Marriage: ಹಾರ ಬದಲಿಸಿಕೊಳ್ಳುವಾಗ ಮದುವೆ ನಿಲ್ಲಿಸಿದ ವಧು! ಆಕೆ ಕೊಟ್ಟ ಕಾರಣ ಕೇಳಿದ್ರೆ ಶಾಕ್ ಆಗ್ತೀರ?

ಹಿಂದೆ ಮದುವೆ ಎಂದರೆ ಸಂಭ್ರಮ ಮನೆ ಮಾಡುತ್ತಿತ್ತು. ಎರಡೂ ಕಡೆಯ ನೆಂಟರು, ಊರಿನವರು ವಿವಾಹಕ್ಕೆ ಆಗಮಿಸಿ ಸಂಭ್ರಮದ ಭಾಗವಾಗುತ್ತಿದ್ದರು. ಏನೇ ಸಣ್ಣ ಪುಟ್ಟ ಜಗಳಗಳಾದರೂ ಕುಳಿತು ಚರ್ಚಿಸಿ ಮದುವೆ ನಿಲ್ಲದಂತೆ ನೋಡಿಕೊಳ್ಳುತ್ತಿದ್ದರು.

ಆದರೆ ಈಗ ಕಾಲ ಬದಲಾಗಿದೆ. ಸಣ್ಣ-ಪುಟ್ಟ ವಿಷಯಗಳಿಗೆ ಮದುವೆ ರದ್ಧಾಗುತ್ತವೆ. ಅದರಲ್ಲೂ ವಧು ತಾಳಿ ಕಟ್ಟುವ ವೇಳೆ, ಹಸಮಣೆಗೆ ಕೂರುವ ವೇಳೆ ಮದುವೆಯನ್ನು ನಿಲ್ಲಿಸಿರುವ ಪ್ರಕರಣಗಳನ್ನು ನಾವು ಸಾಕಷ್ಟು ನೋಡಿದ್ದೇವೆ. ಅದೇ ರೀತಿಯ ಒಂದು ಘಟನೆ ಬಿಹಾರದಲ್ಲಿ ನಡೆದಿದೆ. ಇಲ್ಲಿ ವಧು ಹಾರ ಬದಲಾಯಿಸಿಕೊಳ್ಳುವ ಸಂದರ್ಭದಲ್ಲಿ ವರನ ಬಣ್ಣ ಮತ್ತು ವಯಸ್ಸಿನ ಅಂತರದ ಬಗ್ಗೆ ಅಸಮಾಧಾನಗೊಂಡು ಮದುವೆಯನ್ನು ನಿಲ್ಲಿಸಿದ್ದಾಳೆ.

ಬಿಹಾರದ ಭಾಗಲ್ಪುರದಲ್ಲಿ ಜಿಲ್ಲೆಯಲ್ಲಿ ನಡೆದಿದ್ದು, ಮೇ 15 ವಿವಾಹ ನಿಗದಿಪಡಿಸಲಾಗಿತ್ತು. ಮದುವೆ ದಿನದಂದು ವರ, ವಧುವಿನ ಮನೆಗೆ ಬಂದಿದ್ದಾನೆ. ವರದಿಗಳ ಪ್ರಕಾರ ಈ ವೇಳೆ ವಧುವಿಗೆ ಯಾರೋ ಇಬ್ಬರ ನಡುವಿನ ವಯಸ್ಸಿನ ಅಂತರವನ್ನು ತಿಳಿಸಿದ್ದಾರೆ. ನಂತರ ಹಾರ ಬದಲಾಯಿಸುವ ಕಾರ್ಯಕ್ರಮದ ವೇಳೆ ವಧು ಮದುವೆಗೆ ನಿರಾಕರಿಸಿದ್ದಾಳೆ.

