Liquor in Train: ರೈಲಿನಲ್ಲಿ ಮದ್ಯ ಸಾಗಾಟ ಮಾಡಬಹುದೇ? ಈ ಬಗ್ಗೆ ರೈಲ್ವೆ ನಿಯಮಗಳು ಹೇಳುವುದೇನು?

ಪ್ರತಿದಿನ ಲಕ್ಷಾಂತರ ಜನರು ರೈಲಿನಲ್ಲಿ ಪ್ರಯಾಣಿಸುತ್ತಾರೆ. ನಗರಗಳಿಂದ ಹಳ್ಳಿಗಳಿಗೆ ಹೋಗುವಾಗ, ಅನೇಕ ಜನರು ತಮ್ಮೊಂದಿಗೆ ವಿವಿಧ ರೀತಿಯ ಸಾಮಾನುಗಳನ್ನು ಒಯ್ಯುತ್ತಾರೆ. ರೈಲಿನಲ್ಲಿ ಮದ್ಯದ ಬಾಟಲಿಗಳನ್ನು ಕೊಂಡೊಯ್ಯಬಹುದೇ ಎಂಬ ಪ್ರಶ್ನೆ ಸಾಮಾನ್ಯವಾಗಿ ಜನರ ಮನಸ್ಸಿನಲ್ಲಿ ಉದ್ಭವಿಸುತ್ತದೆ.

ರೈಲಿನಲ್ಲಿ ಪ್ರಯಾಣಿಸುವಾಗ ಎಷ್ಟು ಮದ್ಯ ಸೇವಿಸಬಹುದು ಎಂಬ ಪ್ರಶ್ನೆಗೆ ಉತ್ತರ ಸ್ವಲ್ಪ ಕಷ್ಟ. ನೀವು ಕೆಲವು ರೈಲಿನಲ್ಲಿ ಮದ್ಯವನ್ನು ತೆಗೆದುಕೊಳ್ಳಬಹುದು. ಆದರೆ ಅದು ನೀವು ಯಾವ ರಾಜ್ಯಕ್ಕೆ ಹೋಗುತ್ತೀರಿ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ.

ಮದ್ಯದ ಬಗ್ಗೆ ನೀತಿಗಳನ್ನು ರೂಪಿಸುವ ಹಕ್ಕನ್ನು ಸಂವಿಧಾನವು ಆಯಾ ರಾಜ್ಯಗಳಿಗೆ ನೀಡಿದೆ. ಆದ್ದರಿಂದ ನೀವು ರೈಲಿನಲ್ಲಿ ಆಲ್ಕೋಹಾಲ್‌ನೊಂದಿಗೆ ಪ್ರಯಾಣಿಸಬಹುದೇ ಅಥವಾ ಇಲ್ಲವೇ ಎಂಬುದು ಸಂಪೂರ್ಣವಾಗಿ ನೀವು ಇಳಿಯಲಿರುವ ರಾಜ್ಯದ ಮೇಲೆ ಅವಲಂಬಿತವಾಗಿರುತ್ತದೆ.

ಉದಾಹರಣೆಗೆ ನೀವು ದೆಹಲಿಯಿಂದ ಬಿಹಾರಕ್ಕೆ ಪ್ರಯಾಣಿಸುತ್ತಿದ್ದರೆ. ನೀವು ಮದ್ಯದೊಂದಿಗೆ ರೈಲು ಹತ್ತಬಹುದು. ಆದರೆ ಬಿಹಾರ ಗಡಿಯನ್ನು ಪ್ರವೇಶಿಸುವ ಮೊದಲು ಅದು ನಿಮ್ಮ ಬಳಿ ಇರಕೂಡದು. ಬಿಹಾರದ ಯಾವುದಾದರೂ ನಿಲ್ದಾಣದಲ್ಲಿ ಇಳಿದರೆ, ನಿಮ್ಮನ್ನು ಪರಿಶೀಲಿಸುವಾಗ ಮದ್ಯ ಸಾಗಿಸುತ್ತಿರುವುದು ಕಂಡು ಬಂದರೆ ದಂಡ ಕಟ್ಟಬೇಕಾಗುತ್ತದೆ. ಗುಜರಾತ್‌ಗೆ ಹೋಗುವವರಿಗೂ ಇದು ಅನ್ವಯಿಸುತ್ತದೆ.

