(PHOTOS) : ತಮಿಳುನಾಡಿನಲ್ಲಿ ಪೊಂಗಲ್ ; ಜಲ್ಲಿಕಟ್ಟು ಆಡಿ ಸಂಭ್ರಮಿಸಿದ ಜನರು

ತಮಿಳುನಾಡಿನೆಲ್ಲಡೆ ಇಂದು ಪೊಂಗಲ್​ ಸಂಭ್ರಮ ಮನೆ ಮಾಡಿದೆ. ಪೊಂಗಲ್​ ದಿನ ಪ್ರತಿವರ್ಷ ನಡೆಸಲಾಗುವ ಜಲ್ಲಿಕಟ್ಟು ಸಾಂಪ್ರದಾಯಿಕ ಕ್ರೀಡೆ ಈಗಾಗಲೇ ಕೆಲವೆಡೆ ಆರಂಭಗೊಂಡಿದೆ. ಮಧುರೈನ ಅವನಿಯಪುರಂನಲ್ಲಿ ಬೆಳಗ್ಗೆ ಜಲ್ಲಿಕಟ್ಟು ಕ್ರೀಡೆ ಆರಂಭಗೊಂಡಿದೆ. ಹೋರಿಗಳನ್ನು ಜನರ ನಡುವೆ ಹಾಯಿಸಿ, ಅದನ್ನು ಹಿಡಿದು ಪಳಗಿಸುವ ತಮಿಳರ ಸಾಂಪ್ರದಾಯಿಕ ಕ್ರೀಡೆ ಇದಾಗಿದೆ. ಜಲ್ಲಿಕಟ್ಟು ವಿವಾದ ಈ ಹಿಂದೆ ಭಾರಿ ಸುದ್ದಿ ಮಾಡಿತ್ತು. ಇದರಿಂದ ಪ್ರಾಣಿಗಳಿಗೆ ಹಾಗೂ ಮನುಷ್ಯರಿಗೂ ತೊಂದರೆಯಾಗುತ್ತಿದೆ ಎಂದು ನಿಷೇಧಿಸುವಂತೆ ಪ್ರಾಣಿ ದಯಾ ಸಂಘ ಕೋರ್ಟ್​ ಮೆಟ್ಟಿಲೇರಿತ್ತು. 2006ರಲ್ಲಿ ಮದ್ರಾಸ್​ ಹೈಕೋರ್ಟ್​ ಪೀಠದ ಎದುರು ಜಲ್ಲಿಕಟ್ಟು ನಿಷೇಧಿಸುವ ಅರ್ಜಿ ವಿಚಾರಣೆ ನಡೆಯಿತು. 2009ರಲ್ಲಿ ತಮಿಳುನಾಡು ಸರ್ಕಾರ ಜಲ್ಲಿಕಟ್ಟು ನಿಯಂತ್ರಣ ಕಾಯ್ದೆ ಅಂಗೀಕರಿಸಿ, ಕ್ರೀಡೆಗೆ ಇಂತಿಷ್ಟು ಸಮಯ ನಿಗಧಿಗೊಳಿಸಿತ್ತು.ವಿವಾದಗಳ ನಡುವೆಯೂ ಈಗ ಮತ್ತೆ ಜಲ್ಲಿಕಟ್ಟು ನಡೆಯುತ್ತಿದ್ದು, ತಮಿಳರು ಸಂಭ್ರಮದಿಂದ ಪಾಳ್ಗೊಳ್ಳುತ್ತಿದ್ದಾರೆ ಈ ಜಲ್ಲಿಕಟ್ಟುಚಿನ ಕೆಲವು ಚಿತ್ರಗಳು ನ್ಯೂಸ್ 18 ಕನ್ನಡದಲ್ಲಿ