China Taiwan Crisis: ಕ್ಸಿ ಜಿನ್​ಪಿಂಗ್ ದುರಹಂಕಾರಕ್ಕೆ ಸವಾಲೆಸೆದ ಆ ಇಬ್ಬರು ಮಹಿಳೆಯರು!

ತೈವಾನ್‌ನ ಅಧ್ಯಕ್ಷೆ ತ್ಸೈ ಇಂಗ್-ವೆನ್ ಅವರು ಬುಧವಾರ ಪೆಲೋಸಿಗೆ ಯುಎಸ್ ತೈವಾನ್‌ನ ಅತ್ಯಂತ ಶ್ರದ್ಧಾಭರಿತ ಸ್ನೇಹಿತರಲ್ಲಿ ಒಬ್ಬರು ಎಂದು ಹೇಳಿದರು. ಅಂತರಾಷ್ಟ್ರೀಯ ವೇದಿಕೆಯಲ್ಲಿ ಪೆಲೋಸಿ ಅವರ ಅಚಲ ಬೆಂಬಲಕ್ಕಾಗಿ ವೇಯ್ನ್ ಧನ್ಯವಾದ ಹೇಳಿದರು.

ಯುಎಸ್ ಹೌಸ್ ಸ್ಪೀಕರ್ ನ್ಯಾನ್ಸಿ ಪೆಲೋಸಿ ಅವರು ತೈವಾನ್ ಯಾವಾಗಲೂ ಭದ್ರತೆಯೊಂದಿಗೆ ಸ್ವಾತಂತ್ರ್ಯವನ್ನು ಹೊಂದಿರಬೇಕೆಂದು ಅಮೆರಿಕ ಬಯಸುತ್ತದೆ ಮತ್ತು ಅದು ಈ ವಿಚಾರವಾಗಿ ಯಾವತ್ತೂ ಹಿಂದೆ ಸರಿಯುವುದಿಲ್ಲ ಎಂದು ಹೇಳಿದರು.

ತೈವಾನ್‌ನೊಂದಿಗಿನ ನಮ್ಮ ಒಗ್ಗಟ್ಟು ಎಂದಿಗಿಂತಲೂ ಹೆಚ್ಚು ಮುಖ್ಯವಾಗಿದೆ ಎಂದು ತೈವಾನ್ ಅಧ್ಯಕ್ಷೆ ತ್ಸೈ ಇಂಗ್-ವೆನ್ ಅವರೊಂದಿಗೆ ನಡೆದ ಜಂಟಿ ಸುದ್ದಿಗೋಷ್ಠಿಯಲ್ಲಿ ಪೆಲೋಸಿ ಹೇಳಿದರು.

ಯುಎಸ್ ಯಥಾಸ್ಥಿತಿಯನ್ನು ಬೆಂಬಲಿಸುತ್ತದೆ ಮತ್ತು ತೈವಾನ್‌ಗೆ ಬಲವಂತವಾಗಿ ಏನನ್ನೂ ಆಗುವುದನ್ನು ಬಯಸುವುದಿಲ್ಲ ಎಂದು ಪೆಲೋಸಿ ಹೇಳಿದರು.

ಅವರ ಭೇಟಿಯ ಪರಿಣಾಮವಾಗಿ ತೈವಾನ್‌ ಮೇಲಾಗುವ ಆರ್ಥಿಕ ಪರಿಣಾಮಗಳ ಬಗ್ಗೆ ಕೇಳಿದಾಗ, ಉತ್ತರಿಸಿದ ಪೆಲೋಸಿ ಯುಎಸ್ ಮತ್ತು ತೈವಾನ್ ನಡುವೆ ಉತ್ತಮ ಆರ್ಥಿಕ ವಿನಿಮಯಕ್ಕಾಗಿ ಬಾಗಿಲು ತೆರೆಯುತ್ತದೆ ಎಂದು ಹೇಳಿದರು

ಪೆಲೋಸಿ ಮಂಗಳವಾರ ತಡರಾತ್ರಿ ತೈಪೆಗೆ ಅಘೋಷಿತ ಆದರೆ ನಿಕಟವಾದ ಭೇಟಿಗೆ ಬಂದರು. ಇದು ತೈವಾನ್‌ನ ಪ್ರಜಾಪ್ರಭುತ್ವಕ್ಕೆ ಅಮೆರಿಕದ ಅಚಲ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಅವರು ಹೇಳಿದರು.

ನ್ಯಾನ್ಸಿ ಪೆಲೋಸಿ ತೈವಾನ್ ಅಧ್ಯಕ್ಷೆ ತ್ಸೈ ಇಂಗ್ ವೆನ್ ಅವರನ್ನು ಭೇಟಿಯಾದರು. ಅಧ್ಯಕ್ಷ ತ್ಸೈ ಇಂಗ್ ವೆನ್ ಅವರನ್ನು ಭೇಟಿ ಮಾಡುವ ಮೊದಲು, ನ್ಯಾನ್ಸಿ ಪೆಲೋಸಿ ತೈವಾನ್‌ನ ಉಪ ಸ್ಪೀಕರ್ ತ್ಸೈ ಚಿ-ಚಾಂಗ್ ಅವರನ್ನು ಭೇಟಿಯಾದರು.