2 Crore Salary: ಈ ಕೆಲಸಕ್ಕೆ ಸೇರಿದ್ರೆ 2 ಕೋಟಿ ಸಂಬಳ! ಆದ್ರೆ ಕಂಡೀಷನ್ ನೋಡಿ ಯಾರೂ ಹೋಗ್ತಿಲ್ಲ! ಹಾಗಿದ್ರೆ ಅಂಥದ್ದೇನು ಷರತ್ತು?

ಹಲವು ದೇಶಗಳಲ್ಲಿ ನಿರುದ್ಯೋಗ ಸಮಸ್ಯೆ ತುಂಬಾ ಕಾಡುತ್ತಿದೆ. ಜನರು ಕೇವಲ ಕೆಲಸ ಮತ್ತು ಒಳ್ಳೆಯ ಪ್ಯಾಕೇಜ್ ಸಿಕ್ಕರೆ ಎಲ್ಲಿ ಬೇಕಾದರೂ ಹೋಗಲು ಸಿದ್ಧರಾಗಿದ್ದಾರೆ. ಆದರೆ ಇಲ್ಲೊಂದು ಕೆಲಸ ಖಾಲಿ ಇದ್ದು, ಯಜಮಾನಿಯ ಮನೆಯಲ್ಲಿ ಉಳಿದುಕೊಂಡು ಕೆಲಸ ನಿರ್ವಹಿಸಿದರೆ ವಾರ್ಷಿಕವಾಗಿ 2 ಕೋಟಿ ರೂಪಾಯಿಗಳನ್ನು ನೀಡುತ್ತಾರೆ. ಆದರೆ ಆ ಕೆಲಸಕ್ಕೆ ನೀಡಲಾಗಿರುವ ಷರತ್ತುಗಳ ನೋಡಿದರೆ ಉದ್ಯೋಗವನ್ನು ಆಯ್ಕೆ ಮಾಡಿಕೊಳ್ಳುವ ಮೊದಲು ಜನರು ನೂರು ಬಾರಿ ಯೋಚಿಸುತ್ತಾರೆ.  (ಸಾಂದರ್ಭಿಕ ಚಿತ್ರ)

ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ಪ್ರಕಾರ, ಚೀನಾದಲ್ಲಿ ಈ ಉದ್ಯೋಗವನ್ನು ನೀಡಲಾಗುತ್ತಿದೆ. ಇಲ್ಲಿನ ಶಾಂಘೈ ನಗರದಲ್ಲಿ ವಾಸಿಸುವ ಮಹಿಳೆ ತನಗಾಗಿ ವೈಯಕ್ತಿಕ ಸೇವಕಿ (Personal Nanny) ಅಥವಾ ದಾದಿಯನ್ನು ಹುಡುಕುತ್ತಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಈ ಕೆಲಸಕ್ಕೆ ಸೇರುವವರು 24 ಗಂಟೆಗಳ ಕಾಲ ಯಜಮಾನಿಗೆ ಅಡುಗೆ ಮಾಡಿ ಬಡಿಸುವುದು, ಬಟ್ಟೆ ತೊಡಿಸುವುದು ಸೇರಿದಂತೆ ಮನೆ ಕೆಲಸ ಮತ್ತು ಆಕೆ ಹೇಳುವ ಎಲ್ಲಾ ರೀತಿಯ ಕೆಲಸಗಳನ್ನು ಮಾಡಬೇಕು. ಈ ಕೆಲಸಕ್ಕೆ ಪ್ರತಿ ತಿಂಗಳು 16 ಲಕ್ಷ ರೂಪಾಯಿಗೂ ಹೆಚ್ಚು ಸಂಬಳ ನೀಡುತ್ತಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಈ ಹುದ್ದೆಗೆ ಜಾಹೀರಾತು ನೀಡಲಾಗಿದೆ. ಜಾಹೀರಾತಿನ ಪ್ರಕಾರ, ಸೇವಕಿಗೆ ತಿಂಗಳಿಗೆ 1,644,435.25 ರೂಪಾಯಿ ಸಂಬಳ ಫಿಕ್ಸ್ ಮಾಡಲಾಗಿದೆ. ಅಂದರೆ ಒಂದು ವರ್ಷಕ್ಕೆ 1.97 ಕೋಟಿ ರೂಪಾಯಿಗಳ ಪ್ಯಾಕೇಜ್ ಇದಾಗಿದೆ. ಈ ಕೆಲಸಕ್ಕಾಗಿ ಅರ್ಜಿ ಸಲ್ಲಿಸುವವರಿಗೆ ಇನ್ನೂ ಕೆಲವು ಷರತ್ತುಗಳಿವೆ. ಅರ್ಜಿದಾರರ 165 ಸೆಂ.ಮೀ ಎತ್ತರ ಹೊಂದಿರಬೇಕು, ಆದರೆ ತೂಕವು 55 ಕೆಜಿಗಿಂತ ಕಡಿಮೆ ಇರಬೇಕು.  (ಸಾಂದರ್ಭಿಕ ಚಿತ್ರ)