ಈಗ ಮದ್ಯವನ್ನು ಕೆಲವು ರಾಜ್ಯಗಳಲ್ಲಿ ಸಾಗಿಸಬಹುದು. ಆದರೆ ಅದರ ಮುದ್ರೆಯನ್ನು ತೆರೆಯಬಾರದು. ಅದರ ಮುದ್ರೆಯನ್ನು ಮುಚ್ಚಿ ಇಡಬೇಕು. ಮದ್ಯವನ್ನು ಸಂಪೂರ್ಣ ಆವರಿಸುವ ಬ್ಯಾಗ್‌ನಲ್ಲಿಟ್ಟು ಸಾಗಿಸಬೇಕು. ಇತರ ಪ್ರಯಾಣಿಕರಿಗೆ ಕಾಣಿಸಬಾರದು.

ಇನ್ನು ರೈಲಿನಲ್ಲಿ ಸಾಗಿಸುವ ಮದ್ಯದ ಪ್ರಮಾಣಕ್ಕೆ ಯಾವುದೇ ಮಿತಿಯಿಲ್ಲ. 2019 ರಲ್ಲಿ ಸಲ್ಲಿಸಿದ ಆರ್‌ಟಿಐಗೆ ಪ್ರತಿಕ್ರಿಯೆಯಾಗಿ, ರೈಲ್ವೆ ಅಧಿಕಾರಿಗಳು ಮದ್ಯದ ಸಾಗಣೆಗೆ ಸಂಬಂಧಿಸಿದಂತೆ ಯಾವುದೇ ಲಿಖಿತ ನಿಯಮವಿಲ್ಲ ಎಂದು ತಿಳಿಸಿದ್ದಾರೆ.

ರೈಲಿನಲ್ಲಿ ಮದ್ಯವನ್ನು ಸಾಗಿಸಲು ಯಾವುದೇ ನಿರ್ದಿಷ್ಟ ಮಿತಿಯಿಲ್ಲ, ಆದರೆ ತೆರೆದ ಮದ್ಯದ ಬಾಟಲಿ ಕಂಡುಬಂದಲ್ಲಿ, ಶಾಂತಿ ಕದಡುವ ಪ್ರಯಾಣಿಕರಿಗೆ ಆರ್‌ಪಿಎಫ್ ದಂಡ ವಿಧಿಸಬಹುದು.

ಇದಲ್ಲದೆ, ರೈಲು ಒಂದು ರಾಜ್ಯದಿಂದ ಮತ್ತೊಂದು ರಾಜ್ಯಕ್ಕೆ ಚಲಿಸುತ್ತಿದ್ದರೆ, ಅದು ಮದ್ಯಕ್ಕೆ ಸಂಬಂಧಿಸಿದಂತೆ ತೆರಿಗೆ ವಂಚನೆಯ ಪ್ರಕರಣವೂ ಆಗಿರಬಹುದು. ಅಂತಹ ಪರಿಸ್ಥಿತಿಯಲ್ಲಿ, ಅಪರಾಧಿಯನ್ನು GRPಗೆ ಹಸ್ತಾಂತರಿಸಲಾಗುತ್ತದೆ. ನಂತರ ಅಬಕಾರಿ ಇಲಾಖೆಯಿಂದ ದಂಡ ವಿಧಿಸಲಾಗುತ್ತದೆ. ಎಷ್ಟು ದಂಡ ವಿಧಿಸಬೇಕು ಎಂಬುದಕ್ಕೆ ಸ್ಪಷ್ಟ ಮಾರ್ಗಸೂಚಿಗಳಿಲ್ಲ.