ಮತ್ತೆ ಫೋಟೋಶೂಟ್​ಗಳಲ್ಲಿ ಮಿಂಚಲಾರಂಭಿಸಿದ ಒಲಂಪಿಕ್​ ಪದಕ ವಿಜೇತೆ P V Sindhu

ಕ್ರೀಡಾ ಜಗತ್ತಿನ ಜೊತೆಗೆ ಫ್ಯಾಷನ್​ ಲೋಕದಲ್ಲೂ ಸಿಂಧೂ ಹೆಸರು ಮಾಡಿದ್ದಾರೆ. ಆಗಾಗ ಫೋಟೋಶೂಟ್​ಗಳಲ್ಲಿ ಕಾಣಿಸಿಕೊಳ್ಳುವ ಸಿಂಧೂ ಅವರು ಈಗ ಮತ್ತೆ ನಿಯತ ಕಾಲಿಕೆಯೊಂದರ ಫೋಟೋಶೂಟ್​ಗೆ ಪೋಸ್​ ಕೊಟ್ಟಿದ್ದಾರೆ.

ಬ್ಯಾಂಡ್ಮಿಂಗ್​ ಕೋರ್ಟ್​ನಲ್ಲಿ ಆಡಲು ಸೈ... ವಿನ್ಯಾಸಿತ ಬಟ್ಟೆ ತೊಟ್ಟು ಕ್ಯಾಟ್ ವಾಕ್​ ಮಾಡಲು ಸೈ ಎನ್ನುವ ಸಿಂಧು ಅವರು ಸಾಕಷ್ಟು ಫೋಟೋಶೂಟ್​ಗಳಿಗೆ ಪೋಸ್​ ಕೊಡುತ್ತಿದ್ದಾರೆ. ಅಲ್ಲದೆ ಜಾಹೀರಾತುಗಳಲ್ಲೂ ಕಾಣಿಸಿಕೊಳ್ಳುತ್ತಿದ್ದಾರೆ.

ಒಲಂಪಿಕ್ಸ್​ನಲ್ಲಿ ಎರಡು ಪದಕ ಗೆದ್ದಿರುವ ಸಿಂಧು ಅವರು ಇತ್ತೀಚೆಗೆ ಸಖತ್ ಸುದ್ದಿಯಲ್ಲಿದ್ದಾರೆ. ಇತ್ತೀಚೆಗಷ್ಟೆ ನಟಿ ದೀಪಿಕಾ ಪಡುಕೋಣೆ ಜತೆ ಬ್ಯಾಡ್ಮಿಂಟನ್ ಆಟವಾಡಿ ಸದ್ದು ಮಾಡಿದ್ದರು. ಜೊತೆಗೆ ದೀಪಿಕಾರ ಆಟವನ್ನು ಕೊಂಡಾಡಿದ್ದರು.

ಈಗ ಬಜಾರ್​ ಎಂಬ ನಿಯತಕಾಲಿಕೆಗೆ ಸಂದರ್ಶನ ನೀಡಿರುವ ಸಿಂಧು ಅವರು, ತಮ್ಮ ಬಾಲ್ಯ, ಕ್ರೀಡಾ ಲೋಕದಲ್ಲಿನ ಸಾಧನೆ ಹಾಗೂ ಜರ್ನಿಯ ಕುರಿತಾಗಿ ಸಾಕಷ್ಟು ವಿಷಯಗಳನ್ನು ಹಂಚಿಕೊಂಡಿದ್ದಾರೆ.

ಸೆಲೆಬ್ರಿಟಿ ವಸ್ತ್ರ ವಿನ್ಯಾಸಕರ ವಿನ್ಯಾಸಿತ ಡ್ರೆಸ್​ ತೊಟ್ಟು ಸಾಕಷ್ಟು ಸಲ ಕಾಣಿಸಿಕೊಂಡಿದ್ದಾರೆ. ಇತ್ತೀಚೆಗಷ್ಟೆ ಮನೀಷ್​ ಮಲ್ಹೋತ್ರಾ ಅವರು ವಿನ್ಯಾಸ ಮಾಡಿರುವ ಸೀರೆಯುಟ್ಟು ಮಿಂಚಿದ್ದರು. ಆ ಫೋಟೋಗಳು ಸಹ ವೈರಲ್ ಆಗಿದ್ದವು.

ಈಗ ಬಜಾರ್ ನಿಯತಕಾಲಿಕೆಗೆ ನೀಡಿರುವ ಸಂದರ್ಶನಕ್ಕಾಗಿ ಮಾಡಿರುವ ಫೋಟೋಶೂಟ್​ನಲ್ಲಿ ಮಾಡರ್ನ್​ ಡ್ರೆಸ್​ ತೊಟ್ಟು ಕಾಣಿಸಿಕೊಂಡಿದ್ದಾರೆ. ಇನ್ನೂ ಆಟಕ್ಕಾಗಿ ಏನೆಲ್ಲ ತ್ಯಾಗ ಮಾಡಿದ್ದಾರೆ. ಸಹೋದರಿಯ ಮದುವೆ ಮಿಸ್ ಮಾಡಿಕೊಂಡಿದ್ದೂ ಸೇರಿದಂತೆ ಹಲವಾರು ವಿಷಯಗಳನ್ನು ಹಂಚಿಕೊಂಡಿದ್ದಾರೆ.