Boris Johnson: ಯಾರು ಈ ಕ್ಯಾರಿ ಸೈಮಂಡ್ಸ್? ಬ್ರಿಟನ್ ಪ್ರಧಾನಿಯನ್ನು ಮದುವೆಯಾಗಿರೋ ಚೆಲುವೆ ಸಾಮಾನ್ಯದವಳಲ್ಲ..!

ಮೇ 29ರಂದು ಅಂದರೆ ಮೊನ್ನೆ ಇಂಗ್ಲೆಂಡ್ ಪ್ರಧಾನಿ ಬೋರಿಸ್ ಜಾನ್ಸನ್​ ಗುಟ್ಟಾಗಿ ಮದುವೆಯಾಗಿದ್ದರು. ಇವರ ರಹಸ್ಯ ಮದುವೆಯ ವಿಷಯ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿತ್ತು. ಇಂಗ್ಲೆಂಡ್ ಪ್ರಧಾನಿಯನ್ನು ವರಿಸಿದ ಹುಡುಗಿ ಯಾರು ಎಂದು ನೆಟ್ಟಿಗರು ಗೂಗಲ್​ನಲ್ಲಿ ಹುಡುಕಾಟ ನಡೆಸಿದ್ದರು. ಹಾಗಾದ್ರೆ ಬೋರಿಸ್ ಜಾನ್ಸನ್​ ಅವರ ಪತ್ನಿ ಯಾರು? ಅವರ ಹಿನ್ನೆಲೆ ಏನು? ಅಂತೀರಾ..! ಮುಂದೆ ಓದಿ.

ಇಂಗ್ಲೆಂಡ್ ಪ್ರಧಾನಿ ಬೋರಿಸ್ ಜಾನ್ಸನ್​ ಶನಿವಾರ ವೆಸ್ಟ್​ಮಿನ್​ಸ್ಟರ್​ ಕ್ಯಾಥೆಡ್ರಲ್​ನಲ್ಲಿ ನಡೆದ ರಹಸ್ಯ ಸಮಾರಂಭದಲ್ಲಿ ತನ್ನ ಪ್ರೇಯಸಿ ಕ್ಯಾರಿ ಸೈಮಂಡ್ಸ್​ ಅವರನ್ನು ಗುಟ್ಟಾಗಿ ಮದುವೆಯಾದರು.

ಕ್ಯಾಥೋಲಿಕ್​ ಕ್ಯಾಥೆಡ್ರಲ್​ನ್ನು ಮಧ್ಯಾಹ್ನ 1.30ರ ಸಮಯದಲ್ಲಿ ತಕ್ಷಣ ಮುಚ್ಚಲಾಗಿತ್ತು. ಅರ್ಧ ಗಂಟೆಯ ಬಳಿಕ 33 ವರ್ಷದ ಸೈಮಂಡ್ಸ್ ಶ್ವೇತ ವರ್ಣದ ಉಡುಪು ಧರಿಸಿ​ ಐಷಾರಾಮಿ ಲಿಮೊಸಿನ್ ಕಾರಿನಲ್ಲಿ ಆಗಮಿಸಿದ್ದರು.

56 ವರ್ಷದ ಬೋರಿಸ್ ಜಾನ್ಸನ್​ ಮತ್ತು 33 ವರ್ಷದ ಸೈಮಂಡ್ಸ್​ ಇಬ್ಬರೂ ಸಹ 2019ರಿಂದಲೂ, ಅಂದರೆ ಜಾನ್ಸನ್​ ಅವರು ಇಂಗ್ಲೆಂಡ್​​ನ ಪ್ರಧಾನಿಯಾದ ಬಳಿಕ ಡೌನಿಂಗ್ ಸ್ಟ್ರೀಟ್​​​ನಲ್ಲಿ ಒಟ್ಟಿಗೆ(ಲಿವಿಂಗ್ ಟುಗೆದರ್) ಇದ್ದರು.

