Bizarre Laws: ಈ ದೇಶಗಳಲ್ಲಿ ಚುಂಬಿಸಿದರೆ, ಸೆಲ್ಫಿ ಕ್ಲಿಕ್ಕಿಸಿದ್ರೆ ಭಾರೀ ದಂಡ! ಹೈ ಹೀಲ್ಸ್​ ಧರಿಸಿದ್ರೂ ಬೀಳುತ್ತೆ ಫೈನ್!

ಪ್ರವಾಸವನ್ನು ಇಷ್ಟಪಡುವವರು ಪ್ರಪಂಚದ ವಿವಿಧ ದೇಶಗಳನ್ನು ಸುತ್ತುತ್ತಾರೆ. ಆದರೆ ಕೆಲವು ದೇಶಗಳಲ್ಲಿ ವಿಚಿತ್ರ ಕಾನೂನುಗಳು ಪ್ರವಾಸಿಗರಿಗೆ ತಲೆನೋವು ತರುವುದು ಖಚಿತ. ಆದಾಗ್ಯೂ, ಆ ದೇಶಗಳಲ್ಲಿ, ನೀವು ಆ ಕಾನೂನುಗಳನ್ನು ಉಲ್ಲಂಘಿಸಿದರೆ ಭಾರಿ ದಂಡವನ್ನು ಪಾವತಿಸಬೇಕಾಗುತ್ತದೆ. ಇಲ್ಲದಿದ್ದರೆ ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ. ಆ ವಿಚಿತ್ರ ಕಾನೂನುಗಳ ಬಗ್ಗೆ ಇಲ್ಲಿ ತಿಳಿದುಕೊಳ್ಳೋಣ.

ಸ್ಪೇನ್‌ನ ಮಲಗಾ ರೆಸಾರ್ಟ್ ​ ಈ ವಿಚಿತ್ರ ಕಾನೂನುಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಇಲ್ಲಿ ರಾತ್ರಿ ಕಳೆಯುವುದು ಬಹಳ ಜನಪ್ರಿಯವಾಗಿದೆ. ಆದರೆ ಇಲ್ಲಿಗೆ ಬರುವ ಪ್ರವಾಸಿಗರ ಸರಿಯಾಗಿ ಉಡುಗೆ ತೊಡದೆ ಕೂಲ್​ ಆಗಿ ಸುತ್ತಾಡುವ ವರ್ತನೆಯನ್ನು ಸ್ಥಳೀಯ ಜನರು ಇಷ್ಟಪಡುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ, ಸ್ಥಳೀಯ ಆಡಳಿತವು ಪುಟ್ಟ ಬಟ್ಟೆ ಅಥವಾ ಆಕ್ಷೇಪಾರ್ಹ ವಸ್ತುಗಳನ್ನು ಹೊಂದಿರುವ ಜನರಿಗೆ 663 ಯೂರೋ ಅಂದರೆ 68 ಸಾವಿರ ದಂಡವನ್ನು ವಿಧಿಸಲಿದೆ. ಇಷ್ಟೇ ಅಲ್ಲ ಸ್ಪೇನ್ ನ ಟೆನೆರಿಫ್​ನಲ್ಲಿ ರಸ್ತೆಗಳಲ್ಲಿ ಓಡಾಡುವ ಪ್ರಾಣಿಗಳಿಗೆ ಆಹಾರ ನೀಡಿದರೆ 66 ಸಾವಿರದವರೆಗೆ ದಂಡ ವಿಧಿಸಬಹುದಾಗಿದೆ.

ಸುಂದರವಾದ ದೇಶವಾದ ಗ್ರೀಸ್‌ನ ರಾಜಧಾನಿ ಅಥೆನ್ಸ್‌ನಲ್ಲಿ ಕೆಲವು ಸ್ಥಳಗಳಲ್ಲಿ ಪ್ರವಾಸಿಗರು ಹೈ ಹೀಲ್ಸ್ ಧರಿಸುವುದನ್ನು ನಿಷೇಧಿಸಲಾಗಿದೆ. ಆಕ್ರೊಪೊಲಿಸ್, ಎಪಿಡಾರಸ್ ಥಿಯೇಟರ್ ಮತ್ತು ಪೆಲೋಪೊನೀಸ್ ಪ್ರದೇಶಕ್ಕೆ ಭೇಟಿ ನೀಡುವ ಪ್ರವಾಸಿಗರು ಹೈ ಹೀಲ್ಸ್ ಧರಿಸಲು ಅನುಮತಿಸಲಾಗುವುದಿಲ್ಲ. ಈ ಪಾದರಕ್ಷೆಗಳು ಪ್ರಾಚೀನ ಪರಂಪರೆಗೆ ಹಾನಿಯುಂಟುಮಾಡುವ ಕಾರಣ 2009 ರಲ್ಲಿ ಈ ನಿಷೇಧವನ್ನು ಏರಲಾಗಿದೆ. ಪ್ರವಾಸಿಗರು ಮೃದುವಾದ ಅಡಿಭಾಗ ಹೊಂದಿರುವ ಶೂಸ್​ಗಳನ್ನು ಮಾತ್ರ ಧರಿಸಬೇಕು ಎಂದು ಕಾನೂನು ಮಾಡಲಾಗಿದೆ.

