Cats: ಬೆಕ್ಕುಗಳ ಬಗ್ಗೆ ಬರೆದ ಪುಸ್ತಕ ಬೆಕ್ಕುಗಳಿಂದಲೇ ಬಿಡುಗಡೆ!

ಪುಸ್ತಕ ಬಿಡುಗಡೆ ಕಾರ್ಯಕ್ರಮ ಅಂದತಕ್ಷಣ ಯಾರು ಬರೆದ ಯಾವ ಪುಸ್ತಕ ಅಂತ. ಜೊತೆಗೆ ಲೋಕಾರ್ಪಣೆಗೆ ಯಾರು ಬರ್ಯಾರೆ ಎಂಬ ಪ್ರಶ್ನೆಯೂ ಹುಟ್ಟಿಕೊಳ್ಳುತ್ತೆ. ಖ್ಯಾತ ಸಾಹಿತಿಗಳು, ಸೆಲೆಬ್ರಿಟಿಗಳು, ರಾಜಕಾರಣಿಗಳು, ಸಿನಿಮಾ ತಾರೆಯರು ಪುಸ್ತಕ ಬಿಡುಗಡೆ ಮಾಡೋದು ಮಾಮೂಲಿ. ಆದ್ರೆ ಇಲ್ಲೊಂದು ಪುಸ್ತಕ ಬಿಡುಗಡೆ ಮಾಡಿದ್ದು ಬೆಕ್ಕು ಅಂದ್ರೆ ನೀವು ನಂಬಲೇಬೇಕು. (ಸಾಂದರ್ಭಿಕ ಚಿತ್ರ)

ಮಕ್ಕಳ ಸಾಹಿತ್ಯ ಕೃತಿಗಳಿಗೆ ಹೆಸರಾದ ಕೇರಳದ ಎರ್ನಾಕುಲಂನ ಹಿರಿಯ ಪ್ರಾಥಮಿಕ ಶಾಲಾ ಶಿಕ್ಷಕ ಹರೀಶ್ ಆರ್ ನಂಬೂತಿರಿಪ್ಪಾಡ್ ಅವರ 49ನೇ ಪುಸ್ತಕವನ್ನು ಎರಡು ಪರ್ಷಿಯನ್ ಬೆಕ್ಕುಗಳು ಬಿಡುಗಡೆಗೊಳಿಸಿವೆ. 

‘ಚೊಟ್ಟುವುಂ ಮೀಟುವುಂ’ ಎಂಬ ಹೆಸರಿನ ಈ ಪುಸ್ತಕ ಬೆಕ್ಕುಗಳ ಕುರಿತಾಗಿದೆ. ಈ ಪುಸ್ತಕವನ್ನು ಮಿಯೋ ಮತ್ತು ಕಾಥು ಎಂಬ ಎರಡು ಬೆಕ್ಕುಗಳು ಬಿಡುಗಡೆಗೊಳಿಸಿವೆ. (ಸಾಂದರ್ಭಿಕ ಚಿತ್ರ)

ಪಂಪಾಕುಡದ ಫಾದರ್ ವರ್ಗೀಸ್ ಅವರ ಬೆಕ್ಕುಗಳು ಈ ಪುಸ್ತಕ ಬಿಡುಗಡೆ ಮಾಡಿವೆ. ಫಾದರ್ ಮತ್ತು ಅವರ ಪತ್ನಿ ಬೆಕ್ಕುಗಳಿಗೆ ಪುಸ್ತಕವನ್ನು ಹಸ್ತಾಂತರಿಸಿ ಲೋಕಾರ್ಪಣೆ ಕಾರ್ಯಕ್ರಮ ನಡೆಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಈ ಪುಸ್ತಕವು 25 ಮಕ್ಕಳ ಕಥೆಗಳಿಂದ ಕೂಡಿರುವ ಪುಟ್ಟ ಕಥಾ ಸಂಕಲನವಾಗಿದ್ದು ಬೆಕ್ಕುಗಳನ್ನೇ ಆಧರಿಸಿ ಕಥೆ ರಚಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಇದೇ ರೀತಿ ಮೇಕೆಗಳ ಪಾತ್ರಧಾರಿಯಾಗಿರುವ ಇನ್ನೊಂದು ಪುಸ್ತಕ ‘ಅಮ್ಮುವಿಂದೆ ಕುಂಜುಮಲು’ ಹಾಗೂ ‘ತಕ್ಕಲಿ ಕಲ್ಯಾಣಂ’ (ಟೊಮೆಟೋ ಮದುವೆ) ಹೆಸರಿನ ಪುಸ್ತಕವನ್ನು ತರಕಾರಿ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಾಗಿದೆ. (ಸಾಂದರ್ಭಿಕ ಚಿತ್ರ)

ವಿವಿಧ ಪುಸ್ತಕಗಳನ್ನು ಬರೆಯುವುದರ ಜೊತೆಗೆ ಲೇಖಕ ನಂಬೂತಿರಿಪ್ಪಾಡ್ ಅವರು ಕಳೆದ ಮೂರು ವರ್ಷಗಳಿಂದ, ಆಡಿಯೊ ಸ್ವರೂಪಗಳಲ್ಲಿ ಮಕ್ಕಳ ಕಥೆಗಳು ಮತ್ತು ಕವಿತೆಗಳನ್ನು ರಚಿಸುತ್ತಿದ್ದಾರೆ. ಇದೀಗ ಬೆಕ್ಕುಗಳಿಂದ ಪುಸ್ತಕ ಬಿಡುಗಡೆಗೊಳಿಸಿ ಸುದ್ದಿಯಲ್ಲಿದ್ದಾರೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಬೆಕ್ಕುಗಳ ಕುರಿತು ಬೆಕ್ಕುಗಳೇ ಬಿಡುಗಡೆಗೊಳಿಸಿದ ಈ ಪುಸ್ತಕವನ್ನು ಮಕ್ಕಳು ಓದಿ ಖುಷಿಪಟ್ಟರೆ ಸಾಕು ಅಂತಿದ್ದಾರೆ ಲೇಖಕರು. (ಸಾಂದರ್ಭಿಕ ಚಿತ್ರ)