Tirupati: ತಿಮ್ಮಪ್ಪನ ದರ್ಶನ, ರೂಮ್​ಗಾಗಿ ಆನ್​ಲೈನ್​ನಲ್ಲಿ ಟಿಕೆಟ್​ ಬುಕ್​ ಮಾಡ್ತೀರಾ? ಹಾಗಾದ್ರೆ ಈ ಸುದ್ದಿ ಓದ್ಲೇಬೇಕು

ದೇಶ ವಿದೇಶಗಳಿಂದ ಸಾವಿರಾರು ಭಕ್ತರು ಪ್ರತಿದಿನ ತಿರುಮಲಕ್ಕೆ ತೆರಳಿ ಬಾಲಾಜಿ ದರ್ಶನ ಪಡೆಯುತ್ತಾರೆ. ಒಂದೋ ಎರಡೋ ತಿಂಗಳ ಮುಂಚೆಯೇ ತಿರುಪತಿಗೆ ಹೋಗೋ ಪ್ಲಾನ್ ಮಾಡ್ತಾರೆ. ರೈಲು ಟಿಕೆಟ್‌ಗಳಿಂದ ಹಿಡಿದು ದರ್ಶನ ಟಿಕೆಟ್‌ಗಳು, ಕೊಠಡಿ ಬುಕಿಂಗ್‌ಗಳು ಮತ್ತು ಸೇವೆಗಳವರೆಗೆ ಎಲ್ಲವನ್ನೂ ಆನ್‌ಲೈನ್‌ನಲ್ಲಿ ಬುಕ್ ಮಾಡಿಕೊಳ್ಳುತ್ತಾರೆ. (ಸಾಂಕೇತಿಕ ಚಿತ್ರ)

ಆದರೆ ಶ್ರೀವಾರಿ ದರ್ಶನ ಹಾಗೂ ಬಾಡಿಗೆ ರೂಮ್​ಗಳಿಗೆ ಭಕ್ತಾದಿಗಳಿಂದ ಭಾರೀ ಬೇಡಿಕೆ ಇದೆ. ಇದನ್ನೇ ದುರಪಯೋಗಪಡಿಸಿಕೊಳ್ಳುತ್ತಿರುವ ವಂಚಕರು ನಕಲಿ ವೆಬ್‌ಸೈಟ್‌ಗಳನ್ನು ಸೃಷ್ಟಿಸಿ ಹಣ ಮಾಡಿಕೊಳ್ಳುತ್ತಿದ್ದಾರೆ. ತಿರುಮಲ ತಿರುಪತಿ ದೇವಸ್ಥಾನದ ಅಧಿಕೃತ ವೆಬ್‌ಸೈಟ್‌ನಂತೆ ನಕಲಿ ವೆಬ್​ಸೈಟ್​ ವಿನ್ಯಾಸಗೊಳಿಸಿ ತಿಮ್ಮಪ್ಪನ ಭಕ್ತರಿಗೆ ಮೋಸ ಮಾಡುತ್ತಿದ್ದಾರೆ. (ಸಾಂಕೇತಿಕ ಚಿತ್ರ)

ಇದನ್ನು ತಿಳಿಯದೆ ಅನೇಕ ಭಕ್ತರು ನಕಲಿ ವೆಬ್ ಸೈಟ್​ಗಳಲ್ಲಿ ಟಿಕೆಟ್ ಬುಕ್ ಮಾಡಿ ಮೋಸ ಹೋಗುತ್ತಿದ್ದು, ಹಣ ಕಳೆದುಕೊಳ್ಳುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಟಿಟಿಡಿ ಅಧಿಕೃತ ವೆಬ್ ಸೈಟ್​ಗಳ ಬಗ್ಗೆ ಭಕ್ತರಿಗೆ ಕಾಲಕಾಲಕ್ಕೆ ಅರಿವು ಮೂಡಿಸುತ್ತಿದೆ. ನಕಲಿ ವೆಬ್‌ಸೈಟ್‌ಗಳಿಗೆ ಮೋಸ ಹೋಗಬೇಡಿ ಎಂದು ಸಲಹೆ ನೀಡುತ್ತಿದೆ. (ಸಾಂಕೇತಿಕ ಚಿತ್ರ)