ಕಾರಣ ಕೇಳಿದ್ದಕ್ಕೆ ವರನ ಬಣ್ಣ ಕಪ್ಪು ಮತ್ತು ವಯಸ್ಸು ಅಂತರ ಹೆಚ್ಚಾಗಿದೆ ಎಂದು ಹೇಳಿದ್ದಾಳೆ.ಈ ವೇಳೆ ಮದುವೆಗೆ ಬಂದಿದ್ದ ನೆಂಟರು, ಕುಟುಂಬಸ್ಥರು, ವಧುವಿನ ಸಹೋದರಿ, ವರನ ಪೋಷಕರು ಸೇರಿ ಆಕೆಯ ನಿರ್ಧಾರವನ್ನು ಬದಲಾಯಿಸಿಕೊಳ್ಳುವಂತೆ ಮನವಿ ಮಾಡಿದ್ದಾರೆ.

ಮದುವೆಯ ಎಲ್ಲಾ ಕಾರ್ಯಕ್ರಮಗಳು ಬಹುತೇಕ ಆಗಿದ್ದರಿಂದ ನಿರ್ಧಾರವನ್ನು ಬದಲಿಕೊಳ್ಳಲು ಸಾಕಷ್ಟು ಒತ್ತಾಯಿಸಿದರೂ, ವಧು ಮಾತ್ರ ಯಾವುದೇ ಕಾರಣಕ್ಕೂ ತಾನೂ ಆ ವರನನ್ನು ವಿವಾಹ ಆಗುವುದಿಲ್ಲ ಎಂದು ಮದುವೆ ಮಂಟಪದಿಂದ ಎದ್ದು ಹೋಗಿದ್ದಾಳೆ.

ಒಂದು ವೇಳೆ ಹೀಗೆ ಮದುವೆ ಆಗು ಎಂದು ಒತ್ತಾಯಿಸಿದರೆ ತಾನೂ ವಿಷಕುಡಿದು ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಹೇಳಿದ್ದಾರೆ. ನಂತರ ವರನ ಕುಟುಂಬಸ್ಥರು ಬೇರೆ ದಾರಿಯಿಲ್ಲದೆ ಮದುವೆ ಮನೆಯಿಂದ ತಮ್ಮ ಊರಿಗೆ ಮರಳಿದ್ದಾರೆ.

ಇಂತದ್ದೇ ಒಂದು ಘಟನೆ ಉತ್ತರ ಪ್ರದೇಶದಲ್ಲೂ ನಡೆದಿತ್ತು. ವಧು ಮದುವೆಗೂ ಮುನ್ನ ವರನನ್ನು ಕರೆದು ನಿನ್ನ ಬಣ್ಣ ಕಪ್ಪು, ಅಲ್ಲದೆ ಅವಿದ್ಯಾವಂತ, ನನಗೆ ನಿನ್ನನ್ನು ಮದುವೆಯಾಗಲು ಇಷ್ಟವಿಲ್ಲ. ಆದರೆ ನಾನು ಈ ಮದುವೆ ನಿಲ್ಲಿಸಿದ ಆರೋಪವನ್ನು ತೆಗೆದುಕೊಳ್ಳಲು ನಾನು ಬಯಸಲ್ಲ, ನೀನೆ ನಿಲ್ಲಿಸು, ಇಲ್ಲದಿದ್ದರೆ ಮದುವೆಯ ಮೊದಲು ಓಡಿಹೋಗುವುದಾಗಿ ಬೆದರಿಕೆ ಹಾಕಿದ್ದಾಳೆ. ನಂತರ ವರ ಮದುವೆಯನ್ನು ನಿಲ್ಲಿಸಿದ್ದಾನೆ. ವರನೇ ಮದುವೆ ನಿಲ್ಲಿಸಿದ್ದಾನೆ ಎಂದು ಗಲಾಟೆ ನಡೆದು ಕೊನೆಗೆ ಈ ಪ್ರಕರಣದ ಪೊಲೀಸ್ ಮೆಟ್ಟಿಲೇರಿತ್ತು.