ಜೊತೆಗೆ ಅರ್ಜಿದಾರರು 12ನೇ ತರಗತಿ ಅಥವಾ ಅದಕ್ಕಿಂತ ಹೆಚ್ಚಿನದನ್ನು ಓದಿರಬೇಕು. ನೋಡಲು ಸುಂದರವಾಗಿರಬೇಕು, ಸ್ವಚ್ಛವಾಗಿರಬೇಕು. ಜೊತೆಗೆ ನೃತ್ಯ ಮಾಡಲು ಮತ್ತು ಸಂಗೀತ ತಿಳಿದಿರಬೇಕು. ಹೀಗೆ ಹಲವು ಷರತ್ತುಗಳುಳ್ಳ ಈ ಕೆಲಸದ ಆಫರ್​ ಅನ್ನು ಹೌಸ್ ಕೀಪಿಂಗ್ ಸರ್ವೀಸ್ ಸಂಸ್ಥೆಯೊಂದು ಜಾಹೀರಾತು ನೀಡಿದ್ದು, ತುಂಬಾ ಚರ್ಚೆಗೆ ಗ್ರಾಸವಾಗಿದೆ.  (ಸಾಂದರ್ಭಿಕ ಚಿತ್ರ)

ವಿಶೇಷ ಸಂಗತಿ ಎಂದರೆ ವೈಯಕ್ತಿಕ ಸೇವಕಿ ಬೇಕು ಎಂದು ಜಾಹೀರಾತು ನೀಡಿರುವ ಮಹಿಳೆ ಈಗಾಗಲೇ ಇಬ್ಬರು ದಾದಿಯರನ್ನು ಹೊಂದಿದ್ದು, ಅವರಿಬ್ಬರು ತಲಾ 12 ಗಂಟೆಗಳ ಶಿಫ್ಟ್​ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅವರಿಬ್ಬರೂ ವಾರ್ಷಿಕ 1.97 ಕೋಟಿ ಸಂಬಳ ಪಡೆಯುತ್ತಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಇನ್ನೂ ಈ ದಾಸಿಯರು ಯಜಮಾನಿಯ ಪಾದದಿಂದ ಪಾದರಕ್ಷೆಗಳನ್ನು ತೆಗೆದು ಹಾಕುವ ಕೆಲಸವನ್ನು ಮಾಡಬೇಕಾಗಿರುವುದರಿಂದ ಕೆಲಸ ಮಾಡುವವರಿಗೆ ಯಾವುದೇ ಆತ್ಮಗೌರವ ಎಂಬುದು ಇರಬಾರದು. ಕೇಳಿದಾಗಲೆಲ್ಲಾ ಜ್ಯೂಸ್, ಹಣ್ಣು, ನೀರು ಕೊಡಬೇಕಾಗುತ್ತದೆ. ಆಕೆ ಹೊರಗೆ ಬರುವಾಗ ಗೇಟ್​ನಲ್ಲಿ ಬಂದು ಕಾಯುತ್ತಿರಬೇಕು. ಆಕೆಯ ಒಂದು ಸಿಗ್ನಲ್​ಗೆ ಬಟ್ಟೆಗಳನ್ನು ಸಹ ಬದಲಾಯಿಸಬೇಕು ಎಂಬೆಲ್ಲಾ ಷರತ್ತುಗಳಿವೆ. (ಸಾಂದರ್ಭಿಕ ಚಿತ್ರ)