Agnipath Scheme: ಅಗ್ನಿಪಥ್​ನಂತಹ ಯೋಜನೆ ಬೇರೆ ದೇಶಗಳಲ್ಲೂ ಇದೆ, ಇಲ್ಲೆಲ್ಲಾ ಮಿಲಿಟರಿ ಸೇವೆ ಕಡ್ಡಾಯ

ಭಾರತೀಯ ಸೇನೆಯಲ್ಲಿ ಅಲ್ಪಾವಧಿ ನೇಮಕಾತಿ ಯೋಜನೆ ಅಗ್ನಿಪಥ್ ಬಗ್ಗೆ ದೇಶದ ಯುವಕರಲ್ಲಿ ಅಸಮಾಧಾನವಿದೆ. ಈ ಯೋಜನೆಯಡಿ, 17 ವರ್ಷ ವಯಸ್ಸಿನವರನ್ನು 4 ವರ್ಷಗಳ ಅವಧಿಗೆ ಸೇನೆಯಲ್ಲಿ ನೇಮಕ ಮಾಡಿಕೊಳ್ಳಲಾಗುತ್ತದೆ. ಅವರನ್ನು ಅಗ್ನಿವೀರ್ ಎಂದು ಕರೆಯಲಾಗುತ್ತದೆ.

ಆದರೆ ಸೇನಾ ನೇಮಕಾತಿಗೆ ತಯಾರಿ ನಡೆಸುತ್ತಿರುವ ವಿದ್ಯಾರ್ಥಿಗಳು ಕೇಂದ್ರ ಸರ್ಕಾರದ ಈ ಯೋಜನೆಯ ನಿಯಮಗಳು ಮತ್ತು ಷರತ್ತುಗಳನ್ನು ಒಪ್ಪುತ್ತಿಲ್ಲ. ಅಗ್ನಿಪಥ್ ಯೋಜನೆ ಘೋಷಣೆಯಾದಂದಿನಿಂದ ಉದ್ವಿಗ್ನಗೊಂದ ಜನರು ದೇಶದ ಕೆಲವು ಭಾಗಗಳಲ್ಲಿ ಬೆಂಕಿ ಹೊತ್ತಿಸಿ ವಿಧ್ವಂಸಕ ಕೃತ್ಯಗಳನ್ನು ಪ್ರಾರಂಭಿಸಿದ್ದಾರೆ. ಆದರೆ ನಮ್ಮಲ್ಲಿಯೇ ಇದು ಮೊದಲಲ್ಲ, ಬಹಳಷ್ಟು ದೇಶಗಳು ಇದನ್ನು ಈಗಾಗಲೇ ಅನುಸರಿಸುತ್ತಿವೆ.

ಇಸ್ರೇಲ್‌ನಲ್ಲಿ ಮಹಿಳೆಯರು ಮತ್ತು ಪುರುಷರಿಗೆ ಮಿಲಿಟರಿ ಸೇವೆ ಕಡ್ಡಾಯವಾಗಿದೆ. ಇಸ್ರೇಲಿ ರಕ್ಷಣಾ ಪಡೆಗಳಲ್ಲಿ ಪುರುಷರು 3 ವರ್ಷ ಮತ್ತು ಮಹಿಳೆಯರು ಸುಮಾರು 2 ವರ್ಷಗಳ ಕಾಲ ಸೇವೆ ಸಲ್ಲಿಸಬೇಕು.

ದಕ್ಷಿಣ ಕೊರಿಯಾದಲ್ಲಿ ದೈಹಿಕವಾಗಿ ಸದೃಢರಾಗಿರುವ ಎಲ್ಲಾ ಪುರುಷರು ಮಿಲಿಟರಿಯಲ್ಲಿ 21 ತಿಂಗಳು, ನೌಕಾಪಡೆಯಲ್ಲಿ 23 ತಿಂಗಳು ಮತ್ತು ವಾಯುಪಡೆಯಲ್ಲಿ 24 ತಿಂಗಳು ಸೇವೆ ಸಲ್ಲಿಸಬೇಕು.

ಉತ್ತರ ಕೊರಿಯಾದಲ್ಲಿ, ಪುರುಷರು 11 ವರ್ಷ ಮತ್ತು ಮಹಿಳೆಯರು ಏಳು ವರ್ಷ ಸೇವೆ ಸಲ್ಲಿಸುತ್ತಾರೆ. ಇದು ಅತಿ ದೊಡ್ಡ ಸೇನಾ ಸೇವೆಯ ನಿಬಂಧನೆಯಾಗಿದೆ.

ಬ್ರೆಜಿಲ್‌ನಲ್ಲಿ, 18 ವರ್ಷಕ್ಕಿಂತ ಮೇಲ್ಪಟ್ಟ ಪುರುಷರಿಗೆ ಮಿಲಿಟರಿ ಸೇವೆ ಕಡ್ಡಾಯವಾಗಿದೆ. ಒಬ್ಬ ಯುವಕ ವಿಶ್ವವಿದ್ಯಾನಿಲಯದಲ್ಲಿ ಓದುತ್ತಿದ್ದರೆ, ಸ್ವಲ್ಪ ಸಮಯದ ನಂತರ ಅವನು ಸೈನ್ಯದಲ್ಲಿ ಕಡ್ಡಾಯ ಸೇವೆಗೆ ಹೋಗಬೇಕಾಗುತ್ತದೆ.

ಜಾರ್ಜಿಯಾದಲ್ಲಿ ಒಂದು ವರ್ಷದ ಮಿಲಿಟರಿ ಸೇವೆ ಕಡ್ಡಾಯವಾಗಿದೆ. ಇದರಲ್ಲಿ 3 ತಿಂಗಳು ಯುದ್ಧ ತರಬೇತಿ ನೀಡಲಾಗಿದ್ದು, ಉಳಿದ 9 ತಿಂಗಳು ಕರ್ತವ್ಯ ಅಧಿಕಾರಿಯಾಗಿ ಕಾರ್ಯನಿರ್ವಹಿಸಬೇಕು.