Viral Story: ಉದ್ಯಮಿಗೆ ಶಾಕ್​ ಕೊಟ್ಟ ಪತ್ನಿ.. ಮನೆಯಲ್ಲಿಟ್ಟಿದ್ದ 47 ಲಕ್ಷ ತೆಗೆದುಕೊಂಡು ಆಟೋ ಚಾಲಕನೊಂದಿಗೆ ಪರಾರಿ!

ಕೋಟ್ಯಾಂತರ ಆಸ್ತಿ ಹೊಂದಿದ್ದ ಉದ್ಯಮಿಯೊಬ್ಬನ ಪತ್ನಿ ಇದ್ದಕ್ಕಿಂದತೆಯೇ ನಾಪತ್ತೆಯಾಗುತ್ತಾಳೆ. ಮನೆಯಲ್ಲಿದ್ದ ಲಕ್ಷಾಂತರ ಹಣ ಕೂಡ ಕಣ್ಣರೆಯಾಗಿರುತ್ತದೆ. ಆದರೆ ಆಕೆ ಎಲ್ಲಿ ಹೋದಳು? ಜೀವಂತವಾಗಿದ್ದಾಳೆಯೇ? ಎಂಬ ಕುತೂಹಲ ಘಟನೆ ಎಲ್ಲರಿಗೂ ಅಚ್ಚರಿಯುಂಟು ಮಾಡಿದೆ. ಅಂದಹಾಗೆಯೇ ಈ ನೈಜ ಘಟನೆ ನಡೆದಿದ್ದು ಎಲ್ಲಿ ಗೊತ್ತಾ? ಈ ಸ್ಟೋರಿ  ಓದಿ..

ಅಕ್ಟೋಬರ್ 13 ರಂದು ಇಂದೋರ್​ನ ಖಜ್ರಾನಾ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ, ಉದ್ಯಮಿಯೊಬ್ಬನ ಪತ್ನಿ ಇದ್ದಕ್ಕಿಂದತೆಯೇ ನಾಪ್ತತ್ತೆಯಾಗುತ್ತಾಳೆ. ಪತ್ನಿಯು ನಾಪತ್ತೆಯಾಗಿರುವ ಬಗ್ಗೆ ಮತ್ತು ಮನೆಯಲ್ಲಿ ಇಟ್ಟಿದ್ದ 47 ಲಕ್ಷ ರೂಪಾಯಿ ಕಾಣಿಯಾಗಿದೆ ಎಂದು  ಪತಿ ಪೊಲೀಸರಿಗೆ ದೂರು ನೀಡುತ್ತಾನೆ.  ಉದ್ಯಮಿ ನೀಡಿದ ದೂರಿನ ಅನ್ವಯ ಪೊಲೀಸರು ತನಿಖೆ ಪ್ರಾರಂಭಿಸುತ್ತಾರೆ.

ಅಷ್ಟಕ್ಕೂ ಆಗಿದ್ದೇನೆಂದರೆ, ಉದ್ಯಮಿಯ ಪತ್ನಿಗೆ ಆಟೋ ಚಾಲಕನೋರ್ವನ ಪರಿಚಯವಾಗಿತ್ತು. ಆಕೆ ಹೊರಗಡೆ ಓಡಾಡುತ್ತಿರುವ ವೇಳೆಗೆ ಅದೇ ಆಟೋ ಚಾಲಕ ಮನೆಗೆ ಡ್ರಾಪ್ ನೀಡುತ್ತಿದ್ದ. ಅಕ್ಟೋಬರ್ 13 ರಂದು ರಾತ್ರಿಯಾದರೂ ಪತ್ನಿ ಮನೆಗೆ ಬಾರದಿದ್ದಾಗ ಪತಿಗೆ ಅನುಮಾನ ಬರಲಾರಂಭಿಸುತ್ತದೆ. ಏನೋ ಸಮಸ್ಯೆಯಾಗಿದೆ ಎಂಬ ಅರಿವಾಗುತ್ತದೆ. ಕೊನೆಗೆ ತನ್ನ ಮನೆಯಲ್ಲಿ 47 ಲಕ್ಷ ರೂ.ನಗದು ನಾಪತ್ತೆಯಾಗಿದೆ ಎಂಬುದು ತಿಳಿಯುತ್ತದೆ.

ಸದ್ಯ ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದು, ಪತ್ನಿ ಹಾಗೂ ಆಟೋರಿಕ್ಷಾ ಚಾಲಕನ ಪತ್ತೆಗೆ ಬಲೆ ಬೀಸಿದ್ದಾರೆ. ತನಿಖೆಯ ಪ್ರಕಾರ ಆಟೋರಿಕ್ಷಾ ಚಾಲಕನ ಹೆಸರು ಇಮ್ರಾನ್ ಆಗಿದ್ದು, ಆತನಿಗೆ 32 ವರ್ಷ. ಖಾಂಡ್ವಾ, ಜವ್ರಾ, ಉಜ್ಜಯಿನಿ ಮತ್ತು ರತ್ಲಂ ಎಂಬ ನಾಲ್ಕು ನಗರಗಳಲ್ಲಿ ಆತ ಓಡಾಡುತ್ತಿದ್ದನು ಎಂಬುದು ವಿಚಾರಣೆ ವೇಳೆ ದೊರೆತಿದೆ.

ಚಾಲಕ ಮತ್ತು ಆರೋಪಿ ಮಹಿಳೆಯ ಪತ್ತೆಗಾಗಿ ಪೊಲೀಸರು ಮೇಲಿನ ಎಲ್ಲಾ ಸ್ಥಳಗಳಿಗೆ ಭೇಟಿ ನೀಡುವ ಮೂಲಕ ವಿಚಾರಿಸುತ್ತಿದ್ದಾರೆ. ಹೆಚ್ಚಿನ ತನಿಖೆ ನಡೆಸಿದ ಪೊಲೀಸರು ಅನುಮಾನಗೊಂಡ ವ್ಯಕ್ತಿಯ ಮನೆಗೆ ತೆರಳಿ ವಿಚಾರಿಸಿದಾಗ ಅಲ್ಲಿ 33 ಲಕ್ಷ ರೂ ಸಿಕ್ಕಿದೆ. ಕೊನೆಗೆ ಆ ವ್ಯಕ್ತಿ ಇಮ್ರಾನ್ ಸ್ನೇಹಿತ ಎಂಬುದು ಗೊತ್ತಾಗಿದೆ.

ಆದರೆ ಉದ್ಯಮಿಯ ಪತ್ನಿ ಹಾಗೂ ರಿಕ್ಷಾ ಚಾಲಕ ಇಮ್ರಾನ್​ ಇನ್ನೂ ಸಿಕ್ಕಿಲ್ಲ. ಪೊಲೀಸರು ಮೊಬೈಲ್ ನೆರ್ಟ್​ವರ್ಕ್ ಪರಿಶೀಲಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.