AIMIM ಮುಖ್ಯಸ್ಥ Asaduddin Owaisi ಕಾರಿನ ಮೇಲೆ ಗುಂಡಿನ ದಾಳಿ

ದೆಹಲಿಗೆ ತೆರಳುವಾಗ ಸಂಸದ ಅಸಾದುದ್ದೀನ್ ಓವೈಸಿ ಕಾರಿನ ಮೇಲೆ ದಾಳಿ ನಡೆಸಲಾಗಿದೆ. ನಾಲ್ಕು ಸುತ್ತಿನ ಬುಲೆಟ್‌ಗಳನ್ನು ಹಾರಿಸಲಾಗಿದ್ದು, ಟೈರ್‌ಗಳು ಪಂಕ್ಚರ್‌ ಆಗಿದೆ ಎಂದು ಸಂಸದರು ಫೋಟೋ ಸಮೇತ ಟ್ವೀಟ್​ ಮಾಡಿದ್ದಾರೆ.

ಮೂರು ನಾಲ್ಕು ಮಂದಿ ಅಪರಿಚಿತರು ಈ ದಾಳಿ ನಡೆಸಿದ್ದು, ಘಟನೆ ಬಳಿಕ ಅವರೆಲ್ಲಾ ಅಲ್ಲಿಯೇ ಶಸ್ತ್ರಾಸ್ತ್ರ ಬಿಟ್ಟು ಓಡಿ ಹೋಗಿದ್ದಾರೆ.

ನಾವು ಸುರಕ್ಷಿತವಾಗಿದ್ದು, ಮತ್ತೊಂದು ವಾಹನದಲ್ಲಿ ಪ್ರಯಾಣ ಮುಂದುವರೆಸಿರುವುದಾಗಿ ಅವರು ತಿಳಿಸಿದ್ದಾರೆ.

ಹೈದರಾಬಾದ್‌ನ ಲೋಕಸಭಾ ಸಂಸದ ಓವೈಸಿ ಅವರು ಕಿಥೌರ್‌ನಲ್ಲಿ ಚುನಾವಣಾ ಕಾರ್ಯಕ್ರಮ ಮುಗಿಸಿ ದೆಹಲಿಗೆ ತೆರಳುತ್ತಿದ್ದರು.

 ಘಟನೆ ಕುರಿತು ಉತ್ತರ ಪ್ರದೇಶ ಪೊಲೀಸರಿಂದ ಯಾವುದೇ ಪ್ರತಿಕ್ರಿಯೆ ವ್ಯಕ್ತಿವಾಗಿಲ್ಲ. ಈ ಸಂಬಂಧ ಇದುವರೆಗೂ ಯಾರನ್ನೂ ಬಂಧಿಸಿಲ್ಲ