ಸಣ್ಣ ರೈತರಿಂದ ಹೆಚ್ಚಿನ ಭತ್ತ ಖರೀದಿಸಿ; ಕೇಂದ್ರ ಸರ್ಕಾರಕ್ಕೆ ಮಹತ್ವದ ಸಲಹೆ ನೀಡಿದ CACP

ಕೃಷಿ ಬೆಲೆ ಮತ್ತು ವೆಚ್ಚದ ಆಯೋಗವು (CACP) ಸಣ್ಣ ಮತ್ತು ಮಧ್ಯಮ ಪ್ರಮಾಣದ ರೈತರಿಂದ ಏಕಕಾಲದಲ್ಲಿ ಭತ್ತವನ್ನು ಖರೀದಿಸಲು ಕೇಂದ್ರ ಸರ್ಕಾರಕ್ಕೆ ನಿರ್ದೇಶನ ನೀಡಿದ್ದು, ವ್ಯಾಪಕವಾಗಿ ಭತ್ತವನ್ನು ಬೆಳೆಯುತ್ತಿರುವ ದೊಡ್ಡ ರೈತರ ಆತಂಕಕ್ಕೆ ಕಾರಣವಾಗಿದೆ.

ದೇಶದಲ್ಲಿ ಶೇ.90 ರಷ್ಟು ರೈತರು ಸಣ್ಣ ಮತ್ತು ಮಧ್ಯಮ ಜಮೀನಿನಲ್ಲಿ ಸಾಗುವಳಿ ಮಾಡುತ್ತಿರುವುದನ್ನು ಉಲ್ಲೇಖಿಸಿದ ಸಿಎಸಿಪಿ. ದೊಡ್ಡ ರೈತರು ಕಟಾವು ಮಾಡುವ ಹೆಚ್ಚಿನ ಶೇಕಡಾವಾರು ಧಾನ್ಯ ಶೇಕರಿಸಲ್ಪಡುತ್ತಾರೆ ಎಂದು ಅಭಿಪ್ರಾಯಪಟ್ಟಿದೆ. ಹೀಗಾಗಿ ಮೊದಲಿಗೆ ಸರ್ಕಾರವು ಸಣ್ಣ ಮತ್ತು ಮಧ್ಯಮ ರೈತರಿಂದ ಪೂರ್ಣ ಪ್ರಮಾಣದ ಧಾನ್ಯವನ್ನು ಖರೀದಿಸಬೇಕು ಎಂದು ಸಲಹೆ ನೀಡಿದೆ.

ದೇಶದಾದ್ಯಂತ ಬೆಳೆಯುತ್ತಿರುವ ಭತ್ತದ ಕೃಷಿ, ಆಹಾರ ಧಾನ್ಯಗಳ ದಾಸ್ತಾನು ಹೆಚ್ಚಳದ ಹಿನ್ನೆಲೆಯಲ್ಲಿ ಕೃಷಿ ಬೆಲೆಗಳು ಮತ್ತು ವೆಚ್ಚಗಳ ಆಯೋಗ (ಸಿಎಸಿಪಿ) '2022-23 ಖಾರಿಫ್ ಬೆಳೆ ಬೆಲೆ ನೀತಿ' ಎಂಬ ವರದಿಯನ್ನು ಕೇಂದ್ರಕ್ಕೆ ಸಲ್ಲಿಸಿದೆ.

ಸಣ್ಣ ಮತ್ತು ಮಧ್ಯಮ ರೈತರಿಂದ ಭತ್ತವನ್ನು ಖರೀದಿಸಬೇಕು ಎಂದು ಸಿಎಸಿಪಿ ಶಿಫಾರಸು ಮಾಡಿದೆ. ದೊಡ್ಡ ರೈತರಿಂದ ಎರಡು ಹೆಕ್ಟೇರ್ ಮಾಗಿದ ಧಾನ್ಯವನ್ನು ಮಾತ್ರ ಖರೀದಿಸಬೇಕು. ಇದು ದೇಶದ ಆಹಾರ ಭದ್ರತೆಯನ್ನು ರಕ್ಷಿಸುವುದರ ಜೊತೆಗೆ ಬೆಳೆ ಸರದಿಯನ್ನು ಸುಗಮಗೊಳಿಸುತ್ತದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಸಿಎಸಿಪಿ ವರದಿ ಆಧರಿಸಿ ಕೇಂದ್ರ ಸರ್ಕಾರ 3 ದಿನಗಳ ಹಿಂದೆ ಮುಂಗಾರು ಹಂಗಾಮಿನ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆ ಹೆಚ್ಚಿಸಲು ನಿರ್ಧರಿಸಿತ್ತು. ಆದಾಗ್ಯೂ, ಮೋದಿ ಸರ್ಕಾರವು ಬೆಳೆ ಸರದಿಯತ್ತ ತನ್ನ ಗಮನವನ್ನು ಹೆಚ್ಚಿಸುತ್ತಿರುವುದರಿಂದ ಈ ಬಗ್ಗೆ ಶೀಘ್ರದಲ್ಲೇ ನಿರ್ಧಾರ ತೆಗೆದುಕೊಳ್ಳಬಹುದು ಎಂದು ನಿರೀಕ್ಷಿಸಲಾಗಿದೆ.

ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಬೆಳೆಗಳ ಪರಿವರ್ತನೆಗೆ ಪ್ರಯತ್ನಿಸುತ್ತಿದ್ದರೂ ಮಾರುಕಟ್ಟೆ ಸಮಸ್ಯೆ, ಕೈಗೆಟುಕಲಾಗದ ಬೆಲೆ ಮತ್ತು ಅಗತ್ಯ ತಂತ್ರಜ್ಞಾನದ ಅಲಭ್ಯತೆಯಿಂದಾಗಿ ರೈತರು ಪರ್ಯಾಯ ಬೆಳೆಗಳತ್ತ ಮುಖ ಮಾಡುತ್ತಿಲ್ಲ ಎಂದು ಸಿಎಸಿಪಿ ವರದಿ ಹೇಳಿದೆ. ಹೀಗಾಗಿ ರೈತರಿಗೆ ಸಹಾಯಕವಾಗುವ ಯೋಜನೆಗಳನ್ನು ಜಾರಿಗೆ ತರುವ ಮೂಲಕ ಅವರ ಆಧಾಯವನ್ನು ಹೆಚ್ಚಿಸಬೇಕಿದೆ ಎಂದು ಸಿಎಸಿಪಿ ಕೇಂದ್ರಕ್ಕೆ ಶಿಫಾರಸು ಮಾಡಿದೆ.

ಇದಲ್ಲದೇ CACP ಕನಿಷ್ಠ ಬೆಂಬಲ ಬೆಲೆಗೆ ಪ್ರಮುಖ ಉಲ್ಲೇಖಗಳನ್ನು ಮಾಡಿದ್ದು, ಭತ್ತಕ್ಕೆ ಕ್ವಿಂಟಲ್‌ಗೆ 4,513 ರೂ., ಮೆಕ್ಕೆಜೋಳಕ್ಕೆ 7,712 ರೂ., ಸಜ್ಜೆಗೆ 7,481 ರೂ., ಪೆಸರಿಗೆ 12,690 ರೂ., ಹತ್ತಿ ಕ್ವಿಂಟಲ್‌ಗೆ 15,890 ರೂ ನೀಡುವಂತೆ ಶಿಫಾರಸು ಮಾಡಿದೆ. ಆದರೆ, ಇತ್ತೀಚೆಗಷ್ಟೇ ಕೇಂದ್ರವು ಬೆಳೆಗಳ ಬೆಂಬಲ ಬೆಲೆ ಹೆಚ್ಚಿಸಿದ್ದು, ಸಿಎಸಿಪಿ ಪ್ರಸ್ತಾವನೆ ಕುರಿತು ಏನು ನಿರ್ಧಾರ ತೆಗೆದುಕೊಳ್ಳಲಿದೆ ಇನ್ನಷ್ಟೇ ತಿಳಿದುಬರಬೇಕಿದೆ.

ಇನ್ನು, ದೇಶದಲ್ಲಿ ಹೆಚ್ಚುತ್ತಿರುವ ರಸಗೊಬ್ಬರದ ಬಳಕೆ ಕುರಿತೂ ಸಹ ಆಯೋಗ ಮಾಹಿತಿ ನೀಡಿದೆ. ಆಯೋಗದ ಪ್ರಕಾರ ಬೆಳೆಗಳಿಗೆ ರಸಗೊಬ್ಬರ ಬಳಕೆಯಲ್ಲಿ ತೆಲಂಗಾಣ ಮೊದಲ ಸ್ಥಾನದಲ್ಲಿದೆ. ಇಲ್ಲಿ ಪ್ರತಿ ಹೆಕ್ಟೇರ್ ಭೂಮಿಗೆ 1 - 1.2 ಟನ್ ಗೊಬ್ಬರ ಬಳಸಲಾಗುತ್ತಿದೆ ಎಂದು ಆಯೋಗ ಹೇಳಿದೆ.