Viral Photos: ಬೆಂಕಿಯ ಜೊತೆ ಆಡುವ ಬೈಖೋ ಹಬ್ಬ, ಧಗಧಗ ಉರಿಯುವ ಕೆಂಡವೂ ಇವ್ರಿಗೆ ಲೆಕ್ಕಕ್ಕೇ ಇಲ್ಲ!

ಕರ್ನಾಟಕದಲ್ಲಿ ಕೆಂಡ ಹಾಯುವ ಸಂಪ್ರದಾಯವನ್ನು ನೀವು ಕೇಳಿರಬಹುದು. ಅದೇ ರೀತಿ ಅಸ್ಸಾಂನಲ್ಲೊಂದು ವಿಶಿಷ್ಟ ಹಬ್ಬವಿದೆ. ಬಯಲ ಮಧ್ಯದಲ್ಲಿ ಬೆಂಕಿ, ಸುತ್ತ ವಿಶಿಷ್ಟ ವೇಷ ಧರಿಸಿದ ಹಲವಾರು ಜನರು, ಇಲ್ಲಿ ನೆರೆದವರೆದ್ದು ಬೆಂಕಿಯ ಜೊತೆ ಆಟ, ಓಟ! ಇಲ್ಲಿ ಎಲ್ಲಾ ಧಗಧಗ ಸುಡುವ ಕೆಂಡದ್ದೇ ಹಬ್ಬ! ಅಸ್ಸಾಂನ ರಭಾ ಸಮುದಾಯ ಅತ್ಯಂತ ವಿಶಿಷ್ಟ ಹಬ್ಬದ ಝಲಕ್ ಇದು!

ರಭಾ ಸಮುದಾಯವು ಕೃಷಿಗೆ ಸಂಬಂಧಿಸಿದ ಸಾಂಪ್ರದಾಯಿಕ ಬೈಖೋ ಹಬ್ಬವನ್ನು ಆಚರಿಸುತ್ತದೆ. ಈ ಹಬ್ಬವು ಕೆಲವು ವಿಶಿಷ್ಟ ಆಚರಣೆಯ ಶೈಲಿಯನ್ನು ಹೊಂದಿದೆ. ಅದರಲ್ಲಿ ಬೆಂಕಿಯೊಂದಿಗೆ ಆಟವಾಡುವುದು ಸಹ ಒಂದು!

ರಭಾ ಸಮುದಾಯದ ಜನರು ಪ್ರಾಚೀನ ಕಾಲದಿಂದಲೂ ಬೈಖೋ ದೇವಿಯನ್ನು ಪೂಜಿಸುತ್ತಾರೆ. ದೇವಿಯನ್ನು ಸಮಾಧಾನ ಪಡಿಸಲು ಬೆಂಕಿಯ ಮೇಲೆ ನೃತ್ಯ ಮಾಡುತ್ತಾರೆ.

ಹಬ್ಬ ಆಚರಿಸುವಾಗ ಈ ಸಮುದಾಯದ ಜನರು ಬೆಂಕಿಯೊಂದಿಗೆ ಆಡುತ್ತಾರೆ! ಕೆಲವರು ಬೆಂಕಿಯ ಮೇಲೆ ನೃತ್ಯ ಮಾಡುತ್ತಾರೆ. ಕೆಲವರು ಬರಿ ಪಾದಗಳೊಂದಿಗೆ ಬೆಂಕಿಯ ಮೇಲೆ ನಡೆಯುತ್ತಾರೆ.

ದೇವಿಯ ಆಶೀರ್ವಾದ ಇರೋದಕ್ಕೆ ಬೆಂಕಿಯ ಮೇಲೆ ವಿಶಿಷ್ಟ ಪ್ರದರ್ಶನ ನಡೆಸುವಾಗ ಏನೂ ಆಗಲ್ಲ, ಎಂದು ಇವರು ನಂಬುತ್ತಾರೆ. ಬೆಂಕಿಯ ಮೇಲಿನ ಈ ನೃತ್ಯವನ್ನು ರಾಭಾ ಭಾಷೆಯಲ್ಲಿ "ಬಾರ್ ನಕ್ಕೈ" ಎಂದು ಕರೆಯಲಾಗುತ್ತದೆ.

[caption id="attachment_1008720" align="alignnone" width="525"] ಕೃಷಿಕರು ತಮ್ಮ ಕೆಲಸ ಕಾರ್ಯಗಳಲ್ಲಿ ಇನ್ನಷ್ಟು ಸುಧಾರಣೆ ಕಾಣಲು, ಯಾವುದೇ ರೋಗಗಳನ್ನು ಬರದಂತೆ ತಡೆಯಲು ಈ ಹಬ್ಬ ಆಚರಿಸ್ತಾರೆ.

[caption id="attachment_1008713" align="alignnone" width="1280"] ಉರಿಯುವ ಬೆಂಕಿಯ ಮೇಲೆ ಹಾದುಹೋಗುತ್ತಾ, ಧಗಧಗ ಪ್ರಜ್ವಲಿಸುವ ಕೆಂಡದ ಮೇಲೆ ಬರಿಗಾಲಲ್ಲಿ ನಡೆಯುತ್ತಾ ಈ ವಿಭಿನ್ನ ಹಬ್ಬವನ್ನು ಆಚರಣೆ ಮಾಡಲಾಗುತ್ತದೆ.

ಒಟ್ಟಾರೆ ಬೈಖೋ ದೇವಿಯನ್ನು ಪೂಜಿಸುವುದರಿಂದ ಎಲ್ಲಾ ಆಸೆಗಳು ಈಡೇರುತ್ತವೆ ಎಂದು ರಾಭಾ ಸಮುದಾಯದ ಜನರು ನಂಬುತ್ತಾರೆ. ಹೀಗೆ  ವಿಭಿನ್ನ ಹಬ್ಬ ಆಚರಿಸುವ ಮೂಲಕ ಈ ಸಮುದಾಯದ ಜನರು ವಿಶಿಷ್ಟತೆ ಮೆರೆಯುತ್ತಾರೆ.