Dream11: ಡ್ರೀಮ್​ ಇಲೆವೆನ್‌ನಲ್ಲಿ ಸಿಕ್ತು ಬಂಪರ್, ರಾತ್ರೋರಾತ್ರಿ ಕೋಟ್ಯಾಧಿಪತಿಯಾದ ಪಿಯುಸಿ ಓದುತ್ತಿದ್ದ ಹುಡುಗ!

ಪಾಟ್ನಾ : ಭಾರತದಲ್ಲಿ ಕ್ರಿಕೆಟ್​ ಆಟಕ್ಕೆ ಇರುವಷ್ಟು ಕ್ರೇಜ್​ ಯಾವ ಕ್ರೀಡೆಗೂ ಇಲ್ಲ, ಇಲ್ಲಿ ಕ್ರಿಕೆಟ್​ ಆಟವೆಂದರೆ ಕೇವಲ ಮನರಂಜನೆ ಮಾತ್ರವಲ್ಲ ಭಾವನಾತ್ಮಕವಾಗಿರುತ್ತದೆ. ಈ ಉದ್ದೇಶದಿಂದಲೇ ಡ್ರೀಮ್ ಇಲೆವೆನ್​ ಎಂಬ ಪ್ಯಾಂಟಸಿ ಆಪ್​ ಸೃಷ್ಟಿಯಾಗಿದ್ದು, ಇದರಲ್ಲಿ ಎರಡೂ ತಂಡಗಳನ್ನು ಸೇರಿ ಡ್ರೀಮ್​ ಇಲೆವೆನ್ ಮಾಡಿ ಲಕ್ಷ, ಕೋಟಿಗಳಿಸುವ ಅವಕಾಶವನ್ನು ಕಲ್ಪಿಸಿದೆ. (ಸಾಂದರ್ಭಿಕ ಚಿತ್ರ)

ಈ ಆಟವನ್ನು ದಿನನಿತ್ಯ ಲಕ್ಷಾಂತರ ಮಂದಿ ಆಡುತ್ತಾರೆ. ಐಪಿಎಲ್ ಸೀಸನ್​ ವೇಳೆ ಕೋಟ್ಯಂತರ ಜನರು ಈ ಡ್ರೀಮ್​ ಇಲೆವೆನ್​ನಲ್ಲಿ ತೊಡಗಿಕೊಂಡಿರುತ್ತಾರೆ. ಈ ಆಟಕ್ಕೆ ಕ್ರಿಕೆಟ್, ಕ್ರಿಕೆಟ್ ಆಟದ ​ಬಗ್ಗೆ ಸಂಪೂರ್ಣ ತಿಳಿದಿರುವವರು ಆಡಬೇಕು. ಇಲ್ಲಿ ಗೆಲ್ಲಬೇಕೆಂದರೆ ಅದೃಷ್ಟ ಪ್ರಮುಖ ಪಾತ್ರವಹಿಸುತ್ತದೆ. ಬಿಹಾರದ ಪಿಯುಸಿ ವಿದ್ಯಾಭ್ಯಾಸ ಮಾಡುತ್ತಿದ್ದ ಯುವಕನೊಬ್ಬನಿಗೆ ಆ ಅದೃಷ್ಟ ಒಲಿದು ಬಂದಿದೆ. (ಸಾಂದರ್ಭಿಕ ಚಿತ್ರ)

ಬಿಹಾರ ರಾಜ್ಯದ ಮಧುಬನಿ ಜಿಲ್ಲೆಯ ಯುವಕ ಡ್ರೀಮ್​ ಇಲೆವೆನ್​ನಲ್ಲಿ ಒಂದು ಕೋಟಿ ರೂಪಾಯಿ ಗೆಲ್ಲುವ ಮೂಲಕ ರಾತ್ರೋರಾತ್ರಿ  ಕೋಟ್ಯಾಧಿಪತಿಯಾಗಿದ್ದಾನೆ. ಇದು ಆತನ ಮನೆಯಲ್ಲಿ ಹಬ್ಬದ ವಾತಾವರಣವನ್ನು ಉಂಟುಮಾಡಿದೆ. (ಸಾಂದರ್ಭಿಕ ಚಿತ್ರ)

ಸಣ್ಣ ದಿನಸಿ ವ್ಯಾಪಾರಿ ರಾಜೇಶ್​ ಮೆಹ್ತಾ ಎಂಬುವವರ ಮಗ 19 ವರ್ಷದ ಶಾನು ಕುಮಾರ್​ ಮೆಹ್ತಾ ಆಸ್ಟ್ರೇಲಿಯಾ ಬಿಗ್​ ಬ್ಯಾಶ್​ ಟಿ20 ಲೀಗ್​ ಟೂರ್ನಿಯಲ್ಲಿ ಪಂದ್ಯವೊಂದರಲ್ಲಿ ಡ್ರೀಮ್ ಇಲವೆನ್ ತಂಡ ರಚಿಸಿ ಕೋಟಿ ರೂಪಾಯಿ ಗೆದ್ದುಕೊಂಡಿದ್ದಾರೆ. ಈ ವಿಷಯ ತಿಳಿಯುತ್ತಿದ್ದಂತೆ ಯುವಕನ ಮನೆಮುಂದೆ ಜನಸ್ತೋಮವೇ ಹರಿದುಬರುತ್ತಿದೆ. (ಸಾಂದರ್ಭಿಕ ಚಿತ್ರ)