ಕಳೆದ ವರ್ಷ (2020) ಫೆಬ್ರವರಿ ತಿಂಗಳಿನಲ್ಲಿ ಎಂಗೇಜ್​ ಆಗಿರುವುದಾಗಿ ತಿಳಿಸಿದ್ದ ಇವರು, ಮಗುವಿನ ನಿರೀಕ್ಷೆಯಲ್ಲಿದ್ದೇವೆ ಎಂದೂ ಸಹ ಹೇಳಿದ್ದರು.​

ಆದರೆ ಅದೇ ವರ್ಷ ಏಪ್ರಿಲ್ ತಿಂಗಳಿನಲ್ಲಿ ಜಾನ್ಸನ್​​ ಅವರಿಗೆ ಕೊರೋನಾ ಸೋಂಕು ತಗುಲುತ್ತದೆ. ಮೂರು ದಿನ ನರಕಯಾತನೆ ಅನುಭವಿಸುತ್ತಾರೆ ಜಾನ್ಸನ್​. ಅದೇ ತಿಂಗಳು ಸೈಮಂಡ್ಸ್​ ಮಗುವಿಗೆ ಜನ್ಮ ನೀಡುತ್ತಾರೆ. ಅವರೇ ವಿಲ್ಫ್ರೆಡ್​ ಲಾವ್ರಿ ನಿಕೋಲಸ್ ಜಾನ್ಸನ್​​.

ಈ ಸಮಯಲ್ಲಿ ಜೀವನವೇ ಕತ್ತಲು ಎನಿಸಿತ್ತು. ಕೊರೋನಾ ಸೋಂಕಿನಿಂದಾಗಿ ಗಂಡ ಜಾನ್ಸನ್​ ಆಸ್ಪತ್ರೆ ಸೇರಿದ್ದರು ಎಂದು ಸೈಮಂಡ್ಸ್ ಹೇಳಿಕೊಂಡಿದ್ದರು.

ಜಾನ್ಸನ್​​​ ಟೋರಿ ಪಕ್ಷದ ನಾಯಕನಾಗುವ ಮುನ್ನವೇ ಅಂದರೆ 2019ರ ಆರಂಭದಲ್ಲಿ ಸೈಮಂಡ್ಸ್​​ಗೆ ಜಾನ್ಸನ್​ ಮೇಲೆ ಪ್ರೇಮಾಂಕುರ ಆಗಿತ್ತು.

ಜಾನ್ಸನ್​ ಅವರೊಂದಿಗೆ ಸುದೀರ್ಘ ಸಂಬಂಧ ಬೆಳೆಯುವ ಮುಂಚೆಯೇ ಸೈಮಂಡ್ಸ್​ ಪೊಲಿಟಿಕಕಲ್ ಪಿಆರ್​ ಆಗಿ ಗುರುತಿಸಿಕೊಂಡಿದ್ದರು. ಪಿಆರ್​ ವೀಕ್​ ಇನ್​ 2018 ಎಂಬ ಮ್ಯಾಗಜಿನ್​ನಲ್ಲಿ ರಾಜಕೀಯ ಸಂವಹನದಲ್ಲಿ ಟಾಪ್​ 10 ವ್ಯಕ್ತಿಗಳಲ್ಲಿ ಸೈಮಂಡ್ಸ್​ ಎರಡನೆಯವರಾಗಿದ್ದರು.

ಸೈಮಂಡ್ಸ್​ ಅವರು ತಮ್ಮ 29ನೇ ವಯಸ್ಸಿನಲ್ಲಿ ಕನ್ಸರ್ವೇಟಿವ್​ ಪಕ್ಷದ ಸಂವಹನ ನಿರ್ದೇಶಕಿಯಾಕಿ ನೇಮಕಗೊಂಡಿದ್ದರು. ಅತೀ ಚಿಕ್ಕ ವಯಸ್ಸಿಗೆ ದೊಡ್ಡ ಜವಾಬ್ದಾರಿ ನಿಭಾಯಿಸುವ ಹೊರೆ ಅವರ ಹೆಗಲ ಮೇಲಿತ್ತು.

ಸೈಮಂಡ್ಸ್ ಅವರು ವಯಸ್ಸಿನಲ್ಲಿ​ ಬೋರಿಸ್​ ಜಾನ್ಸನ್​ ಅವರಿಗಿಂತ 23 ವರ್ಷ ಚಿಕ್ಕವರಾಗಿದ್ದಾರೆ.​ ಜಾನ್ಸನ್ ಅವರು ವಯಸ್ಸಿನಲ್ಲಿ ಚಿಕ್ಕವರಂತೆ ಕಾಣಲು ಸ್ಮಾರ್ಟರ್​ ಹೇರ್​ ಕಟ್ ಮಾಡಿಸುವುದು, ತೂಕ ಕಳೆದುಕೊಳ್ಳುವುದು ಇಂತೆಲ್ಲಾ ಪ್ರಯತ್ನಗಳನ್ನು ಮಾಡಿದ್ದರಂತೆ.