57ನೇ ವರ್ಷದಲ್ಲಿ 7ನೇ ಮಗುವಿನ ತಂದೆಯಾದ ಬ್ರಿಟನ್​ ಪ್ರಧಾನಿ ಬೋರಿಸ್​ ಜಾನ್ಸನ್​​

ಕ್ಯಾರಿ ಜಾನ್ಸನ್ ಅವರು 2021ರ ಆರಂಭದಲ್ಲಿ ಗರ್ಭಪಾತವಾಗಿರುವ ವಿಷಯವನ್ನು ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಂನಲ್ಲಿ ಬಹಿರಂಗಪಡಿಸಿದರು. ಇದಾದ ಬಳಿಕ ಅವರು ಇಂದು ಆರೋಗ್ಯಯುತ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ

ಮಗುವಿನ ಆಗಮನದ ಸಂತಸ ಹಂಚಿಕೊಂಡಿದ್ದ ಬ್ರಿಟನ್​ ಪ್ರಧಾನಿ ಪತ್ನಿ ಕ್ಯಾರಿ ಜಾನ್ಸನ್​, ಕ್ರಿಸ್​ಮಸ್​ ಸಮಯದಲ್ಲಿ ಹೊಸ ಕಾಮನಬಿಲ್ಲು ನಮ್ಮ ಜೀವನದಲ್ಲಿ ಮೂಡಿದೆ. ನನಗೆ ಆದ ಗರ್ಭಪಾತದಿಂದ ನಾನು ಸಾಕಷ್ಟು ಎದೆ ಗುಂದಿದ್ದೆ. ಆದರೆ, ಈಗ ಮತ್ತು ನಾನು ತಾಯಿಯಾಗುತ್ತಿದ್ದು, ಖುಷಿ ಮೂಡಿಸಿದೆ ಎಂದಿದ್ದರು

ಪ್ರಧಾನಿ ಬೋರಿಸ್​ ಜಾನ್ಸನ್​ ಕ್ಯಾರಿ ಅವರನ್ನು ಮದುವೆಯಾಗುವ ಮುನ್ನ ಎರಡು ಬಾರಿ ಮದುವೆಯಾಗಿದ್ದಾರೆ. ಅವರಿಗೆ ಒಟ್ಟು ಎಷ್ಟು ಮಕ್ಕಳಿವೆ ಎಂಬುದನ್ನು ಅವರು ತಿಳಿಸಲು ನಿರಾಕರಿಸಿದ್ದಾರೆ. ಜಾನ್ಸನ್​​ ಅವರ ಎರಡನೇ ಪತ್ನಿ ವಕೀಲೆ ಆಗಿರುವ ಮರೀನಾ ವೀಲರ್ ಜೊತೆ ನಾಲ್ಕು ಮಕ್ಕಳನ್ನು ಹೊಂದಿದ್ದರು.

ಬೋರಿಸ್​ ಜಾನ್ಸನ್​​ ಈ ವರ್ಷದ ಮೇ ತಿಂಗಳಲ್ಲಿ ಕ್ಯಾರಿ ಅವರನ್ನು ಲಂಡನ್‌ನ ವೆಸ್ಟ್‌ಮಿನಿಸ್ಟರ್ ಕ್ಯಾಥೆಡ್ರಲ್‌ನಲ್ಲಿ ರಹಸ್ಯವಾಗಿ ಮದುವೆಯಾಗಿದ್ದರು. ಇನ್ನು ಕ್ಯಾರಿ ಮತ್ತು ಬೋರಿಸ್​ ನಡುವೆ 24 ವರ್ಷ ಅಂತರ ಇದೆ

ಹೆಣ್ಣು ಮಗುವಿನ ತಂದೆಯಾಗಿರುವ ಬ್ರಿಟನ್​ ಪ್ರಧಾನಿ ಅವರಿಗೆ ಶುಭ ಕೋರಿ ವಿರೋಧ ಪಕ್ಷದ ಲೇಬರ್ ಪಕ್ಷದ ನಾಯಕ ಕೀರ್ ಸ್ಟಾರ್ಮರ್ ಟ್ವೀಟ್ ಮಾಡಿದ್ದಾರೆ, ನಿಮ್ಮ ಕುಟುಂಬದ ಆರೋಗ್ಯ ಮತ್ತು ಸಂತೋಷವನ್ನು ಬಯಸುತ್ತೇನೆ ಎಂದು ಅವರು ತಿಳಿಸಿದ್ದಾರೆ

ಜಾನ್ಸನ್ ಕಳೆದ ಸೆಪ್ಟೆಂಬರ್‌ನಲ್ಲಿ ನಡೆದ ಸಂದರ್ಶನವೊಂದರಲ್ಲಿ ತನಗೆ ಆರು ಮಕ್ಕಳಿದ್ದಾರೆ ಎಂದು ಮೊದಲು ಒಪ್ಪಿಕೊಂಡಿದ್ದರು. ಮಗುವಿನ ಕುರಿತು ಪ್ರಶ್ನೆಗಳು ಎದುರಾದಾಗ ಅವರು ಯಾವಾಗಲೂ ಹಾರಿಕೆ ಉತ್ತರ ನೀಡುತ್ತಿದ್ದರು.