ನೀವು ಥೈಲ್ಯಾಂಡ್‌ನಲ್ಲಿ ಪ್ರಯಾಣಿಸಬೇಕೆಂದರೆ ಈ ವಿಶೇಷ ನಿಯಮವನ್ನು ನೆನಪಿಟನಲ್ಲಿಟ್ಟುಕೊಳ್ಳಬೇಕು. ಮೈಮರೆತರೆ ಅದು ನಿಮ್ಮನ್ನು 15 ವರ್ಷಗಳ ಕಾಲ ಜೈಲಿನಲ್ಲಿ ಕಳೆಯುವಂತೆ ಮಾಡುತ್ತದೆ. ಇಲ್ಲಿಗೆ ಓಡಾಡುವಾಗ ಅಕಸ್ಮಾತ್ ಥಾಯ್ಲೆಂಡ್​ನ ಕರೆನ್ಸಿ ಮೇಲೆ ಕಾಲಿಟ್ಟರೆ ನೇರವಾಗಿ ಜೈಲಿಗೆ ಹೋಗಬೇಕಾಗುತ್ತದೆ. ಇದು ಇಲ್ಲಿ ದೊಡ್ಡ ಅಪರಾಧ ಎಂದು ಪರಿಗಣಿಸಲಾಗಿದೆ.

ಇಟಲಿಗೆ ಭೇಟಿ ನೀಡುವವರು ಇಲ್ಲಿ ಗಂಟೆಗಟ್ಟಲೆ ನಿಂತು ಸೆಲ್ಫಿ ತೆಗೆದುಕೊಳ್ಳಲು ಪ್ರಯತ್ನಿಸಬಾರದು. ಜನಸಂದಣಿಯನ್ನು ತಪ್ಪಿಸಲು ಅಲ್ಲಿ ಹೆಚ್ಚು ಹೊತ್ತು ನಿಂತು ಫೋಟೋ ತೆಗೆಯುವವರಿಗೆ ಇಲ್ಲಿನ ನಿಯಮದ ಪ್ರಕಾರ 243 ಯೂರೋ ಅಂದರೆ 25,000 ರೂಪಾಯಿ ದಂಡ ವಿಧಿಸಲಾಗುತ್ತದೆ. ಈ ನಿಯಮವು ಬೆಳಗ್ಗೆ 10:30 ರಿಂದ ಸಂಜೆ 6 ರವರೆಗೆ ಮಾತ್ರ ಅನ್ವಯಿಸುತ್ತದೆ.

ಆಸ್ಟ್ರೇಲಿಯಾದಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ಯಾರೇ ಜಗಳ ಅಥವಾ ವಾದದಲ್ಲಿ ತೊಡಗಿದರೆ ಭಾರೀ ದಂಡ ತೆರಬೇಕಾಗುತ್ತದೆ. ಯಾರಾದರೂ ಅಸಭ್ಯ ಭಾಷೆ ಬಳಸಿದರೆ 35 ಸಾವಿರದವರೆಗೆ ದಂಡ ತೆರಬೇಕಾಗುತ್ತದೆ. ದಕ್ಷಿಣ ಆಸ್ಟ್ರೇಲಿಯಾದಲ್ಲಿ, ಈ ದಂಡವು 68 ಸಾವಿರದವರೆಗೆ ಇರುತ್ತದೆ. ಅಲ್ಲದೆ 3 ತಿಂಗಳು ಜೈಲು ಶಿಕ್ಷೆ ವಿಧಿಸಲಾಗುತ್ತದೆ.

ದುಬೈಗೆ ಬರುವ ಪ್ರವಾಸಿಗರು ಸಾರ್ವಜನಿಕ ಸ್ಥಳಗಳಲ್ಲಿ ತಬ್ಬಿಕೊಳ್ಳುವುದು, ಚುಂಬಿಸುವುದನ್ನು ಇಲ್ಲಿಗೆ ಬರುವ ಪ್ರವಾಸಿಗರೂ ಮಾಡುವಂತಿಲ್ಲ. ವಿಶೇಷವಾಗಿ ಇಲ್ಲಿಗೆ ಬರುವ ದಂಪತಿಗಳು ಈ ವಿಷಯದಲ್ಲಿ ಕಾಳಜಿ ವಹಿಸಬೇಕು. ಇದೇ ರೀತಿ ಫ್ರಾನ್ಸ್‌ನ ರೈಲ್ವೆ ನಿಲ್ದಾಣಗಳಲ್ಲಿ ಚುಂಬನಕ್ಕೆ ನಿಷೇಧವಿದೆ. (ಎಲ್ಲಾ ಫೋಟೋಗಳು ಕೃಪೆ: Canva)