Lover ಭೇಟಿಗೆ ನಿತ್ಯ ಗ್ರಾಮವನ್ನು ಕತ್ತಲಲ್ಲಿ ಮುಳುಗಿಸುತ್ತಿದ್ದ ಪ್ರೇಮಿ; ವಿಷಯ ತಿಳಿದ ಗ್ರಾಮಸ್ಥರು ಮಾಡಿದ್ದೇನು ಗೊತ್ತಾ?

ತನ್ನ ಪ್ರಿಯತಮೆಯ ಭೇಟಿಗಾಗಿ ಇಡೀ ಗ್ರಾಮವನ್ನೇ ವ್ಯಕ್ತಿಯೊಬ್ಬ ಕತ್ತಲಲ್ಲಿ ಮುಳುಗಿಸುತ್ತಿದ್ದ ಘಟನೆ ಬಿಹಾರದಲ್ಲಿ ನಡೆದಿದೆ. ಬಿಹಾರದ ಪುರ್ನಿಯಾ ಜಿಲ್ಲೆಯ ಗಣೇಶಪುರದ ಜನರು ಪ್ರತಿನಿತ್ಯ ಸಂಜೆ ವಿದ್ಯುತ್​ ಸಮಸ್ಯೆ ಎದುರಿಸುತ್ತಿದ್ದರು. ಆದರೆ, ಈ ವಿದ್ಯುತ್​ ಸಮಸ್ಯೆಗೆ ಕಾರಣ ಒಬ್ಬ ಪ್ರೇಮಿಯಾಗಿದ್ದಾನೆ.

ಗ್ರಾಮದ ಎಲೆಕ್ಟ್ರಿಶಿಯನ್​​ ಒಬ್ಬ ಅದೇ ಗ್ರಾಮದ ಹುಡುಗಿಯನ್ನು ಪ್ರೀತಿಸುತ್ತಿದ್ದ. ತನ್ನ ಪ್ರೇಯಸಿಯನ್ನು ಖಾಸಗಿಯಾಗಿ ಭೇಟಿಯಾದರೆ ಹಳ್ಳಿಯಲ್ಲಿ ಯಾರ ಕೈಗೆ ಬೇಕಾದರೂ ಸಿಕ್ಕಿ ಬೀಳಬಹುದು ಎಂದು ಆತ ಆಲೋಚಿಸಿದ ಆತನಿಗೆ ಹೊಳೆದಿದ್ದ ಐಡಿಯಾ ಮಾತ್ರ ಸೂಪರ್​.

ತಮ್ಮ ಇಬ್ಬರ ಭೇಟಿಯ ಯಾರ ಕಣ್ಣಿಗೆ ಕಾಣದಂತೆ ಮಾಡಲು ಆತ ಇಡೀ ಗ್ರಾಮವನ್ನೇ ಕತ್ತಲಲ್ಲಿ ಮುಳುಗಿಸುತ್ತಿದ್ದ. ಪ್ರತಿನಿತ್ಯ ಸಂಜೆ ನಿರ್ಧಿಷ್ಟ ಸಮಯದಲ್ಲಿ ಎರಡು ಮೂರುಗಂಟೆಗಳ ಕಾಲ ಈತ ವಿದ್ಯುತ್​ ಕಡಿತ ಮಾಡುತ್ತಿದ್ದ.

ಈ ವೇಳೆ ತನ್ನ ನಲೆಯೊಂದಿಗೆ ಸಂಭಾಷಣೆ ನಡೆಸಿ, ಆಕೆಯೊಂದಿಗೆ ನಿರ್ಭಿತಿಯಿಂದ ಕಾಲ ಕಳೆಯುತ್ತಿದ್ದ. ಇತ್ತ ಗ್ರಾಮದಲ್ಲಿ ದಿನನಿತ್ಯ ವಿದ್ಯುತ್​ ಸಮಸ್ಯೆ ಎದುರಿಸುತ್ತಿದ್ದ ಜನರಿಗೆ ಕರೆಂಟ್​ ಹೋಗುತ್ತಿರುವುದು ವಿಚಿತ್ರವಾಗಿ ಕಂಡಿತು.

ಕಾರಣ ತಮ್ಮ ಹಳ್ಳಿಯಲ್ಲಿ ಮಾತ್ರ ವಿದ್ಯುತ್​ ಕಡಿತಗೊಳ್ಳುತ್ತಿದ್ದು, ಪಕ್ಕದ ಹಳ್ಳಿಗಳಲ್ಲಿ ದಿನ ನಿತ್ಯ ವಿದ್ಯುತ್​ ಇರುವುದು ಅನುಮಾನ ಮೂಡಿಸಿತು. ಈ ಹಿನ್ನಲೆ ಇದರ ಹಿಂದಿನ ಕಾರಣ ತಿಳಿಯಲು ತನಿಖೆಗೆ ಮುಂದಾದರು.

ಈ ವೇಳೆ ಕರೆಂಟ್​ ಕಡಿತಗೊಂಡಾಗ ಅಲ್ಲಿನ ಸರ್ಕಾರಿ ಶಾಲೆಯಲ್ಲಿ ಇಬ್ಬರು ಇರುವುದು ಪತ್ತೆಯಾಗಿದ್ದು, ಅದು ಆ ಪ್ರಿಯತಮ- ಪ್ರಿಯತಮೆ ಎಂಬುದು ಅರಿವಾಯಿತು.

ಕಡೆಗೆ ಎಲೆಕ್ಟ್ರಿಷಿಯನ್ ಹಿಡಿದು ಥಳಿಸಿದ ಗ್ರಾಮಸ್ಥರು ಕಾರಣ ಕೇಳಿದಾಗ ಅಸಲಿ ವಿಷಯ ಬಹಿರಂಗಗೊಂಡಿದೆ. ತಾವು ತನ್ನ ಪ್ರೇಯಸಿಯನ್ನು ನೋಡಲು ಬಯಸಿದಾಗ ವಿದ್ಯುತ್​ ಕಡಿತಗೊಳಿಸುವುದಾಗಿ ತಿಳಿಸಿದ್ದ.

ಕೊನೆಗೆ ಈ ಪ್ರೇಮಿಗಳ ಕಷ್ಟ ಅರಿತ ಗ್ರಾಮದ ಮುಖಂಡರು ಅವರಿಬ್ಬರನ್ನು ಮದುವೆ ಮಾಡಿಸಿದ್ದಾರೆ. ಒಟ್ಟಿನಲ್ಲಿ ಈ ಹುಚ್ಚು ಪ್ರೇಮಿಯಿಂದ ಇಡೀ ಗ್ರಾಮದ ಜನರು ವಿದ್ಯುತ್​ ಇಲಾಖೆಯನ್ನು ದೂಷಿಸುವಂತೆ ಆಗಿದ್ದು, ಸುಳ್ಳಲ್ಲ.