Airplane House: ಫ್ಲೈಟ್‌ನಲ್ಲಿ ಹಾರೋ ಕನಸು ನನಸಾಗಿಲ್ಲ, ಅದಕ್ಕಾಗಿ ವಿಮಾನವನ್ನೇ ಮನೆ ಮಾಡ್ಕೊಂಡ! ಈಗ ಈತನಿಗೆ ಸಖತ್ ದುಡ್ಡು ಸಿಗ್ತಿದೆ!

ಸಾಕಷ್ಟು ಜನರಿಗೆ ವಿಮಾನದಲ್ಲಿ ಹೋಗಬೇಕೆಂಬ ಕನಸಿರುತ್ತದೆ. ಬಹಳಷ್ಟು ಮಂದಿಗೆ ಇದು ಸಾಧ್ಯವಾಗುವುದಿಲ್ಲ. ಅದೇ ರೀತಿ ವಿಮಾನದಲ್ಲಿ ಹಾರುವ ಕನಸನ್ನು ಹೊಂದಿದ್ದ ಕಾಂಬೋಡಿಯಾದ ವ್ಯಕ್ತಿಯೊಬ್ಬ ವಿಮಾನದ ಮಾದರಿಯಲ್ಲಿ ಮನೆಯನ್ನೇ ನಿರ್ಮಿಸಿಕೊಂಡಿದ್ದಾರೆ.

ಕಾಂಬೋಡಿಯಾದ ಸೀಮ್ ರೀಪ್ ನಗರದ ನಿವಾಸಿ ಚ್ರಾಚ್ ಪೊವ್ ಅಣಕು ಎಂಜಿನ್‌ಗಳು, ರೆಕ್ಕೆಗಳು ಮತ್ತು ಟೈಲ್‌ಪ್ಲೇನ್ ಹೊಂದಿರುವ ಕಾಂಕ್ರೀಟ್ ಮನೆ ನಿರ್ಮಿಸಿದ್ದಾರೆ. ಈ ಮನೆ ವಾಸಿಸುವ ಚ್ರಾಚ್ ಸೀಮ್ ರೀಪ್ ಪ್ರಾಂತ್ಯದಲ್ಲಿ ಸಂಚಲನ ಮೂಡಿಸಿದ್ದಾರೆ.

43 ವರ್ಷದ ಮೂರು ಮಕ್ಕಳ ತಂದೆಯಾಗಿರುವ ಚ್ರಾಚ್​ ಈ ಮನೆ ಮಾಡಲು ಸುಮಾರು ಒಂದು ವರ್ಷ ತೆಗೆದುಕೊಂಡಿದ್ದಾರೆ. ಚ್ರಾಚ್ ಈ​ ಮನೆಯನ್ನು ಖಾಸಗಿ ಜೆಟ್ ಆಗಿ ರೂಪಿಸಲು US$20,000 (16 ಲಕ್ಷ) ಖರ್ಚು ಮಾಡಿದ್ದಾರೆ. ಚ್ರಾಚ್ ತಮ್ಮ ಕನಸನ್ನು ನನಸು ಮಾಡಿಕೊಳ್ಲಲು ತಾವೂ 30 ವರ್ಷಗಳ ಕಾಲ ದುಡಿದಿದ್ದ ಎಲ್ಲಾ ಹಣವನ್ನು ಮನೆಯ ನಿರ್ಮಾಣಕ್ಕೆ ಖರ್ಚು ಮಾಡಿದ್ದಾರೆ.

ಈ ವಿಮಾನದ ಮಾದರಿಯಲ್ಲಿ 6 ಮೀಟರ್ (19.69 ಅಡಿ) ಎತ್ತರ ಹೊಂದಿದೆ. ಚ್ರಾಚ್​ ನಿಂತಿರುವ ವಿಮಾನದ ಮಾದರಿಯೊಂದಿಗೆ ಮನೆಯನ್ನು ನಿರ್ಮಿಸಿದ್ದಾರೆ. ಈ ಮನೆ ಎರಡು ಬೆಡ್​ ರೂಮ್​ ಮತ್ತು ಸ್ನಾನಗೃಹಗಳನ್ನು ಹೊಂದಿದೆ. ಈ ಮನೆ ಬಾಲ್ಯದಿಂದಲೂ ನನ್ನ ಕನಸಾಗಿತ್ತು, ಆದ್ದರಿಂದ ನಾನು ನನ್ನ ಗುರಿಯನ್ನು ಸಾಧಿಸಲು ನನಗೆ ಸಂತೋಷವಾಗಿದೆ ಎಂದು ಮಾಧ್ಯಮಕ್ಕೆ ಚ್ರಾರ್ಚ್​ ತಿಳಿಸಿದ್ದಾರೆ.

ನಾವು ಇಲ್ಲಿಯೇ ಉಳಿಯಬಹುದು, ಇಲ್ಲೇ ಮಲಗಬಹುದು, ಇಲ್ಲಿರುವ ಬಾತ್ರೂಮ್ ಅನ್ನು ಬಳಸಬಹುದು ಮತ್ತು ವಿಮಾನದಂತೆ ಇಲ್ಲಿಯೇ ಆಹಾರವನ್ನು ಸೇವಿಸಬಹುದು. ಇದು ನನ್ನ ಸ್ವಂತದ್ದು, ನನ್ನ ಕನಸು ನನಸಾಗಿದ್ದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ. ವಿಶೇಷವೆಂದರೆ ಈ ಮನೆಯನ್ನು ಚ್ರಾರ್ಚ್​ ಅವರೇ ಸಿದ್ಧಪಡಿಸಿದ್ದಾರೆ.

ಕನಸಿನ ಮನೆ ನಿರ್ಮಾಣ ಮಾಡುವುದಕ್ಕೆ ಚ್ರಾರ್ಚ್​ ಪೋವ್ ಇಂಟರ್ನೆಟ್‌ನಲ್ಲಿ ಖಾಸಗಿ ಜೆಟ್‌ಗಳ ವಿನ್ಯಾಸದ ಲೆಕ್ಕವಿಲ್ಲದಷ್ಟು ವೀಡಿಯೊಗಳನ್ನು ವೀಕ್ಷಿಸಿದ್ದಾರೆ. ಈ ಮನೆ ಟ್ರೆಂಡ್​ ಆಗುತ್ತಿದ್ದು, ಇಲ್ಲಿಗೆ ಸಾಕಷ್ಟು ಜನ ಬಂದು ಸೆಲ್ಫಿ ತೆಗೆದುಕೊಳ್ಳಲು ಬಯಸುತ್ತಿದ್ದಾರೆ. ಆದರೆ ಚ್ರಾರ್ಚ್​ ಸೆಲ್ಫಿ ಶುಲ್ಕ ವಿಧಿಸುತ್ತಿದ್ದಾರೆ.