Viral Video: ಮದುವೆ ಶಾಸ್ತ್ರ ನಡೆಯುತ್ತಿದ್ದಾಗಲೇ ನಿದ್ದೆಗೆ ಜಾರಿದ ವಧು! ವರ ಮಾಡಿದ್ದೇನು? ವಿಡಿಯೋ ವೈರಲ್‌!

ಹೌದು.. ನೀವ್ ಅಂದ್ಕೊಂಡಂತೆ ಮೇಲೆ ಹೇಳಿರೋ ಹಾಡಿನ ಸಾಲುಗಳನ್ನು ಉಲ್ಲೇಖ ಮಾಡಿರೋದು ತಮಾಷೆಗೆ. ಆದರೆ ಹಾಗೆ ಹೇಳೋಕೂ ಕಾರಣ ಇದೆ. ಯಾಕಂದ್ರೆ ತನ್ನ ಮದುವೆಯ ದಿನಾನೇ ಛತ್ರದಲ್ಲಿ ಒಬ್ಬಳು ವಧು ನಿದ್ದೆ ಮಾಡ್ತಾಳೆ ಅಂದ್ರೆ ನಂಬ್ರೀರಾ? ಅದೂ ಅರ್ಚಕರು ಪೂಜೆ ಮಾಡೋವಾಗ್ಲೇ!

ಇಲ್ಲೊಬ್ಬಳು ವಧು ತನ್ನ ಮದುವೆ ದಿನಾನೆ ಅರ್ಚಕರ ಮುಂದೆ ಕೂತ್ಕೊಂಡು ನಿದ್ದೆ ಮಾಡ್ತಿರೋ ವಿಡಿಯೋ ವೈರಲ್ ಆಗಿದೆ. ಅರ್ಚಕರು ವಧು ವರರನ್ನು ಕೂರಿಸ್ಕೊಂಡು ಮಂತ್ರ ಹೇಳ್ತಿದ್ರೆ ಇತ್ತ ಮಧುಮಗಳು ಕೂತಲ್ಲಿಂದಲೇ ಗಡದ್ ನಿದ್ದೆಗೆ ಜಾರಿದ್ದಾಳೆ.

ಅರ್ಚಕರು ಮಂತ್ರ ಹೇಳ್ತಿದ್ದಂತೆ ಮಧುಮಗಳು ಕೂತಲ್ಲಿಂದಲೇ ತನ್ನ ಮುಖದ ಮೇಲೆ ಕೈಯಿಟ್ಟು ನಿದ್ದೆ ಮಾಡ್ತಿರೋವಾಗ ವರ ಆಕೆಯನ್ನು ತಟ್ಟಿ ಎಬ್ಬಿಸಿದ್ದಾನೆ. ತಕ್ಷಣ ಎಚ್ಚೆತ್ತ ವಧು ಪುನಃ ವಾಸ್ತವಕ್ಕೆ ಮರಳಿದ್ದಾಳೆ.

ನಿದ್ದೆಯಿಂದ ಎದ್ದ ವಧು ತನ್ನನ್ನು ಯಾರಾದ್ರು ನೋಡಿದ್ದಾರಾ ಎಂದು ಆಚೀಚೆ ನೋಡಿದ್ದಾಳೆ. ಆಕೆಯ ದುರಾದೃಷ್ಟಕ್ಕೆ ವಿಡಿಯೋಗ್ರಾಫರ್ ತಾನು ನಿದ್ದೆ ಮಾಡೋದನ್ನು ವಿಡಿಯೋ ಮಾಡ್ತಿದ್ದಾನೆ ಎಂದು ಅರಿತಾಗ ನಾಚಿ ನಕ್ಕಿದ್ದಾಳೆ.

ಮಧುಮಗಳು ಮದುವೆ ಮಂಟಪದಲ್ಲಿಯೇ ನಿದ್ದೆ ಮಾಡಿರೋ ವಿಡಿಯೋವನ್ನು ಫೋಟೋಗ್ರಾಫರ್ ತಮ್ಮ ಇನ್ಸ್‌ಟಾಗ್ರಾಂ ಅಕೌಂಟ್‌ನಲ್ಲಿ ಶೇರ್ ಮಾಡಿದ್ದಾರೆ. ಈ ವಿಡಿಯೋ ಈವರೆಗೆ ಕಡಿಮೆ ಅವಧಿಯಲ್ಲಿ 7 ಮಿಲಿಯನ್‌ಗೂ ಹೆಚ್ಚು ವೀವ್ಸ್‌ ಪಡೆದಿದೆ.

ಸೋಶಿಯಲ್ ಮೀಡಿಯಾದಲ್ಲಿ ಟ್ರೆಂಡ್ ಸೃಷ್ಟಿಸಿರೋ ಈ ವಿಡಿಯೋವನ್ನು ಲಕ್ಷ ಲಕ್ಷ ಜನ ಶೇರ್ ಮಾಡಿದ್ದು, ಸಾವಿರಾರು ಜನರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅನೇಕರು ತಮಾಷೆ, ತರಲೆ ಕಾಮೆಂಟ್ ಹಾಕಿ ನೆಟ್ಟಿಗರನ್ನು ನಗಿಸಿದ್ದಾರೆ. ಆದರೆ ಈ ವಿಡಿಯೋ ಎಲ್ಲಿಯದ್ದು ಅನ್ನೋದು ಇನ್ನೂ ಗೊತ್ತಾಗಿಲ್ಲ.

ವಧು ಮದುವೆ ಮಂಟಪದಲ್ಲೇ ನಿದ್ದೆ ಮಾಡಿರೋದು ನಮಗೆ ತಮಾಷೆ ಅನ್ನಿಸಿದ್ರೂ, ಪಾಪ ವಧು ವರರ ಕಷ್ಟ ಅವರಿಗೇ ಗೊತ್ತು. ಯಾಕಂದ್ರೆ ಶಾಸ್ತ್ರ ಅದು ಇದು ಅಂತೇಳಿ ಹಿಂದಿನ ದಿನ ರಾತ್ರಿ ಮಲಗೋದು ತಡವಾಗಿರುತ್ತೆ. ಹೀಗಾಗಿ ಸಹಜವಾಗಿಯೇ ಮದುವೆ ಮಂಟಪದಲ್ಲಿ ನಿದ್ದೆ ಬರೋದು ದೊಡ್ಡ ಸಂಗತಿಯೇನಲ್ಲ. ಅದೇನೇ ಇರಲಿ, ಲಕ್ಷಾಂತರ ಮಂದಿ ಈ ವಿಡಿಯೋವನ್ನು ಎಂಜಾಯ್ ಮಾಡಿದ್ದಂತೂ ಸುಳ್ಳಲ್ಲ.