ಅಫ್ಘಾನಿಸ್ತಾನದ ಕಾಬೂಲ್ನಲ್ಲಿ ಪ್ರೌಢಶಾಲೆಯಲ್ಲಿ ಮೂರು ಸ್ಪೋಟ ಸಂಭವಿಸಿದ್ದು, ಹಲವು ಜನರು ಸಾವನ್ನಪ್ಪಿರುವ ವರದಿ ಆಗಿದೆ. ಈ ಸಂಬಂಧ ಅಫ್ಘಾನಿಸ್ತಾನದ ಭದ್ರತಾ ಮತ್ತು ಆರೋಗ್ಯ ಅಧಿಕಾರಿಗಳು ಮಾಹಿತಿ ನೀಡಿದ್ದು ಶಿಯಾ ಮುಸ್ಲಿಂರನ್ನು ಗುರಿಯಾಗಿಸಿಕೊಂಡು ಈ ದಾಳಿ ನಡೆಸಾಗಿದೆ ಎನ್ನಲಾಗಿದೆ.
2/ 8
ದೇಶದಲ್ಲಿ ಶಿಯಾ ಹಜಾರ ಮತ್ತು ಸುನ್ನಿ ಗುಂಪುಗಳ ನಡುವೆ ಆಗ್ಗಿಂದಾಗೆ ಜನಾಂಗೀಯ ಹೋರಾಟಗಳು ನಡೆಯುತ್ತಿರುತ್ತವೆ. ಶಿಯಾ ಜನರನ್ನು ಗುರಿಯಾಗಿಸಿ ಈ ಸ್ಪೋಟ ನಡೆಸಲಾಗಿದ್ದು ಘಟನೆಯಲ್ಲಿ ಕನಿಷ್ಟ 5 ಮಂದಿ ಸಾವನ್ನಪ್ಪಿದ್ದು, 14 ಮಂದಿ ಗಾಯಗೊಂಡಿದ್ದಾರೆ ಎಂದು ಕಾಬೂಲ್‌ನ ಕಮಾಂಡರ್‌ನ ವಕ್ತಾರ ಖಾಲಿದ್ ಜದ್ರಾನ್ ತಿಳಿಸಿದ್ದಾರೆ.
3/ 8
ಮೊದಲು ಮುಮ್ತಾಜ್ ಶಾಲೆ ಸಮೀಪ ಗ್ರೇನೆಡ್ ದಾಳಿ ನಡೆಸಲಾಗಿದೆ. ಎರಡನೇ ದಾಳಿ ಅಬ್ದುಲ್ ರಹೀಮ್ ಶಹೀದ್ ಶಾಲೆಯಲ್ಲಿ ಆಗಿದ್ದು, ಈ ವೇಳೆ ಅನೇಕ ಮಕ್ಕಳು ಶಾಲೆಯಲ್ಲಿ ಇದ್ದರು ಎಂದು ತಿಳಿದು ಬಂದಿದೆ
4/ 8
ಘಟನೆ ದಾಳಿ ಕುರಿತು ಇನ್ನು ಯಾರು ಕೂಡ ಹೊಣೆ ಹೊತ್ತುಕೊಂಡಿಲ್ಲ. ಕಳೆದ ವರ್ಷ ಅಫ್ಘಾನ್ ಅನ್ನಲ್ಲಿದ್ದ ಅಮೆರಿಕ ಸೈನ್ಯ ಹಿಂದಿರುಗಿದ ಬಳಿಕ ತಾಲಿಬಾನ್ ಸರ್ಕಾರ ರಚಿಸಿದೆ.
5/ 8
ತಾಲಿಬಾನ್ ಅವರು ಆಗಸ್ಟ್‌ನಲ್ಲಿ ಅಧಿಕಾರ ವಹಿಸಿಕೊಂಡ ನಂತರ ದೇಶವನ್ನು ಸುರಕ್ಷಿತ ವಾತಾವರಣ ಸೃಷ್ಟಿಸಿರುವುದಾಗಿ ಹೇಳಿಕೊಂಡಿತು.
6/ 8
ಆದರೆ ಅಂತರರಾಷ್ಟ್ರೀಯ ಅಧಿಕಾರಿಗಳು ಮತ್ತು ವಿಶ್ಲೇಷಕರು ಭಯೋತ್ಪಾದನೆಯಲ್ಲಿ ಮತ್ತೆ ಅಪಾಯ ಇದೆ. ಇಸ್ಲಾಮಿಕ್ ಸ್ಟೇಟ್ ಉಗ್ರಗಾಮಿ ಗುಂಪು ಹಲವಾರು ಪ್ರಮುಖ ದಾಳಿಗಳನ್ನು ಮಾಡುತ್ತಿವೆ ಎಂದು ತಿಳಿಸಿದೆ
7/ 8
ಪಶ್ಚಿಮ ಕಾಬೂಲ್ನಲ್ಲಿ ಎರಡು ಬಾಂಬ್ ಸ್ಫೋಟಗಳು ನಡೆದಿದ್ದು, ಆರು ಜನರು ಸಾವನ್ನಪ್ಪಿದ್ದಾರೆ. ಅನೇಕ ಮಂದಿ ಗಾಯಗೊಂಡಿದ್ದಾರೆ ಎಂದು ಸ್ಥಳೀಯ ಮೂಲಗಳು ಇಂದು ಸ್ಪುಟ್ನಿಕ್‌ಗೆ ತಿಳಿಸಿವೆ.
8/ 8
ಶಾಲೆ ಮೇಲೆ ನಡೆದ ಮೂರು ಸ್ಪೋಟ ಪ್ರಕರಣ ಕುರಿತು ಪ್ರತಿಕ್ರಿಯಿಸಿರುವ ತಾಲಿಬಾನ್ ಸರ್ಕಾರ, ಪ್ರಕರಣ ಸಂಬಂಧ ತನಿಖೆ ನಡೆಸಿದ್ದು, ಶೀಘ್ರದಲ್ಲೇ ಮಾಹಿತಿ ನೀಡಲಾಗುವುದು ಎಂದರು.
