Tirumala: ತಿರುಮಲ ಭಕ್ತರಿಗೆ ಶುಭ ಸುದ್ದಿ; ಸುಲಭವಾಗಿ ಸಿಗುತ್ತೆ ತಿಮ್ಮಪ್ಪನ ದರ್ಶನ

Tirumala: ತಿರುಮಲ ಶ್ರೀ ವೆಂಕಟೇಶ್ವರ ಸ್ವಾಮಿ ದರ್ಶನಕ್ಕೆ ಹೋಗುತ್ತಿರುವ ಭಕ್ತರಿಗೆ ಶುಭ ಸುದ್ದಿ. ತಿರುಮಲ ಕ್ಷೇತ್ರಕ್ಕೆ ಬರುವ ಭಕ್ತರ ಸಂಖ್ಯೆ ಕಡಿಮೆ ಆಗುವುದರೊಂದಿಗೆ ಸುಲಭವಾಗಿ ದೇವರ ದರ್ಶನ ಲಭ್ಯವಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ತಿರುಮಲ ವೆಂಕಟೇಶ್ವರ ಸ್ವಾಮಿ ದರ್ಶನಕ್ಕೆ ನಿತ್ಯ ಸಾವಿರಾರರು ಭಕ್ತರು ಆಗಮಿಸುತ್ತಾರೆ. ಎರಡು ಮೂರು ತಿಂಗಳ ಮುನ್ನವೇ ಭಕ್ತರು ಪ್ಲ್ಯಾನ್​ ಮಾಡುತ್ತಾರೆ. ದೇವರ ದರ್ಶನದೊಂದಿಗೆ ರೈಲು, ರೂಮ್​ಗಳನ್ನು ಮುಂಚಿತವಾಗಿ ಬುಕ್​ ಮಾಡುತ್ತಾರೆ. ಆದರೆ ಯಾವುದೇ ದರ್ಶನ ಟಿಕೆಟ್​​ ಇಲ್ಲದೆ ಬಂದರೆ ಮಾತ್ರ ಗಂಟೆ ಗಟ್ಟಲೇ ಕ್ಯೂನಲ್ಲಿ ಕಾದು ದರ್ಶನ ಪಡೆದುಕೊಳ್ಳಬೇಕಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಸದ್ಯ ಸ್ಕೂಲ್​​​, ಕಾಲೇಜಿಗೆ ರಜೆ ಇರುವ ಕಾರಣ ಸಾಮಾನ್ಯವಾಗಿ ತಿರುಮಲದಲ್ಲಿ ಭಕ್ತರ ಸಂಖ್ಯೆ ಹೆಚ್ಚಾಗುತ್ತದೆ. ಆದರೆ ಕೆಲ ದಿನಗಳಿಂದ ಭಕ್ತರ ಸಂಖ್ಯೆ ಕಡಿಮೆಯಾಗಿದೆ. ತಿರುಮಲದಲ್ಲಿ ಭಕ್ತರ ಸಂಖ್ಯೆ ಕಡಿಮೆಯಾಗಿರುವ ಕಾರಣ ದೇವರ ದರ್ಶನ ಸುಲಭವಾಗಿ ಲಭ್ಯವಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ಕಳೆದ ಕೆಲ ದಿನಗಳಿಂದ ತಿರುಮಲದಲ್ಲಿ ಮಳೆಯೂ ಹೆಚ್ಚಾಗಿದೆ. ಇದರೊಂದಿಗೆ ಚಂಡಮಾರುತ ಮುನ್ನೆಚ್ಚರಿಕೆಯನ್ನು ನೀಡಲಾಗಿದೆ. ಈ ಕಾರಣದಿಂದ ಭಕ್ತರ ಸಂಖ್ಯೆ ಕಡಿಮೆಯಾಗಿದೆ ಎನ್ನಲಾಗಿದೆ. ಕಡಿಮೆ ಭಕ್ತರು ಇರುವ ಕಾರಣ ಬೇಗ ದೇವರ ದರ್ಶನ ಲಭ್ಯವಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ಸದ್ಯ ಮಳೆಯ ಪ್ರಮಾಣ ತಿರುಮದಲ್ಲಿ ಕಡಿಮೆಯಾಗಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಇನ್ನು ಚಂಡಮಾರುತದ ಪ್ರಭಾವ ಆಂಧ್ರ ಪ್ರದೇಶದ ಮೇಲೆ ಕಡಿಮೆ ಇರಲಿದೆ ಎಂದು ಸೂಚನೆ ಲಭ್ಯವಾಗಿರುವುದರಿಂದ ಮುಂದಿನ ಎರಡು ದಿನಗಳಿಂದ ಮತ್ತೆ ಭಕ್ತರ ಸಂಖ್ಯೆ ಹೆಚ್ಚಾಗುವ ಅವಕಾಶವಿದೆ. (ಸಾಂದರ್ಭಿಕ ಚಿತ್ರ)

ಮೇ 8ರಂದು ತಿರುಮಲದಲ್ಲಿ 65,904 ಮಂದಿ ದೇವರ ದರ್ಶನ ಪಡೆದುಕೊಂಡಿದ್ದು, 29,290 ಮಂದಿ ದೇವರಿಗೆ ಮುಡಿ ಸಮರ್ಪಣೆ ಮಾಡಿದ್ದಾರೆ. ಉಳಿದಂತೆ ಭಕ್ತರು ಕಾಣಿಕೆ ರೂಪದಲ್ಲಿ ಸುಮಾರು 3.57 ಕೋಟಿ ರೂಪಾಯಿ ಹಣವನ್ನು ನೀಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಯಾವುದೇ ಟಿಕೆಟ್​​ ಇಲ್ಲದೆ ತಿರುಮಲಕ್ಕೆ ಆಗಮಿಸುವ ಭಕ್ತರಿಗೆ ದೇವರ ದರ್ಶನ ಪಡೆದುಕೊಳ್ಳಲು ಸುಮಾರು 10 ಗಂಟೆ ಸಮಯ ತೆಗೆದುಕೊಳ್ಳುತ್ತಿದ್ದು, ಟೈಮ್​ ಸ್ಲಾಟ್ ಟೋಕನ್​​ ಇರುವ ಭಕ್ತರಿಗೆ 3 ಗಂಟೆ ಸಮಯದಲ್ಲಿ ದರ್ಶನ ಸೌಲಭ್ಯ ಲಭ್ಯವಾಗುತ್ತಿದೆ. ಇನ್ನು ವಿಶೇಷ ಪ್ರವೇಶ ದರ್ಶನ ಟಿಕೆಟ್ ಹೊಂದಿರುವ ಭಕ್ತರು ಒಂದು ಗಂಟೆ ಸಮಯದಲ್ಲೇ ದೇವರ ದರ್ಶನ ಪಡೆದುಕೊಳ್ಳುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)