೇಶದ ಬುಲಂದ್​ಶಹರ್​​​ನಲ್ಲಿ ಈ ಘಟನೆ ನಡೆದಿದೆ. ಡಾಕ್ಟರ್​ ಒಬ್ಬರ ಬಳಿಕ ಕಂಪೌಂಡರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ ಇಬ್ಬರು ಮಾಜಿ ನೌಕರರು ಈ ಕೃತ್ಯ ಎಸಗಿದ್ದಾರೆ.

ನಿಜಾಂ ಮತ್ತು ಶಹೀದ್​ ಈ ಕೃತ್ಯ ಎಸಗಿದ್ದು, ಇಬ್ಬರನ್ನು ಬಂಧಿಸಲಾಗಿದೆ. ಕಳೆದೆರಡು ದಿನಗಳ ಹಿಂದೆ ಡಾಕ್ಟರ್​ ತಮ್ಮ 8 ವರ್ಷದ ಮಗ ಕಾಣೆಯಾಗಿದ್ದ ಬಗ್ಗೆ ಪೊಲೀಸರಿಗೆ ದೂರು ಸಲ್ಲಿಸಿದ್ದರು.

ಈ ಪ್ರಕರಣ ಭೇದಿಸಿದ ಪೊಲೀಸರಿಗೆ ಬಾಲಕ ಶವವಾಗಿ ಪತ್ತೆಯಾಗಿದ್ದ. ಈ ಕುರಿತು ತನಿಖೆ ನಡೆಸಿದಾಗ 8 ವರ್ಷದ ಬಾಲಕನ ಹತ್ಯೆಗೆ ಡಾಕ್ಟರ್​ ಬಳಿಕ ಕಾರ್ಯ ನಿರ್ವಹಿಸುತ್ತಿದ್ದ ನೌಕರರೇ ಕಾರಣ ಎಂಬುದು ಬಯಲಾಗಿದೆ.

ಆಸ್ಪತ್ರೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಈ ನಿಜಾಂ ಮತ್ತು ಶಹೀದ್​​ ಕೆಲಸದಲ್ಲಿ ತಪ್ಪೆಸಗಿದ ಕಾರಣ ವೈದ್ಯರು ಅವರನ್ನು ಅಮಾನತು ಮಾಡಿದ್ದರು. ಕಳೆದೆರಡು ವರ್ಷಗಳ ಹಿಂದೆ ಈ ಇಬ್ಬರನ್ನು ವಜಾ ಮಾಡಲಾಗಿತ್ತು.

ಎರಡು ವರ್ಷ ಕಳೆದರೂ ಈ ಸಿಟ್ಟನ್ನು ಅವರು ಮರೆತಿರಲಿಲ್ಲ. ಇದೇ ಕಾರಣಕ್ಕೆ ಅವರು ಡಾಕ್ಟರ್ ಮನಗನ್ನು ಅಪಹರಿಸಿ ಕೊಲೆ ಮಾಡಿದ್ದಾರೆ. ಘಟನೆ ಸಂಬಂಧ ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.