ಶಾನು ಕುಮಾರ್​ಗೆ ಮೂವರು ಸಹೋದರರಿದ್ದು, ಈತನೇ  ಹಿರಿಯವನಾಗಿದ್ದಾನೆ. ಈತ ದ್ವಿತೀಯ ಪಿಯುಸಿ ವಿಜ್ಞಾನ ವಿಭಾಗದಲ್ಲಿ ವ್ಯಾಸಂಗ ಮಾಡುತ್ತಿದ್ದಾನೆ. ಜೊತೆಗೆ ದೆಹಲಿಯಲ್ಲಿರುವ ​ವೀರೇಂದ್ರ ಸೆಹ್ವಾಗ್ ಕ್ರಿಕೆಟ್ ಅಕಾಡೆಮಿಯಲ್ಲಿ ಕೋಚಿಂಗ್ ಪಡೆದುಕೊಳ್ಳುತ್ತಿದ್ದಾನೆ. (ಸಾಂದರ್ಭಿಕ ಚಿತ್ರ)

ನಾನು ಒಂದು ಕೋಟಿ ಗೆದ್ದಿದ್ದೇನೆ ಎಂಬುದನ್ನು ಮೊದಲು ನಂಬಲು ಸಾಧ್ಯವಾಗಲಿಲ್ಲ. ನನ್ನ ಮೊಬೈಲ್‌ಗೆ ಬಂದ ಮೆಸೇಜ್​ ನೋಡಿ ಸಂತೋಷಕ್ಕೆ ಮಿತಿಯೇ ಇಲ್ಲದಂತಾಗಿತ್ತು ಎಂದು ಹೇಳಿಕೊಂಡಿದ್ದಾರೆ. ನನಗೆ ಕ್ರಿಕೆಟಿಗನಾಗುವ ಆಸೆ ಇದೆ. ಈಗ ನನಗೆ ಬಂದಿರುವ ಹಣವನ್ನು ತಂದೆಗೆ ನೀಡಿದ್ದೇನೆ. ಇದರಿಂದ ಅವರ ವ್ಯಾಪಾರವನ್ನು ದೊಡ್ಡದಾಗಿ ಮಾಡಲು ಅನುಕೂಲವಾಗಲಿದೆ. ಜೊತೆಗೆ ನನ್ನ ತಂದೆಯ ಆಸೆಯಂತೆ ಇದೇ ದುಡ್ಡಿನಲ್ಲಿ ನಾನು ಉತ್ತಮ ಕ್ರಿಕೆಟ್​ ತರಬೇತಿ ಪಡೆದುಕೋಳ್ಳುತ್ತೇನೆ" ಎಂದು ಶಾನು ಕುಮಾರ್ ಹೇಳಿದ್ದಾರೆ. (ಸಾಂದರ್ಭಿಕ ಚಿತ್ರ)

ಬಿಹಾರದ ನವಾಡಾದ ಅಕ್ಬರ್​ಪುರ ಪೊಲೀಸ್​ ಠಾಣಾ ವ್ಯಾಪ್ತಿಯ ಪಿಪ್ರಾ ಖುರ್ದ್​ ಗ್ರಾಮದ ನಿವಾಸಿ ರಾಜು ರಾಮ್​ ಎಂಬವರು ಡ್ರೀಮ್​ 11ನಲ್ಲಿ ಒಂದು ಕೋಟಿ ರೂಪಾಯಿ ಗೆದ್ದಿದ್ದರು. ಈತನಿಗೆ ತೆರಿಗೆ ಕಡಿತವಾಗಿ ಇವರಿಗೆ 70 ಲಕ್ಷ ರೂ. ಸಿಕ್ಕಿತ್ತು. ಇವರಲ್ಲದೇ ಭೋಜ್​ಪುರ ಜಿಲ್ಲೆಯ ಚಾರ್ಪೋಖಾರಿ ಬ್ಲಾಕ್​ನ ಠಾಕುರಿ ಗ್ರಾಮದ ಯುವಕ ಸೌರಭ್​ ಎಂಬಾತ 49 ರೂಪಾಯಿ ಕಂಟೆಸ್ಟ್​ನಲ್ಲಿ ಒಂದು ಕೋಟಿ ಗೆದ್ದಿದ್ದರು. (ಸಾಂದರ್ಭಿಕ ಚಿತ್ರ)

ಬಿಹಾರದ ಸರನ್​ ಜಿಲ್ಲೆಯ ದಿನಗೂಲಿ ನೌಕರನ ಮಗ ಹಾಗೂ ಚಾಲಕನಾಗಿದ್ದ ರಮೇಶ್​ ಕುಮಾರ್​ ಎಂಬಾತ ಬರೋಬ್ಬರಿ 2 ಕೋಟಿ ಗೆದ್ದು ರಾರ್ತೋ ರಾತ್ರಿ ಸಿರಿವಂತನಾಗಿದ್ದ. ಬಿಹಾರ್, ಗುಜರಾತ್, ಉತ್ತರ ಪ್ರದೇಶ ಮೂಲದವರು ಹೆಚ್ಚು ಡ್ರೀಮ್​ ಇಲೆವೆನ್​ನಲ್ಲಿ ತೊಡಗಿಸಿಕೊಳ್ಳುತ್ತಿದ್ದು, ಆಗಾಗ್ಗೆ ಈ ರೀತಿ ಲಕ್ಷಾಧಿಪತಿಗಳಾಗಿ ಸುದ್ದಿಯಾಗುತ್ತಿರುತ್ತಾರೆ. (ಸಾಂದರ್ಭಿಕ ಚಿತ್ರ)