TTD https://tirupatibalaji.ap.gov.in/ ಹೆಸರಿನ ಅಧಿಕೃತ ವೆಬ್‌ಸೈಟ್ ಹೊಂದಿದೆ. ಇದು ಮಾತ್ರ ಒರಿಜಿನಲ್​ ವೆಬ್​ ಸೈಟ್ ಆಗಿದೆ. ಆದರೆ ಕೆಲ ಕಿಡಿಗೇಡಿಗಳು ಸಣ್ಣಪುಟ್ಟ ಬದಲಾವಣೆಗಳೊಂದಿಗೆ https://tirupatibalaji-ap-gov.org/ ಎಂಬ ನಕಲಿ ವೆಬ್‌ಸೈಟ್ ಸೃಷ್ಟಿಸಿದ್ದಾರೆ. ಈ ನಕಲಿ ವೆಬ್‌ಸೈಟ್ ಅನ್ನು ನಂಬಬೇಡಿ ಎಂದು ಭಕ್ತರಿಗೆ ಟಿಟಿಡಿ ಮನವಿ ಮಾಡಿದೆ. (ಸಾಂಕೇತಿಕ ಚಿತ್ರ)

ಟಿಟಿಡಿ ಅಧಿಕೃತ ವೆಬ್‌ಸೈಟ್ ಅಥವಾ tt devasthanams ಆ್ಯಪ್ ಮೂಲಕ ಶ್ರೀವಾರಿ ಆರ್ಜಿತಾ ಸೇವೆಗಳು, ದರ್ಶನ ಟಿಕೆಟ್‌ಗಳು ಮತ್ತು ಕೊಠಡಿಗಳನ್ನು ಬುಕ್ ಮಾಡಲು ಟಿಡಿಪಿ ಸೂಚಿಸಿದೆ. ಇದುವರೆಗೆ ಟಿಟಿಡಿ ಹೆಸರಿನಲ್ಲಿ 41 ನಕಲಿ ವೆಬ್‌ಸೈಟ್‌ಗಳ ಕುರಿತು ಪೊಲೀಸರಿಗೆ ದೂರು ನೀಡಲಾಗಿದೆ. (ಸಾಂಕೇತಿಕ ಚಿತ್ರ)

ಏತನ್ಮಧ್ಯೆ, ಟಿಟಿಡಿ ಏಪ್ರಿಲ್ 25 ರಂದು ಆನ್‌ಲೈನ್‌ನಲ್ಲಿ ಮೇ ಮತ್ತು ಜೂನ್ ತಿಂಗಳ 300 ರೂಪಾಯಿಗಳ ವಿಶೇಷ ಪ್ರವೇಶ ದರ್ಶನ ಟಿಕೆಟ್‌ಗಳನ್ನು ಬಿಡುಗಡೆ ಮಾಡಲಿದೆ. ತಿರುಮಲದಲ್ಲಿ ಬಾಡಿಗೆಗೆ ಕೊಠಡಿಗಳ ಬುಕ್ಕಿಂಗ್ ಅನ್ನು ಮರುದಿನ ತೆರೆಯಲಾಗುತ್ತದೆ. ಎರಡು ತಿಂಗಳ ಟಿಕೆಟ್‌ಗಳನ್ನು ಒಂದೇ ಬಾರಿಗೆ ಬಿಡುಗಡೆ ಮಾಡಲಾಗುತ್ತಿದೆ ಎಂದು ಟಿಟಿಡಿ ತಿಳಿಸಿದೆ. (ಸಾಂಕೇತಿಕ ಚಿತ್ರ)

ಶನಿವಾರ 72,631 ಭಕ್ತರು ತಿರುಮಲ ದರ್ಶನ ಪಡೆದರು. ಈ ಪೈಕಿ 38,529 ಮಂದಿ ಮುಡಿ ಕೊಟ್ಟಿದ್ದಾರೆ. ಭಕ್ತರಿಂದ ಕಾಣಿಕೆ ರೂಪದಲ್ಲಿ ಶ್ರೀವಾರಿ ಹುಂಡಿಗೆ 2.85 ಕೋಟಿ ಆದಾಯ ಬಂದಿದೆ. ಶಾಲಾ-ಕಾಲೇಜುಗಳಿಗೆ ಬೇಸಿಗೆ ರಜೆ ಇರುವುದರಿಂದ ಬೆಟ್ಟದಲ್ಲಿ ಭಕ್ತರ ದಂಡು ಹೆಚ್ಚಿದೆ. (ಸಾಂಕೇತಿಕ ಚಿತ್ರ)